عشق _ السلاطين _ صوتوا وعلقوا حبايبي متاملة تصعد بدعمكم الها ممنونة منكم بقلمي ياسمين
٠
٠
شفق.... اقتباس
صمت المرأة رسائل تحذير........ للرجل
بأنه على حافة السقوط من........ قلبــها
~~~~~~~~~~~~~~~~~~~~~~~~~~~~~
كمت الصبح من فراشي للحمام التابع لجناح غرفتي
غسلت وجهي وخليت مرطب لبشرتي فرشت أسناني وطلعت
اتصلت على مطبخ الخدم اطلب الريوك يصعد لغرفتي بماانه عرفت من عمي البارحة يطلع الصبح وية جماعته
ولان مزاجي شوية خامل قررت اليوم مااطلع من القصر منها ارتاح شوية .وهمين اتطقس أحوال القصر واموره الفترة الاخيرة هملت كلشي علمود البوتيك السويته مشروعي الخاص بدون مايقاسمني احد بيه
صحيح ماتجي نسبته للجمعية والمشاريع الباقية بس عالاقل اعتبره عزائي الوحيد من بعد الصار
ناوية الفترة الجاية اخطط لخطوبة عماد وليان وهالشي ماراح يصير اذا ماخليت عمي بجانبي ضده وهذاالناوية اسعاله
تريكت ونزلت افتريت على القصر وانطيت بعض الإرشادات الضرورية يشتغلوها بالاخص قاعة الحفلات الي نسويها كل فترة بالقصر
وطلبت يتصلون بمهندس الحدايق الخاص .. حتى يجي ومايتاخر عن الموعد . اكو تعديلات لازم يسويها بالحديقة الخلفية
وراها كعدت بالصالة استراحة بسيطة اتصلت على بيت اخوي اسأل عنه وعن ليان هالفترة مختفية و مضيعتها
تطمنت عليه وعلى اخباره وكالي ليان مسافرة وية صديقاتها الها يومين تغير جو .. سلمت عليه وخبرته بس ترجع تجيني للقصر محتاجتها ضروري ونهيت الاتصال
اعرفها بكلبي فاهية واذا ابقى وراها بعد اكثر ماحصل كل نتيجة .. الها بالسنتين وأكثر من رجعت وهية باقية مكانها راوح وياه ماسوت اي خطوة حتى تغريه وتشده الها
ورة نص ساعة
اجتني اسماء مديرة الخدم سلمتني رسالة جاية مخصوص الي ولعمي أمجد اخذت رسالتي وكتلها واني اشرب جاي
_ اخذي هاي الرسالة لمكتب عمي من يجي يشوفها
وفتحت رسالتي بهدوء دقيقة مو اكثر ووكفت مصدومة على منهارة وراها صرخت ووكعت مغمى علية مامتحملة الخبر
_________________
انولدت بوسط عائلة تهمش المرة لاينسمعلها حجاية ولا مسموحلها تحجي عيشة عبارة عن فرض وتنفيذ
والدي هو جان المتحكم الاول والاخير وحجايته تتنفذ قبل لاتنكال
امي جانت مطيعة لابعد درجة بحيث من اول نظرة تحكم عليهم هو الملك وهي الجارية
من صغري جنت اتعمد اسوي شكو شي رافضه او يغثه لاهمتني القوانين ولا حتى اساليب عقوبته
الي جانت توكع براس اخوي وامي جانوا يطمطمون
عمايلي
واذا صار واكتشف ، امي المسكينة تتحمل عني
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
