عشق السلاطين {باللهجة العراقية}

البارت 19

حين يسالونك عني قل بأنها تملك خمسة عيوب ؛
تٌقُلَقُ عٌلَيَ کْثًيَرآ . وٌسِيَئةّ آلَمًزٍآجّ عٌنِدٍمًآ تٌقُتٌقُدٍنِيَ
وٌتٌخِآفُ عٌلَيَ بًشُدٍةّ . وٌقُآسِيَةّ عٌنِدٍ غُيَرتٌهّآ
وٌخِآمًسِآ آنِهّآ تٌحًتٌآجّنِيَ وٌلَآ تٌتٌکْلَمً بًلَ تٌتٌرکْ لَغُةّ دٍمًوٌعٌهّآ آلَنِآطِقُ آلَرسِمًيَ لَهّآ"

سارة....
الموقف الي انحطينا بيه بيومها، جنت اشوفه بالافلام وبس بحياتي ما راح انسى الصار ، لان ماتخيلت نفسي بيوم احظر هيج مشهد واكون بيه من ظمن الكومبارس

عماد بلحظة استيعابه للوضع ظمني وراه ماخلاني اشوف اي شي بس جنت اسمع صوت اقسام المسدسات من سحبوا وجنت اشم ريحة محركات محتركة من اثر التفحيط بعجلات سياراتهم

لحظات ونزل واحد من سياراته عماد من شافه كال لحمايته

_ نزلوا سلاحكم

وذاك همين اشر لحمايته ينزلون سلاحهم
فجاة سمعتهم يتسالمون بينهم وكال لعماد
_ الباشا طلب نجيج مخصوص للمطار ونبقى وياك للاخير يجوز تحتاجنا للضرورة

ويسلم عليك يكول الامانة دير بالك عليها واحتمال مبيتها يطول يمك فخلي عيونك مفتحة عشرة عشرة

_ الله يسلمك ويسلمه إن شاءالله الامانة بالحفظ والصون لا يشيل هم مضبط الوضع عليها

_ لعد اتوكلوا واحنا نتبعك

التفتلي من تحركوا مسح دموعي وباسني بجبيني يهديني
_ ماكو شي لاتخافين خلصت ... ذولة من ظمن حمايتي جايين علية خاف احتاجهم

مارديت عليه جنت مختضة والصدمة بعدها ماستوعبتها
حس باصابعي ترجف حظني قوي يهديني
_ حقج علية اني غلطان مرة ثانية احتاط اكثر ومااجازف بيج ... وعيونج ماتتكرر بعد بس اهدي لان بديت احس بصدرج كبس عليج

ماجنت اكدر اسيطر على نفسي كلشي صار بسرعة وانتهه بسرعة بس حسيتها لحظات رعب ظغطت على نفسي حتى اسكت ومااقلقه وفكري يمه لا يتشوش فكره بسببي وتروح الصفقة منه

_ مابيه شي حبيبي سكتت... هسة اصير زينة شهكت هوى وزفرته حتى اقوي نفسي

اجاه كمال يستعجله ويشوف وضعنا
كاله
_ يلة عماد ترة تاخرنا وباوعلي ماعجبه شكلي
_ كتلك وجازفت وهاي النتيجة صايره طماطة من الهبطة والدموع

ابتسمت اطمنهم امسح دموعي
_ مابيه شي هسة اصير زينة لاتقلقون

اخذني بيده للسيارة وعينه عليه يراقبني حسيت من نظراته متندم جابني وياه

صعدنا السيارة جذبتني كلش، جانت فخمة وواسعة وتصميم كراسيها متقابلة اعتقد مرسيدس فان اسمها

بس تحركت السيارة كاله كمال
_ خلي انطيك مراجعة سريعة تخليها بعين الاعتبار كدامك نص ساعة بس تشرح بيه نقاط المشروع الاساسية وراها تطرح فكرتك بشكل مضبوط ومدروس مثل مااشتغلنا عليها