عشق السلاطين {باللهجة العراقية}

البارت 50

_ عشق _ السلاطين _ بارت 49
٠
٠
بقلمي _ ياسمين _
___________________________

آمًآزٍحًهّآ لَآغُضــــــبًهّآ
فُخِيَر مًزٍآحًنِآ آلَغُضبً

فُتٌهّجّرنِيَ فُآهّجّرهّآ  ..  وٌتٌضربً بًيَنِنِآ آلَحًجّبً
فُتٌسِکْتٌ لَآتٌکْلَمًنِــيَ  ..  وٌتٌنِظُر ثًمً تٌنِتٌـــــــحًبً
فُتٌغُلَبًنِيَ مًدٍآمًعٌـــهّآ  ..  عٌلَﮯ آلَخِدٍيَنِ تٌنِسِکْــبً
فُآبًکْﮯ عٌنِدٍهّآ دٍررآ   ..  مًنِ آلَآشُوٌآقُ تٌلَتٌهّـــــبً
فُتٌغُدٍر بًيَ مًوٌدٍعٌــةّ   ..  عٌلَﮯ عٌجّلَ وٌتٌنِسِحًــبً
وٌتٌبًدٍآ فُيَ مًهّآجّرتٌيَ  ..  فُکْلَ وٌصّآلَنِآ تٌعٌـــــــــبً

__________________________________

بعد اسبوعين...

نزلت من التكسي شايلة اكياس المسواك  ضغطت عليهن بين اديها رغم اثكال حتى مايوكعن منها وتتطشر الفواكه دخلت البناية متوجهه للشقة بالطابق الاول بوصولها للباب سمعت صوت خفيف للتلفون الارضي مالتهم يرن.. جانت محضرة المفتاح بين اديها مسبقا قبل لاتنزل من السيارة وبانفاس لاهثة وعرك يصب من جبينها كدرت تدخل المفتاح بالقفل وتديره متعاجزة تنزل الاكياس للارض وترجع تشيلهن فتحته ودفرته برجليها من القهر انركع بصوت قوي دخلت ورجعت برجليها دفرته حتى ينسد وتوجهت للمطبخ خلتهن عالميز مسحت التعرق من جبينها وراحت للصالة رفعت التلفون قبل لايفصل
وية كلمة الو نطقتها امها.. عرفت روحها ماتخلص بعد
اليوم..
_ الو ماما شلونج

_ هلا حبيبتي.. وين جنتي ادك عليج ماكو

_ جنت طالعة اجيب نقوصات المسواك تدرين بكمال حتى لو اكتبله ورقة مايجيبهن مثل مااريد واطلب

_ هم ذولة الزلم اغلبهم هيج هذا ابوج اذا اجه انطيه اخبار وبس كلشي مايعرف بنقوصات البيت ولا يهتم مثلي

كمت للمطبخ ساحبة الواير وياي مبين امي سالفتها مطولة رحت للبراد ترست كلاص ماي شربته كالت تبدي تفتح الموضوع المخابرة عليه

_ حسناء.. شعندج انتي وكمال متعاركين وعليمن متزاعلين الكم اسبوع..

كعدت عالكرسي فركت وجهي حتى اهدئ اكثر ومااجفص
_ زين والله تاخر اسبوع الا شكالج اني كلت من ثاني يوم يجيج يفرش عباية الشكاوى عليه

_ عيب هالحجي بنتي.. الولد لو ماشايفج قافلة مااجاني وحجى.. بعدين اني موكتلج راسج مو دائما تيبسيه وية الرجال

رددت وياها حافظة النغمة مالتها
_لان المركب مايمشي هيج

عفيية عليج يعني تعرفين هالشي بعد زعلانة ومطنكرة عليه ليش

_ اوكفي.. اوكفي منو كالج اني الزعلانة وياه لو مطنكرة عليه وداعتج هو السبب مو اني ولحد الان هو المطنكر والزعلان علية شسويله حجيت وياه وكتله احنا متفقين لمن اخلص جامعتي الا نفكر نسوي طفل
وهالحجي من انخطبنا وقبلها اني منوهه هالشي وهو مااعترض.. ليش هسة كلب علية