عشق السلاطين _ الفصل الثاني بـ38
بقلمي ياسمين _ حبايبي تصويت + تعليق عالفقرات
+ متابعة لحساباتي عالبايو انستا وتيك توك
٠
٠
ويبقى التساؤل:
منين نجيب مثلــــــك حتى
ننساك؟
ومنو المثلك يعوضك لــــو
خسرنه؟
الشبه كل اربعين... حچايــة
تنگال
ولو واحد يصح جان انتظرنه
٠
٠
عماد.. اقتباس
حبيبتي... اساليني عن الكتب التي راقتني.. وعن الموسيقى التي اترنم بها معكِ ، اساليني عن مشروبي المفضل وعن اماكني المميزة، والالوان التي افضلها.. اساليني عن تواريخ لن انساها خطت بيها ابجديات عشقنا وعن الافلام التي آثرت بي ، اساليني عن الكلمات التي ابهجتني، وعن لوحات ادهشتني، اساليني عن اشخاص اثاروا اهتمامي وعن ذكرياتنا الجميلة ، اساليني عن الاناس الذين امتلك فضولا نحوهم وعلى الاشياء التي لا يمكنني نسيانها وتلك التي تزعجني، اساليني لما لا استطيع النوم ليلا واطيل السهر كثيرا بالنظر لوجهك ، اساليني لنتناقش حول عدد المجرات والكواكب... وحول لمعان النجوم في احضان السماء، اساليني عن الاشخاص الذي احب.. اساليني عنكِ وعني اساليني وسأجيب...
٠
٠
المهم ان لا تصمتي 💔
خديجة...
كمزت من نومتي رايح علية الوقت اخذتني النومة
بسبب ايليڤ شلعت كلبي الليل كله ساعة تفرفح وساعة تنام شهكتها بصدرها.. تريد امها والمسكينة ذيج نافرتها ماتريدها ماتعرفها... كمت استغفر وطلعت اشوفها عد مهيمن مشيت بخطوات ثكيلة من مفاصلي توجعني وبكلبي احمد ربي واشكره عليه هالولد لو ماهوة الله اعلم جان شصار بحالنا الطفلة تسكت عنده وتقتنع قاسمني بحملها الله يحفظه لمن نشوف هالازمة شلون تعدي... طلعت للغرفة الثانية فتحت الباب بسكوت لكيته نايم مغطي عيونه بذراعه وهية صاعدة على صدره محوطها بذراعه الثانية رايحين بسابع نومة سديت الباب وطلعت للفلة اشوف حالة المسكينة الثانية
صعدت درجة درجة مابيه حيل مثل قبل دكيت الباب على غرفتهم وصلني صوته ادخل فتحت الباب باوعتله جان كاعد على طرف الجرباية منطيني ظهره مدنك يعصر راسه مبين كاعد من زمان وهية نايمة وراه متغطية
اندار علية عيونه منفوخة دخلت اشيل الفوضى من الارضية سالته عنها
_ مبين من عيونك مانمت... حجى مقفل
_ ماقبلت تنام وبصعوبة غفت هذا العلاج بيه خلل على جسمها من تشربه ينكلب وضعها كله
وكفت بيدي العاب رجعتهن للسلة كتله
_ والحل شنو برايك؟؟
وكف ودخل للخزانة سحب مناشف وحجى
_ راح اخذها لغير دكتور اجدد فحوصاتها عسى ولعل اكو نتيجة يخليها تتحسن بدل كمية العلاجات الي تشربها.. وكف وباوعلها متالم عليها
_ المشكلة صار ماينفع وياها نقشمرها نخليه بالاكل لو العصير راح يصير بيها جفاف كد ماتنفر كلشي نخليه كدامها
_والاطباء بشنو راح يفيدوك.. ترة هذا الطبيب رقم 12 تاخذها اله ونفس الكلام ونفس القوانه
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
