عشق السلاطين {باللهجة العراقية}

هدية لـ شهد

_ عشق_السلاطين_ بارت 54
٠
٠
بقلمي _ ياسمين-
_________________________

شايف من بعد مايستفزك شي
وماتفهم الناس احساسك المبهم

شايف من خساراتك تصير هواي
شايف من بعد مابيك تتندم

من يوكف وراك الموت ماتندار
واعز اشياءك من تروح ماتهتم
_________________________

ريم..

دخلت من الباب الخلفي للقصر الهث بين ايدي كيس اسود حاظنته لكلبي لايوكع منه شي.. كل خطوة اخطيها اشوف غرفتي بيها بعيدة قريبة اريد بس ادخلها واقفل الباب علية.. ركضت بكل قوتي صعدت الدرجات لجوة احمد الله الحرس مخفف حمايته بين اسوار القصر بهيج وقت بالذات،

بس دخلت غرفتي رن موبايلي طلعته من جيب بنطلوني اسم رزاق كدامي جاوبته واني اقفل الباب عليه
_ ها رزاق اسمعك

_ يابة وين هالغيبة كلها قلقنا عليج وظحك متقصد يسمعني.. بالذات اسوان عقله من وراج صاير مثل الجداحة بس طكيها تنفجر علينا

شمرت الكيس عالجرباية وفتحت الحاكية حتى اغير ملابسي براحتي
_ اولا جنت مشغولة بامتحاناتي وماصارلي من خلصت ثانيا الف مرة بلغته لاسوان يبطل يركض وراي راح يجيبلي شبهه من ورة مراقبته الي ساعتها عماد يطربك الدنيا على راسي وراسكم

سمعت صوت جدحة جداحة سكت لثواني خمنت يشرب جكارة كال
_ قصدج على راسج مو راسنا خاف عبالج لازمتنا من الايد التوجعنا وعندج دليل علينا احنا هم عدنا تصوير يدينج بالادلة فخلينا كلمن محترم واحد اللاخ احسن مانبقى نهدد بعض

_ لبست شورت اسود برمودا وفانيلته اسمعه يحجي بثقة كتله
_ المطلوب مني هسة شنو.. شعدك متصل علية

نفخ دخان الجكارة وحجى
_ ماكو والله حبيت اسلم واتاكد من الامانة العندج بالحفظ والصون لولا

رفعت شعري كعكة عالية وجاوبته
_ اي بالحفظ والصون مدفونة والزم اسوان عني هالفترة.. رزاق ترة لعبت نفسي من مطارداته وراي واذا انكشفت من وراه يخرب كل شغلنا موتكول مانبهتك

_ تمام.. يمته تبلشين تتحركين لعد..؟؟

_بعد وقت هسة اني من انطيكم اشارة تحركت انتم استعدوا

_ تمام يابة.. اخذي راحتج وهذا الوالد يسلم عليج منتظر تمريله اذا فرغتي عنده حجايتين وياج

_ الله كريم اذا كدرت افلت واجيه بعيوني من دون مايسال عني بس كوله هالفترة اني راح انشغل عندي تصفية حساب وية عماد خارج خطتنا اريد اخلصه همين الا اتحرك

اذا تاخرت عليكم لاتتصلون بيه لمن اتصل اني بيكم

_ هاي هية عيني اعتبري الكلتي تم

_ يلة اخذ راحتك باي
_ بايات يابة
غلقته منه حاذفه الواردة والصادرة للاحتياط
ورحت للكيس فتحته اوراق الجواز كاملة والختم
همين كامل خليته على صفحة وسحبت لفة الفلوس عديتهن عالسريع ماكو نقص الحمدلله طلعت الفلاش خليته بالحاسوب عالسريع اشتغل تصوير اظلم وراها تحركت كاميرا على مكان اظلم الدنيا الليل وواسع شبيه الصحراء على مد البصر ووجود اضوية بعيدة قريبة تحيط المكان بشكل عبثي ورة دقايق توضحت الصورة اكثر من لايتات السيارة الي اصطفن شي ورة شي ونزل منها اشخاص مثل الحماية نزلت عيني عالتاريخ مالت الكاميرا التصوير قديم بس ان شاء، الله يجيب نتيجة من بين الحمايات طلع وجهه بشكل خفيف قامته وعرض اكتافه تنطي دلائل عنه اكثر