_ عشق_ السلاطين _بارت 58
٠
٠
بقلمي _ ياسمين
_________________________
بعدك تحن...؟؟
وشباقي عندك غير سلة ازغيره لاوراق الحزن
بعدك تحن...؟؟
مو بس شواطي الذكريات امحركه بيهه السفن
ساكن ابيت النار مو ماينسكن
اتوزع غناك ابوحشة الحيطان والعود انكسر
وبراسك اكثر من لحن..
بعدك تحن..؟؟ بعدك تون..؟.
ليش الحزن رباك صايرلك ابو.. وأنت برضاتك صاير لحزنك ابن..؟؟!!!
بعدك تحن..؟؟
بعده الخلاف وية الزمن... هو صعب.. وانت مرن...
كافي السلاسل بالكلب.. مو كلبي شبعته سجن
افتح الباب.. اشتم هوة.. يالدافن اسنينك تنتظر
شنهي اليجبرك عالصبر .. وشنهي اليجبرك تنتظر..
وجاا شنهي.. خلوك ومشوا...
او وزنوك من باعوا وزن.. المن تحن..؟؟
____________________________
دمعت عيني شصاير بحاله ليش هيج متغير
من شفته خازرني ماهتميت ولا رديت عليه كد مامشتاقتله كمت من الميز ورحت حظنته مطوقته بذراعي لمحت ايده مكورها وجكارته ظمها بجفه بس مابادلني الحظن
لحظات اشبه بالثواني زاحني من جتفي مبتعد عني
تركني وكعد والجكارة سحب منها نفس ونفخ دخانها للجهة الثانية واشرلي بنتر
_ اكعدي كدامي لاتنصطرين هيج
صفنت عليه مامستوعبة.. شكله واسلوبه ونظراته الجانت كلها حنية مختفية هسة والكدامي انسان ثاني ماعرفته منو ليش هيج متغير
زمخ بيه نزيت
_ شبيييج اكعددي كدامييي
بعد ماتحملت دموعي نزلت على خدي كعدت كباله ابلع ريكي من الصدمة
_ ليش اجيتي..؟؟
ماكدرت اجاوبه مهضومة منه وصدري ضايقني كلش
رجع صاح بيه
_ احجي ويااااج جاوبي
_ اشتاقيتلك كومة واليوم الا قبلو يجيبوني الك
_ ومن اتصلت بيج البارحة ليش ماتجاوبين
_ مااادري، بييه
_ هم رجعنا للجذب والتاليف جيبي موبايلج
_، شسوي بيه..؟؟
_ كلللت جيبي بدون لغوة سحبه مني بنتر وفتحه متعصب
جان مغلق نسيت افتحه من البارحة
دور بالمكالمات خلاه بوجهي
_ هذا شنووو
عصرت اصابعي من الخوف شحجيله حتى عذر جياد نسيته
_ هاي.. هاي مكالمات فائتة
وية حجايتي لطشه بالحايط فلشه انكمشت خايفة منه
_ اني تضحكين علية وتخليني انتظار ست سارة عبالج مااعرفج من تعمدتي ماتجاوبين
والله والله مو قصدي جنت مريضة
وكف دفعني من راسي باصبعه
_افلامج هاي مو علية ومرة ثانية ماتجين لهنا رجلج اكسرها الج
عرفته يريد يتركني وخفت مرعوبة لايسويها صدك
كتله
_ ليش مااجيك.. انت تريد تعوفني موو
صفن علية ثواني راد يحجي شي وبطل ابتعد عني قريب الباب سحب من باكيت الجكاير جكارة ورثها وسحب منها نفس نظراتي تصعد وتنزل عليه مثله هو خلص نصها شمرها جوة رجله.. رجع كعد كدامي
سحب نفس تعبان وحجى
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
