عشق السلاطين {باللهجة العراقية}

البارت 46

_ عشق _ السلاطين_بارت 45
٠
٠
بقلمي _ ياسمين _
_____________________________

سارة...

جان اسبوع واحد فاصل لزواج حسناء وكمال اسبوع كامل الاحداث نزلن عليه مثل المطر بعد ماتحسنت من ازمة الربو.. انشغلت مابين دراستي والتجهيز وية، حسناء استعداد لعرسها
الحمد لله جانت مسيطرة حتى من ناحية الوقت شقتهم رحنالها مرتين اني وياها رتبنا اغراضهم لو مرات نعدل شي بترتيب الغرفة

ليلة زواجهم يخلصوها بيها ما يحجزون باي فندق رغم استغربت هالشي عبالي اقتراحه لكمال.. وطلع اقتراحها من سالتها ليش ظحكت وكالت

مو العلاقة البينا بيها طقوس خاصة خربطة وفوضى نخاف نسوي شي لو نكسر حاجة ههههه تالي يطردونا بنص الليل من الفندق شجايبنا لهاي اللغوة بشقتنا احسللنا

بلحضتها دولغت وعقلي راح لبعيد.. معقولة الشغلة تستوجب كل هاي الهوسة.. وفوكاها بيها تكسير وفوضى.. عزة بعيني واني اكول ليش عماد بكل مرة يحصرني جواه حتى مااتحرك.. طلعت السالفة اعمق مما متصورة .. ردت اسالها هاي كل علاقة بين اثنين هيج يصير مثل ماحجت لو بس همة اتصل بيها كمال راحت انشغلت وياه واني ضليت مدولغة لمن نسيت السؤال كله..

رجعت للقصر شفق خانم توها واصلة جانت واكفة وية الخدم توصيهم على غرفة النوم يرتبوها وينظفوها مااهتميت عبالي غرفتها سلمت عليها وصعدت بس دخلت غرفتي بدقايق اجتني ريم مثل القضى المستعجل وشكلها عدها سالفة

_ وينج سارة.. دريتي منو جاينا..؟؟

_لا والله ماعرفت.. منو..؟؟

سمعت ليان بت اخوها لشفق خانم جاية هالاسبوع منتقلة يمنا

باوعتلها مصدومة
_ متاكدة جاية لهنا... قصدج ليان. ليان نفسها لو غيرها

_ هاي شبيج حبي، ليان نفسها ليش احنا جم ليان عدنا.. شنو عماد ماكالج ترة يدري بيها جاية وحتى سمعت بموافقته همين

نفضت راسي من الصدمه عن لا ابجي وكتلها
_ هلا بيها .. احتمال عماد نسى ماكالي لان مااتذكر حجالي عنها.. بس هية مو سمعت انتقلت للندن شعدها راجعة بعد..

هزت جتفها وحجت
_ والله ماعرف..هذا السؤال تكولينه لعماد مو الي ..
اكلج حبي عادي استخدم موبايلج محتاجته ضروري موبايلي مخلص شحن..

كتلها هذا الموبايل اخذيه سحبته وطلعت .. حاجيتها والنار تسعر بكلبي يعني هو موافق على رجعتها واني يطبني مرض بجيت متذكرة شلون اجت هية وشفق خانم حتى اتركه لعماد .. لو من رسلتلي صور هية وياه

ااااه يانار كلبي مرغت مكانه مخنوكة كام يحركني بس لان تذكرت الصار بيه لعد شلون بيه اذا اجت والتقت بيه وجه لوجه.. شلون بيه يااالهي والنبي اموت

علما رجعت ريم الموبايل لاسالتها شتريد بيه ولاعرفتها شسوت عبالي مخلص شحن رصيدها واتصلت بصديقاتها مني اتشكرت مني وراحت.. المهم مادققت
دكيت عليه حس بصوتي باجية سالني شبيه كتله مابيه شي يمته تجي كالي بالطريق.. ناوية اتعارك وياه وازعل همين ماكدرت انزل استقبله احس روحي مفرفحة نص ساعة وسمعت صوته بالممر جنت افتر بالغرفة مثل الناعور من القهر بس دخل وشفته صبت دموعي