عشق السلاطين {باللهجة العراقية}

البارت 14

عشق السلاطين _ بقلمي ياسمين _ تابعوا حساباتي عمري + صوتوا وعلقوا عالفقرات ممنونة منكم🧡
٠
٠
( قُدٍ هّـأّمً قُلَبًيِّ بًأّلَحًبًيِّبً وٌذأّبًأّ  ؛؛

کْمً ذأّقُ مًنِ طِوٌلَ أّلَبًعٌأّدٍ عٌذأّبًأّ  ؛؛

قُأّلَوٌأّ أّرحً مًنِکْ أّلَفُـؤأّدٍ وٌلَأّ تٌـهّـمً ؛؛

فُـيِّ حًبً مًنِ تهّوٌى کْفُأّکْ وٌصّأّبًأ)

عماد.... النية الواضحة

احترم النيته الواضحة ، واقدس هالصفة جدا واجهني بشنو احساسك الشايلة اتجاهي ووضح التريده باي اسلوب تحب تبينه كدامي

ناقشني بانفتاح ومصداقية ناقشني بشفافية  لان ماعندي وقت العب العاب التخمين اذا جان متعلق هالشي بهدف او مقصد شخص بشنو احساسه بيه لاتبينلي  مقبوليتك وانت تخفي  عكسها اكره العلاقات الملتوية والحجي المبطن واكره تبينلي حبك وانت حاقد علية

والدتها جانت من الاشخاص الواضحين وبصريح اللهجة واجهتني برفضها

بالرغم كلبي عصرني من انطيتها كلمة ماخلي سارة تشوفني ولا التقي بيها

ردت تشوف بنفسها وتفهم قوة الرابط الي بينا مترجمة بدموع "وجع كلبي وفرحته"  ردتها توصل مرحلة تسال نفسها باي سرعة تعلقت بتها بيه وحبتني بهاي الصورة

" ريحانتي" عدها روح شفافة اعرفها بكد ما هشة وطاقة التحمل عدها صفر بس ماراح تكسر كلام امها واحب تقديسها الها وحاب هالشي منها  لهذا ماخليت نفسي بميزان  وية والدتها من الاساس ولا يحقلي هالشي

طلعت منها واني حرفيا مامستعد لهالشي كلبي رجف وصار يضرب حيل بس صعدت السيارة غمضت عيني ورجعت راسي للكشن  حتى اهدئ ضرباته مصبر نفسي  بس فترة قليلة وارجعها لحضني ادفي كلبي بشوفة وجهها

بس دخلت الشركة وشفت غراضها حسيت بالضياع

فعليا ضايع ..  هذا الي حسيته من شفت مكانها فارغ بالي كله يمها شصار بيها هسة تبجي لو ساكتة صدرها مطبك عليها لو لا، من ترجع وتسمع من امها نهت كلشي بينا شراح تكول؟؟

تركت كل غراضها بمكانهن منعت الموظف يوصل غرفتها من اخر مرة جانت بيها يمي

اعرف وواثق من نفسي المسالة مسالة وقت وهذا الي خلاني متحمل بوجع كلب شوفتها من بعيد ،

وبفكرة وحدة اكدر اسحبها منها واخليها تتفرج بس ما اكدر اتصرف وياها بنذالة لان من الاساس ما مخليها ند الي حتى احاربها بيها

احساس الوحدة بسببها حسيت بيه من اول لحظة، مامتعلم هيج خلصت ذيج الفترة اذا مااشوفها اراسلها اسمع صوتها  مامفاركها هواي

خلصت بدايه الايام بالشركة هلكت روحي بالشغل ما ارجع للبيت الا متاخر كلها وانام بصعوبة واتحرك بصعوبة  كلبي نغزاته ساعة تجي وساعات تختفي بسبب التفكير الزايد واشرب بعلاجي مغلس عن وضعي مالي خلك لكلشي