رياحين كلبي حابة اقرا رايجن بالبارت حتى استمر وتصويت من اناملجن الحلوة
بغيابك ذبلنا ورقة ورقة
والله اشعل الروح شموع لو جيت
تدري أنت شكثر تكتل الفركة
احرك عمري الك لو يوم رديت
واليابس والاخضر هم احركه
ممكن تلكه بالغربة اليسليك
ومثل حظن صدري لاماتلكى
محتاجك نفس مابيه خطار
محتاجك بقت بريه شهكة
اذا كلبك حجر ويحب الفراك
انا من الشيب شعري شلون افركه
نظرة للمستقبل....
جانت الدنيا ليل والكمر كامل عاكس اضاءته عالمنطقة الي هو ساكن بيها ... دخل يمشي بالممر العشبي المباشر لباب بيته الرئيسي يسحل بجنطته ويدندن بانغام اغنية انطبعت بدماغه .. من رجع منها لسة شفايفه المبتسمة وملامحه المنتعشة جانت ايعاز لتحسن لنفسيته معنويا وهو يخطي اولى خطواته للشفاء .. هدوء المكان من صوت الناس خلى حركاته تنطي صدى قسري وهو يطكطك بمفاتيحه حتى يدفع الباب الخشبي بيده للسياج التابع لحديقته ووكف عد المدخل دخل المفتاح بالقفل وفتحه ودخل
لاول مره من سنين يدخل بيته مايتحسر على خسارته الهم
لاول مرة ماتاخذه رجليه لغرفة بنته او زوجته يشم ريحة ملابسهم المتروكة منهم جم قطعة للذكرى يواسي بيهن نفسه
قربه منها الفترة الفاتت رممت جزء جبير داخله كدر يتجاوز صور واحداث سكنت مخيلته لسنين وشهور تقتحم افكاره واحلامه الى ان تحولت كوابيس ليلية تداهمه الى ان تنهيه لحد اخر انفس وتفززه تعبان مهدود حيله
فتح الاضوية وراح للمطبخ فتح الثلاجة سحب من الصحن جزر يصبر روحه بيها وتوجه لالة الكهوة شغل الغلاية
ورجع طلع جبن ومربى وخبز توست خلاه بجهاز التحميص يحمي بيه حتى ياكل وجبة يسكت بيها صوت معدته بالذات وجبات السفر بالطيارة ماتسد جوعه ابدا
اشتغل جهاز التحميص يجهز التسخين كعد عالكرسي منتجي عالمرمر وطلع موبايله يراسلها متحمس لهاي المشاعر الي يعيشها وياها
نقشت اصابعه على موبايله اللمس كلام يبدي بيه حديث وياها
_ شلونج آغاتي .. ترة اني وصلت كلت انطيج معلوم حتى لو ماتبادرين اني ابادر .. شسوي هههه اتحمل عقلج لمن تتعودين علية
ورة دقيقة شافت الرسالة بس ماردت عليه عقج حواجبه مستغرب وخايف لا رجعت لاسلوبها القديم وياه رجع كتبلها متامل تجاوبه
_ترة ادري، بيج قريتيها .. والظاهر عقلج رجع قفل مرة ثانية.. بس اني راح اكلج شغلة وحدة وانتي بكيفج .. ترة محد بحالج غيري ولا راح يديرون بالهم عليج مثلي وماكو واحد بيهم راح يهتم بيج مثلي فلاتضخمين الامور زيادة عن اللزوم وبطلي بجي وندم ... الي صار بينا طبيعي اني وياج اثنينا بالغين وكبار .. وكتلج مستعد ابقى وياج واعلن علاقتنا وانتي رافضة .. شسويلج بعد اكثر من هالشي
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
