عشق السلاطين {باللهجة العراقية}

البارت 21

عشق السلاطين _ بقلمي ياسمين _ تابعوا حساباتي عمري + صوتوا وعلقوا عالفقرات ممنونة منكم
٠
٠
.... للتوضيح مرة ثانية عزيزتي او عزيزي القارئ قبل قراءة البارت هذا وقبله والي جاي بعدين ـ نمط القصة جرئ جدا يعني مايناسب سن المراهقات خصوصا اني راح اخوض بغمار العلاقات بالمستقبل بصورة اعمق، نمط الانفتاح لابطال القصة والمجتمع الي هم متجذرين بيه من الاساس ماشي على مفهوم الانحلال بدون قيد او شروط وهالشي بديت اطرحه تدريجيا مو دفعة وحدة تبقى انت القارئ امام اطلاع لملاحظتي واكون نوهت لكدام 
٠
٠
عماد....
نظام الحفلات الرسمية عدنا نظام متعوب عليه من قبل الوالدة تبلش بيه قبل يومين او ثلاثة تشتغل عالترتيبات بالقصر اذا اسعفها الوقت

اما اذا صار وطرء ظرف باستعدادات لحفلة ضرورية بذاك الوقت تستعين بكادر مختص يساعدها بتنظيم الحفل وهالشي يصير نادر..

بكل الحالات الخدم بهيج يوم على استعداد يشتغل ويتحرك مثل الجراد حتى يطلع كلشي باتم صورة خصوصا احنا عائلة تقريبا وسواسيين من ناحية كمال الاشياء نريد كلشي بافضل صورة

قبل ساعتين الكل تحرك ياخذ موقعه ومكانه

خدم يوكفون برة يركنون السيارات بالكراج التابع للقصر وخدم عد البوابة الداخلية مصطفين بترتيب يرحبون بالضيوف ويستلمون منهم الستر والمعاطف النسائية يحجزوها بغرفة خاصة بعد ما يثبتون عليهن بطاقة مكتوب اسم الشخص ولقبه حتى ماتضيع.

والباقي منقسمين بين التحضير بالمطبخ للمشروبات بانواعها ،،

وبين خدم يستعدون لتقديم ضيافة وجبات فاخرة للضيوف طول الليل ولنهاية الحفل

صعدت لغرفتي بعدما اتصلت باسماء تجيني دخلت لغرفة الملابس اختار طقم يناسب الليلة.. اغلب الاطقم العندي باللون الاسود اختاريت طقم منهن بس القميص ابيض بدون رباط اختاريت حذاء جلد طبيعي اسود وساعة سير فضي بجوانب ذهبية ماركة سويسرية راقية

قبل لا ادخل الحمام اجت اسماء انطيتها تعليماتي لقائمة العشى الخاصة وتجهيزها... معتمد عليها

وراها دخلت الحمام اغسل واجهز نفسي ... بالي يم سارة اعرفها خايفة والافكار محتلة دماغها بالوقت الحالي مالحكت اتصل بيها غير مرة وحدة جدي اليوم استلمني بمكتبه ماخلى سالفة ماحجينا بيها

من شفت ضيق الوقت استعانيت بكمال يروح يجيبهن لان ما نلحك بعد والمسافة منا للمزرعة تاخذ وقت متحمس اشوفها رغم تخيلت شكلها هواي لان اختيار اطلالتها جان مني ومتاكد اذا شفتها نظريا راح تسقط كل تخيلاتي كدام حسنها

اتصلت بنادين قبل نص ساعه من بداية الحفل اكدتلي طلعوا جايين بالطريق رتبت نفسي كدام المراية وبلشت البس بساعتي

لحظات واتصل بيه سهيل مرتبك

_ ها سهيل اسمعك

_سيدي ذولة جماعة ابو مقداد اجتنا عليهم اخبارية ناوين يهدون عالقصر وشددنا الحماية مستنفرين وقبل دقايق شفنا سيارات تابعة الهم متوجهة النا بس محد نزل بيهم اخذولهم دقايق ومشوا