عشق السلاطين {باللهجة العراقية}

البارت 43

_عشق _ السلاطين _بارت 42
٠
٠

بقلمي _ ياسمين _
_________________________

"اضع صورتكِ الشخصية خلفية لهاتفي
، تحديدا شاشة القفل،
وعندما تصلني رسائل الآخرين يظهر شريط الاشعارات .. اسفل فمك _ افكر _ ماذا لو يصمت الآخرين وتنطقين انتي؟" ♥
ابتسم متاملا والها عاشقا لثغر ابتسامتك واستدرك للمرة التي اجهل حصرها
انيق هو قلبي حين اختاركِ روحا لي
دمت لي شيئا جميلا لاينتهي "
_______________________________

عماد...
اسبوعين اني دايخ بشغلة الصفقة والاختلاس كثافة الالتزامات والتدقيق بالفايلات المحوسبة هلكتنا وياريت اكو نتيجة مالكينا كل اثر رغم كل الرقابة والتحريات والكشوفات الصفقة طلعت من ادينا وانسحبت بدون دليل يوصلنا للجاني

وهنا لازم ادفع غرامة للتقصير للشركة صاحبة المشروع وتعويض اضافي مبلغ شيك على بياض اوقع عليه واني الممنون

كلبي من الضغوطات مرات يتشنج ويعصرني عصر من الوجع اشرب علاج اهدئ عليه وراها ارجع اكمل شغلي مابيدي شي على صحتي .. كلما اتحسن ولو بالقليل تجيني صدمة ترجعني لورة
ماكدرت بهالفترة احاسب ريم على غيابها ولا حتى التقيت بيها بسبب شغلي واليصير

وسارة ااخخخ منها اسبوعين بحالها تركتني واني وضعي مكركب بالي يمها وهية حايرتلي بوليد مشتاقلها رغم احجي وياها فيديو بس مامقتنع محتاج وجودها يمي بهاي الضغوطات وهية ماكو احساس طافي ورغم مشغول طول الوقت بس عرضت عليها اكثر من مرة ادز الها حمايتي يجيبها ورفضت متحججة ماتكدر تترك وليد

بالاخير قفلت عليها تجي كامت تبجي تترجاني حايرة بوليد زمخت بيها النقاش منتهي سدته وراحت مهضومة دخنت من وراها حلفت مااتصل بيها حتى تعرف اني الزعلان مو العكس

شربت علاجي ونمت كوة فزيت نص الليل حلمان بيها منتكسة من صدرها واصلة الموت كعدت سحبت موبايلي ناوي اتصل عليها لكيتها مراسلتني تقنعني اشوف حل لوليد يسكن باسطنبول حتى ترجع وبنهاية الرسالة سمايل زعلان وراها متصلة 4 مرات ماسمعته ابد الظاهر جنت بغيبوبة من الارهاق

نوعا ما اطمنت من رسالتها مابيها شي وحتى انام مطمن اكثر اتصلت بوليد حاجاني الولد نايم طلبت منه يتاكد منها نايمة لو مختنكة ولله خير ماكال لا كام تاكد منها نايمة وصورها الي متغطاية بسابع نومة وضفيرتها واكعه للكاع

تشكرت منه ورجعت نايم مرتاح.. هاي الفترة كمال جان ياخذ زمنية ويطلع من الشركة علمود تجهيز زواجه هو وحسناء ماكدرت اناقشه الوقت مو مناسب.. المسكين منتظر موعد زواجه من زمان ويتاجل بسبب حسناء..

اكثر شي متضايق منه هو سمعة شركتي الي بنيتها بتعب وصحة ومجازفة اخذن مني ماخذ.. ماريد اتعرض لانتقادات عليها بسبب عمليات النصب وغيرها وكلمن ينطيني نصيحة يطلع بيها الفاهم واني الغبي .. استنفذت كل الافكار والحلول كدام التحقيق داخل الشركة... ماوصلنا غير لخيوط توصلنا لشبكة وهمية تصطاد الصفقات من شركات عالمية
وعملاقة ومن خلال امهر المهكرين عدهم مستحيل تلكىالهم اثر.. اضطريت اقفل الملف واتقبل الصار وعرضت على اصحاب الصفقة دفع تعويض بمبلغ إضافي من صندوق الشركة الخاص شرط عدم ذكر اسمي وشركتي باي صورة وشكل من الاشكال..