آنِآ آلَذِيَ شُعٌر آنِ کْلَ آلَآرض مًنِفُﮯ
وٌحًيَنِ عٌرفُتٌکْ آدٍرکْتٌ آنِنِيَ فُيَ دٍيَآريَ"
سارة ....
بالفترة الاخيرة لاحظت على ماما تنتكس هواي وملامحها صارت تتغير بصورة ملحوظة حاولت وياها جم مرة نروح للدكتور بس قفلت رافضة ، الصخونة والتقيئ صارت حالة تلازمها بفترات متقاربة تستمر ايام
شكد بجيت و توسلت بيها تروح تجيك وضعها خاف بيها شي جانت مصرة تشرب، من العلاج العدها تهدا ساعات بس ماتطول وترجع تصخن ،
بليلة من الليالي ارتفعت درجة حرارتها سهرت الليل كله اكمدلها اريدها تنزل ماكو ماصدكت يطلع الصبح وركضت لخالة نرجس حتى ناخذها للمستشفى
وصدك سحلناها كوة واخذناها بس وصلنا لغرفة الفحص هية شاورت خالة نرجس مدري شكلتلها وخالة نرجس خزرتها
مافهمت اليصير بينهن المهم خالة كالتلي اكعدي هنا واني ادخل وياها
حاولت ادخل وياهن بس اثنينهن رفضن بشكل قاطع
تالي كعدت بالانتظار
من طلعن سالتهن شكال الدكتور كالن التهابات بالامعاء وعدها قالون والتهاب مفاصل عددن اشكال الامراض بيها وبين كلمة وكلمة تكولي بسيطة ماكو شي عالعلاج اصير زينة
وصدك سحبت خاله نرجس الراجيته وجابت كومة علاج الها بعلاكتين
كدرت تستقر حالتها نوعا ما والصخونة عتقتها بس نحلت هواي وجسمها صفى جلد على عظم فجاة
غبت يومين من الدوام علمودها لان حالتها ماجانت تسمح اتركها واروح وحتى لو سويتها ادري بنفسي ابقى قلقة فاختصرت الموظوع من اساسه وكعدت ثالث يوم جبرتني اداوم والي طمني وجود خالة نرجس ماتركتها ابد وملازمتها دائما
فترة قليلة عدت وعماد طلب مني مااداوم بعد والحجج مختلفة ساعة علمود دراستي وساعة طالع لمكان عمل وساعة زخم بالشغل مايلحك حتى يرجع للشركة الا بنهاية الدوام ومن هاي الامور
كله جنت مقتنعة بيه ومصدكته بدون اي شك بداخلي عليه الا ان استغربت ماما رجعتي من وقت يومية ومن حجيتلها الصار اشتغلت عدها الشكوك وصارت تحوم علية
ليش .. وشنو السبب .. وكلامه مومقنع .. ومن هاي الديباجة الي دخلت بكلبي الخوف صدك بس مابينتلها ابد واستمريت ابررلها عنه بثقة عمية
من شافتني بالبداية هيج، صارت تسمعني قصص عن خيانات الزلم ودروبهم التعبانة بس بطريقة غير مباشرة وكانما تريد تفتح وياي مواظيع عامة بس برسالة توصلها الي
لو مرات تكعد وية خالة نرجس تحجي وياها وتضرب وحدة للثانية امثال فلان هيج خاين ويظحك عالبنات وعلان كشفته مرته وية وحدة وانفصلوا
وكلام اله اول ماله تالي تعبت نفسيتي كلش والزاد الطين بلة تصرفات سيلين الواضحة نفورها مني واستحقارها الي صار بصورة علنية
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
