عشق السلاطين _ بقلمي ياسمين _ تابعوا حساباتي عمري + صوتوا وعلقوا عالفقرات ممنونة منكم
٠
٠
عماد... "آعٌتٌرآفُ صّغُيَر"
آنِآ آلَوٌحًيَدٍ آلَذِيَ يَحًبًکِْ ، وٌآنِآ آلَوٌحًيَدٍ آلَذِيَ يَغُرقُ بًجّمًآلَ ضحًکْتٌکِْ وٌيَطِيَر عٌلَﮯ آنِغُآمً صّوٌتٌکِْ ، آنِآ آلَوٌحًيَدٍ فُيَ حًيَآتٌکْ ،،،
آلَوٌحًيَدٍ آلَذِيَ لَآ يَمًکْنِ آنِ يَآتٌيَ بًعٌدٍهّ آحًدٍ،،،،،،،،
الساعة 12 p
دخلت القصر هلكان تعب ساعات نهاركامل واكف وكفة وحدة بدون راحة قلقي عليها اخذ من طاقتي بكد حبي الها اول مرة اشوف انتكاستها كدام عيني وعيوني تراقب حالتها من بعيد واني اشوفهم داخلين لو طالعين من غرفتها
اليوم الا حسيت بمعنى كلمة عجز واني اشوفها تلاكف الهوى ملاكف شفتهم يجردون صدرها للتبخير الاصطناعي واصلة لاقصى حالة الربو كدر الكادر الطبي بعد ساعات جهد متواصل يوصلون لنتيجة احسن وضعها استقر بس كدرت تفتح عينها نطقت باسم امها ورجعت غمضت عرفت بالها يمها قلقانة
اتصلت عليها وحاجيتها باسلوب يطمن وراها انطيتها عنوان المستشفى تجي تشوفها وتبات يمها لان مستحيل على هذا وضعها اخليها تطلع اليوم اذا مااتاكد من وضعها، بس وصلت امها سحبتها مناحة لساعات ماسكتت شابكتها لصدرها ماتركتها ابد وشكلها ماجان احسن من بتها كلما اشوفها بين مرة ومرة الكاها تنحل اكثر
لنص الليل اتاكدت من وضعها استقر بالكامل اتطمنت عليها ورجعت متاخر بكل الحالات اعرف جدي منتظرني ماينام الا يصفي حسابي وياي
كل عقلي جدي زعلان مني لان اكتشف خبر علاقتي بيها متاخر وبس ضامن حبه الي مايوكف ضد رغبتي بيها ابد
فتحت باب المكتب الي متسلط منه ضوء خفيف عالصالة الظلمة وهدوء القصر من الخدم ينذر بمعركة طاحنة جاية تضرب عواميد هذا القصر
دخلت سلمت عليه وجنت متامل اقنعه ياجل النقاش لباجر لان تعبان وطاقتي صفر من مارد السلام وشفت كعدته المتحضرة الي عرفته قافل من الاصل فما حاولت حتى اجرب
شمرت نفسي عالتخم كباله وسترتي بيدي خليتها على صفحة....
باوعله امجد بنظرات يدرس وضعه وياها شنو وعلى اي اساس مبني
دكم قميصه المفتوحة من الصدر وبهذلة حالته شرحت الموجز المختصر اله عن حجم حبه الها
اصابعه الضاغطة على عكازته تحجي بركان خامد على اي لحظة ينفجر وضرباتها الرتيبة عالارض تشرح كمية الغضب بعيونه وهو يشوف فصل جديد من حياة ابنه حسام يكملها اله حفيده عماد ريبورتاج وتاليف وابطال من نفس المستنقع الي ماناوي يختم صفحاته الى اليوم
قررت اسبقه بالكلام بعد ماشفته يتنفس بصوت عالي حسيت الحرارة التطلع منه تحرك الاخضر واليابس من قهره... كتله
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
