عشق السلاطين {باللهجة العراقية}

البارت 28

عشق _ السلاطين _ بارت 28
٠
٠
بقلمي ياسمين
٠
٠
يَآقُلَبً لَآتٌبًکْيَ عٌلَيَهّآ آنِهّآ..
تٌهّوٌﮯ آلَفُرآقُ وٌبًآلَمًشُآعٌﮯ تٌلَعٌبً...
يَآقُلَبً لَآتٌرضﮯ عٌلَيَنِآ ذِلَةّ...
آنِيَ عٌزٍيَزٍ شُآمًخِ لَآ آغُلَبً...
آنِتٌ آلَذِيَ آکْرمًتٌ فُقُر شُعٌوٌرهّآ...
وٌجّعٌلَتٌ مًنِهّآ ثًعٌلَبً يَتٌقُلَبً
حًتٌﮯ تٌمًآدٍتٌ بًآلَفُرآقُ کْآنِهّآ...
تٌرآکْ شُيَئآ تٌآفُهّآ لَآ يَحًسِبً...
يَآقُلَبً آعٌطِيَتٌ آلَحًبًيَبً عٌزٍتٌيَ..
وٌجّعٌلَتٌ مًنِيَ جّيَفُةّ لَآتٌقُربً...
يَآقُلَبً آنِيَ نِآدٍمً مًتٌآسِفُ  ...
آنِيَ عٌلَيَکْ سِآرتٌکْيَ وٌسِآغُضبً..

كمال....
اعتراف بسيط...

اعترف بكامل ارادتي العقلية سارة مخلوقة لا يستهان بيها ماتوقعت انسانة مثلها مزاجية وفاهية وفطيرة ماعدها قوة شخصية ولا موفورة بالصحة والعافية تترك وراها بقايا صديقة منهارة عليها  .. عيونها رافضة ينشف دمعها على فراكها  انسانة خلفت ورة سفرها  فوضى صامتة وانفجار هادئ لحبيب مغبون وصديقة مهضومة .. اعتقد وصفي هذا صحيح بحقها وحقهم والغريب من  شفت حالتهم عليها بفراكها بالرغم من ملاحظتي للكيميا الغريبة بينهم تلاثتهم  .. جانت  مختلفة عن ذولة الشخصيتين بصفاتها وطباعها جانوا يعاكسوها بكلشي

ورغم كلشي حياتها وطباعها وضعفها خلتهم يجون على هواها طواعية من دون ماتطلب منهم

واذا تصفنلها شوية لو باقية وية عماد اكثر جان جبر الدنيا بكبرها تجي لحد عدها غصبا عليها

الي استغربته شخصية مثل نوعها حساسة لاعدها صوت ولانفس لدرجة تبجي على موقف عابر لمجرد تتخيله وتسكت من اقل حجاية  تكلب موازين الي حواليها بهاي البساطة

اليوم صادف على سفرها اسبوعين ولحد الان دموع حسناء، ماسكنت عليها عكس عماد الي ماانطى اي رد فعل لليوم عنها لاسال ولا كال ولا حتى تصرف عكس توقعاتي كلها عنه 
بس جنت حاس بيه من يصفن طول الوقت وحاس بهدوئه وراه قصص تنكال وتنحجي بس مدفونة لميعاد هو يشوفه مناسب ويحجي بيه

بالنهاية وصلت لنقطة مهمة سارة خلقت لنفسها بينهم مكانة مايمكن تعبر على محبيها عبور الكرام...

جنت كاعد بسيارتي كدام باب بيت حسناء منتظرها تجهز وتطلع حتى نروح لعماد نشوفه الزيارة اليوم اله بطلب منها مخصوص حتى تشوفه لان طول فترة اصابته ما اجت ولا زارته.. بالي راح لقبل أسبوعين من جنا داخلين انذار بسببه

حالته تحسنت من ثالث يوم وكدر يفتح عيونه ولسانه بطل يردد اسمها بس استفاق من غيبوبته حاوطنا كلنا فرحانين بيه رغم هدوئه وقلة كلامه مخمنين بسبب المرض والاصابة  ... شرطة التحقيق ماخلتنا يمه اقل الربع ساعة وطلعونا كلنا يريدون افادته ومثل تخمين جياد بالضبط كاللهم مايعرف الي اغتالوه وماشافهم سالوه منو تتوقع برايك حتى لو تنطينا حرف بقى رافض ينطيهم اي معلومة او افادة تفيد القضية جده من سمع من الضابط ماكو كل اقوال وراح تنسد القضية ضد مجهول لحين حصول معلومات جديدة  شال روحه وركعها ماتحمل ودخله يتعارك وياه