عشق _ السلاطين _ بقلمي ياسمين
بنات كلبي لاتنسوني بتصويت + وتعليق عالفقرات
+ ومتابعة لحسابي حتى يوصلكم اشعاري اذا طرئ شي بالتنزيل 🌹🌹🌹 ممنونة منكم
٠
٠
انه ذاك الكاعد متانيله صدفة تلمه
بيك انه ذاك الشاف كومة وجـــوه
حلوة وكلبه مارف بس علـــــــــيك
٠
٠
ماهر..اعتراف
لم اكتمل بعد ولم اصل للمثالية التي يتكلمون عنها اقدر الخير واحبه واعرف الكثير من ابجديات الحياه وافهم ان الخير اجمل بكثير من القبح واعرف الجنه والنار واتمنى الفردوس الاعلى، اكره الشيطان كثيرا ولكني لم ازين كتفي بجناحي ملاك فانا لم اكتمل بعد
طلعت من الشقة فريد حركني حرك بالاتصالات جاوبته وايدي تقفل المفتاح منفعل منه
_ نااقص اجيتك ترة انطي صبررر
_ هههههه شسويلك الا هيج تستعجل لو ماتنزل
نزلت لجوة لكيته مننظرني راكب سيارته الـBm
اشرتله بالسويج ينزل باوعلي مستغرب تركته ورحت للكراج ركبت سيارتي وطلعت لكيته بعده مانازل لبست نظارتي وكتله
_ سيارتك ماحبها كعدتها مومريحة انزل واركب وياي
باوعلي ماعاجبه
_ وعلساس سيارتك المريحة اشوو هية بس سرعة ثابرنا بيها ثبر
_ دركب يمعوود اركب حتى اشغلك تدفئة بالكرسي مبين كاتلك البرد وسيارتك مابيها حتى جداحة الجكارة عطلانة بعد عليمن تريد تتفاخر بيها لو هية بس نفخ
ايس مني قافل عليه كالعادة دست بانزين احمي المحرك صعد يمي راد يحجي حركت سرعة كال مجلب بالباب مرتبك
_ اذا تريد تطير نزلني هنا واتبعك لو قسما بالله ارفع دعوة ملفقة عليك اخليك تحرم تسوقها
ابتسمت ودست سرعة ثانية كام يهلهل بالصيني
وصلنا للنادي خلال دقايق نزل دايخ ولعبانة نفسه بس خلى رجله عالكاع كام يتقيئ
عرفته راح يستلمني مسبة وشتايم بس ترد روحه
عفته ودخلت منتظره عد البوابة
صوت الاغاني والعربدة حجبت عني السمع واني اشوفه يدردم علية ضحكت عليه غسل وجهه واجه كوة يتنفس.. دخلنا لجوة الحفل مشتعل اضواء وركص وكعدات عالجوانب للي يحب يتفرج اما الحاتات موضوع ثاني وعالم ثاني من الاغراء والجمال المباح للعين
كعدنا بطاولة محجوزة باسمنا منتظرين جماعتنا يجون الظاهر احنا اول الناس جايين كعدنا ونزلنا مشروبات وحبشكلاته للسهرة اقل الساعة اجاني اتصال من جياد وبنفس اللحظة لمحت بيان جاية لجهتنا تحجي وية صديقتها كمت متهرب منها وجاوبت جياد على صفحة كالي اجيه عنده موضوع مهم لازم اناقشه عليه كتله معترض
_جياد اذا عالمشروع البيني وبينك خليه لباجر ترة هسة الا وصلت النادي ماكدر اجيك
_ انجب وتعال لاتصير سربوت المشروع ضخم ولازم نتناقش عليه لو انت عندك الدنيا كلها لهو بلهو
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
