عشق السلاطين _ بقلمي ياسمين _ صوتوا وعلقوا حبايب كبسة زر من اناملكم الحلوة ترفعها اكثر واكثر
ومتابعة لحساباتي عالبايو يوصلكم كل جديد 🥰
٠
٠
سارة...
عانقني حباً .. وأخبرني بالعناق كيف أحببتني ❤️❤️
ثم أترك جميع أنحِائي ........... تضيء بــــــك ❤️❤️
طلعت من البيت وافكار كومة متزاحمة بعقلي امي وتعبها على سالفة الشغل الطلعت بيها خالتي نرجس صفنت بيني وبين نفسي يعني شسوي مثلا واساعدها ؟؟
كلش احتاريت واحس روحي ضايعة بعدني بنص الفرع وافكر احجي لحسناء وهية تتكفل بالباقي
صاحت وراي خالتي نرجس التفتت الها لكيتها جاية علية تمشي كوة مثل البطة
انتظرتها توصل وكالتلي وهية كوة تجر نفسها
_ شجاج ياخالة مستعجلة هلكد اريد الحك بيج ماكو
ابتسمتلها مبررة وعيني على نهاية الفرع خاف يفوتني الباص
_ لا والله خالة مادري بيج بس تدرين اذا مالحك الباص يتركني ويروح
اشرتلي بايدها اصبر عليها تاخذ نفس حتى تحجي مبين عدها حجاية مهمة
التفتت لورة تتاكد من شي ورجعت باوعتلي
_ اكلج خالة اني لازم انطيج خبر على وضع امج قبل لاتطلع وتشوفني وياج.. امج ماتريدني اخلي الفكرة ببالج ، واني اشوفها مابيها شي تساعدين امج وتشيلين عنها المسؤولية ..
اشو ماشاءالله كبرتي وصرتي شابة شحلاتج يعني وضعج ماشوفه يمنع ان تدورين شغل يساعد وضعجن ، منها تساعدين امج ومنها تبدين تعتمدين على روحج
هزيت راسي محتارة اسمعلها وسألتها عن ماما قلقة
_ خالة هية ماما بيها شي غير المفاصل التشكي منهن لو تعاني من غير شي
لان اني شاكة بوضعها بالذات الادوية اشوفها تشرب نوعية جديدة من سألتها عنه كالتلي الدكتور مغير الوصفة الها .... صدك هالكلام لو اكو غير شي ...؟؟
رجعت باوعت لورة وكالتلي وهية تهز راسها تطمني
_ لا حبيبتي خالة الكالته صحيح .. بس الدكتور منعها تشتغل وطلب منها ترتاح وتترك المشغل بالذات لان حركة المكاين مدمرات رجلها
اصلا هو كاللها تترك الشغل كله
واني اقترحت عليها عالاقل تترك المشغل وتبقى هالفترة عالحضانة علما تحصلين شغل ..وتبطل وتكعد
بس هية الله يهديها رافضة تسمع كلامي وماتريد تكلج عن حالتها ... ويكون بعلمج
اذا بقت هيج امج تنشل من ورة مفاصلها تقبليها على امج هيج يصير بيها
دمعت عيوني وية كلامها الاخير واني اتخيلها شلون تنام بالفراش لو تكعد بعربانة وامشيها بيها وهزيت راسي رافضة
_ لا خالة ماريد لماما يصير بيها هيج ... اصلا راح اروح منا واحاجي حسناء حتى نقنعها اني وياها وتقبل ادور شغل مكانها
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
