عشق السلاطين {باللهجة العراقية}

تكملة بارت 31

عشق _ السلاطين _ بقلمي _ ياسمين _ حبايب كلبي لتنسون تصويت +تعليق عالفقرات + ومتابعة لحسابي وحساب الانستا والتيك توك موجودات عالبايو 🌹🌹🌹
٠
٠
اكتشفت بالصدفة الاغلبية ماتقرا ملاحظتي بنهاية البارت فقررت اخليها بالمقدمة بالنسبة للنشر من هذا المنبر اعتب عالكل ماكو دعم ماكو تحفيز ماكو ذكر لروايتي لمن اشوف طلب اقتراحات بالذات موقع الفيس يقرن وينقدن تاخيري واني حصيلة تعبي ماشوف منكم مقابل ولو بذكرها بين القصص اني الوحيدة ادعمها و2لو 3 الي شفتهن يذكرنها وهم اختفن يومية اركض من موقع لموقع انطي منشورات عنها احس روحي تعبت كلش قصص جديدة تجي وتنزل واشوف داعمين الها واني ماكو محد ساعدتني بيجن عالعموم عتبي اجه من باب التعب مو اكثر بالنسبة للنشر مرتين بالاسبوع لان الفترة الفاتت ضغطت على نفسي.تالي تمرضت بالنسبة للي مراضية عن موعد نشري اكلها انتظري تخلص واقريها اصلا مابقالها واختم وممنونة لكل وحدة جابت اسمي بخير بدون ذم او نقد وكلماتكم الطيبة مغروسة بكلبي قبل عقلي تحياتي الكم وقراءة ممتعة كليباتي 🌹🌹🌹
٠
٠
وراها تعيش لكن كلبك يموت
واحساسك الطيب يبدي يفهم

ماتحلم بعد بـ العنك يــــــروح
ومامسموحلك يومية تنـــــدم

كل جروحنة وكل المعانـــــــاة 
من ما ورا الناس البيهة نحــلم
٠
٠
عماد...
انا في هذه الاونة الاخيرة لايمثلني سوى اقتباس
لدوستويفسكي الذي قال فيه: 
" كيف يمكن ان تشرح للغير انك ماعدت تصلح
للاحاديث اليومية السطحية،  وانك مستنزف لدرجة انك تحتاج فسحة من الوحدة كي ترمم ما دمرته الحرب في داخلك،  كيف يمكن للجميع ان يحترموا انك ما عدت قادرا على الاجابة عن سؤال عادي،  او روتيني او تجاذب اطراف حديث طبيعي تافه"

فوالله ماعدت اقوى على شيء.. 

احدث ذاك الانكسار الذي بداخلي فجوة كبيرة وخراب شنيع استنزف كل طاقتي وانا احاول التجاوز واصلاح ما تبقى شتاته 💔

اجاه اتصال جاوب المتصل وعينه تصعد وتنزل علية خليته مختض وصعدت سيارتي تحركت كدامهم وحمايتي تبعتني وصلنا المركز محامين الشركة والمحامي عمر بانتظاري 

دخلنا غرفة الضابط وكف تبادلنا السلام اشرلنا نستريح وابتسم باريحية 

_ ابو زهير شدد علينا نتانى بالتحقيق وياك سيد عماد الظاهر معزتك عنده خاصة وطمنته الاجراءات الي نباشر بيها وياك روتينية بس حتى ماتتشعب القضية وتصير قضية راي عام بالذات الضحية لكيناه شايل مسدس مرخص لحضرتك قبل الحادث واخته المدعية قدمت شكوى عليك اتهمتك قاطعته مستغرب 

_لحظة حضرة الضابط مافهمت عليك اي مسدس تقصده؟!!
شبك اصابعه ببعض وحجى بثقة عالية سطرتني

_ سيد عماد المتوفى جان شايل مسدس مرخص لحضرتك كتلك هالشي والمستشفى بوقتها احتفظت باغراضه وقت التحقيق صادرت السلاح وبعد التحريات انكشف عليها بصمات اصابع المتوفي وبصماتك وبصمات اصابع ثالثة اكتشفناها بالمسح الالكتروني تخص زوجتك سارة خانم