عشق السلاطين {باللهجة العراقية}

البارت 9

عشق _ السلاطين _ بقلمي ياسمين  _ صوتوا وعلقوا حبيباتي ولتنسون متابعة حسابي عالبايو
٠
٠
أنت وحدك من تجدني .... حتى قبل ان أبحث عنك
من تشعر بي قبل أنــــ .... اتحدث حتى اصبحــــت

وحيد قلبي 💖💖💖💖

سارة .....

بعد عشرة ايام ..

واكفة عالطابعة مخنوكة استنسخ اوراق طلبهن مني المدير يريدهن هسة اشتغل عليهن

عيني كل شوية تدمع وارجع امسحهن .. تعبانة وجسمي يوجعني .. رجلية احسهن من كثر الفرة بين المكاتب خدرن وماعندي طاقة امشي عليهن

ماتوقعت الشغل هيج صعب ولا متخيلة يصير بيه هيج .. وكلما اتذكر حالة ماما والصار بيها قبل فترة

يخليني ابقى مصرة ومقاومة لحد هسة بالشغل
بس حتى ماتطلع للمشغل ... بعد ما حلفتها بمية يمين وقسم تتركه وخالتي نرجس ساندتني ضدها .

وضمنتلها هاي الوظيفة الانسب الي واحسن بعد ما حصلت واحد من معارفها وكرايبها من بعيد
يريد موظفين لشركته

تكول حصلتها بالشافعات بعد ماوكع ماي عيوني من التوسل وخلت المدير يقبل يوظفني بشركته بدون شهادة او خبرة

عبالهن وافق يخليني سكرتيرة عنده والشغل عالخفيف

بس من رحت لشركته الي جانت عبارة عن بناية صغيرة توه افتتحها ومخلي رجله توه بعالم الاستثمار ورجالات الاعمال ... مثل ما يكولون

لكيته مقسم الوظايف المهمة على موظفينه الخبرة مختارهم بعناية حتى يرفع من مستوى شركته

بيومها بقيت بال3 ساعات انتظره يصيحيلي او ينتبهلي .. بس هو جان ملتهي وياهم يوجههم

بعدين من حاجيته تذكر اني من طرف خالتي نرجس سالني شعندي من شهادة كتله ماعندي لاخبرة ولا اي شي بس طالبة جامعية لحد هسة ادرس

رفضني رفض قاطع لان هية موصيته يخليني عالسكرتارية وتعذر ان الوظيفة هاي حساسة تعتمد اقل شي للمتوظف خبرة 4 سنين

من كالي هيج اختنكت وطلعت من المكتب والدمعة بطرف عيني

بس وصلت الباب الشركة صاحتلي البنية الجانت واكفة يمة كالتلي يصيحلج المدير

ماصدكت من كالت هييج من رحتله عرض علية وظيفة مراسل ميداني
الوظيفة الوحيدة الشاغرة بشركته وكال اذا قبلت بيها اكدر من باجر اشتغل واذا رفضت لازم ارجع ادور على وظيفة ثانية ... هاي اذا لكيت

وافقت بسرعة حتى بدون مااخذ فكرة عن الوظيفة
من رجعت طمنت ماما االامور تمام رغم حسيتها ماقنعت والخوف مسيطر بعيونها علية

لان تشوفني ماراح اتحمل التعب سالفة على ضحكة مشيتها حتى تبطل تفكير وقلق بيه ومن ثاني يوم ورة الدوام توجهت للشركة