عشق السلاطين {باللهجة العراقية}

البارت 13

عشق السلاطين _ بقلمي ياسمين _ تابعوا حساباتي عمري + صوتوا وعلقوا عالفقرات ممنونة منكم 🧡
٠
٠
هناء... اقتباس..

[وٌيِّبًقُى دٍأّخِـلَ أّلَروٌحً شُـيِّ لَأّيِّتٌـرجّـمًهّـ حًبًر وٌلَأّ
يِّسِـتٌـوٌعٌبًهّـ وٌرقُ بًعٌضًـ أّلَشُـعٌوٌر لَأّ بًوٌحً يِّکْفُـيِّهّـ
وٌلَأّ حًرفُـ يِّحًکْيِّهّـ] 
٠
٠

اصعب اللحظات الاعيشها هي هاي الايام  انسانة جنت بفكر وصرت هسة بفكر ثاني وكلها تاخذني لبنتي وحالها من بعدي شراح يصير بيها ومنو يتحمل وضعها ويهتم بيها مثل اني مهتمة بيها

اعرفها بدون عناية وشخص يلازمها بحياتها تضيع النية البيضة الشايلتها للناس بصورة عامة مسببتلي رعب لان بكد ماهي خوافة بنفس، الوقت منصاعة، وتصدك اي شي ينحجي بيه

الدنيا الشفتها بعيني غابة اذا ما تتشطر الها تبلعك وتشمرك بوحدة من مستنقعاتها بكل سهولة .. ركضتلها بكل طاقتي ولاويتها بكل الامكانيات العندي.. وبكل طاقة عندي وخوف وقلق عليها زينتلها الطريق التمشي بيه شايلة من دربها عثرات الوكت بدون ما اهيئها لمفاجات القدر ومفاجاته

اعرف هالشي اكبر غلط بس خوفي عليها خلاني هيج اسوي وطابع شخصيتها جبرني التزم بهاي القاعدة طول 18سنة من عمرها

الى ان وكعت بهذا المرض خلاني اوكع من سابع سما لسابع ارض وصلت بيه مرحلة اشوفها بعيني اجت بالغلط وريتني، ماخلفتها وجبتها لهاي الدنيا

بتي الي تشوفني بعينها مثال بالقوة والشدة والثبات ماتعرف بيه اني بهذا الوقت استعد حتى اعلن هزيمتي كدام الدنيا بكبرها بعد معركة شرسة بيني وبينها اخذت مني زهرة شبابي بالركض ورة لكمة تسد جوعنا وتفاليس تسد حاجتنا البسيطة اني وبنتي سوية

اجاني وليد بزيارة مستعجلة بعد ماشرحتله رؤوس اقلام عن حالتي اضطر بيها يجي ويتاكد بنفسه
عن حالتي،
كمية الاوراق والفحوصات الي خليتهن كدامه رجعته لورة ميوؤس فعليا من حالتي حاول ببصيص امل اتعلق بيه ونراجع جم دكتور خاف متوهمين

وشلعته هالامل من جذره لمن شرحتله كلشي جملة وتفصيل

انطيته نبذة قرارات ناوية عليهن حصادهن جان ليالي من السهر والتفكير علمود اوصل لهيج مرحلة اهمها جان بنهاية السنة الدراسية انتقل اني وسارة يمهم بصورة نهائية ، وتبني حياتها هناك بينهم وهذا جان الحل الافضل الها حتى لو رفضت

هاي اذا كدرت ترفض بعد ماتعرف حالتي وعلتي الشايلتها بالخفية

سافر وليد من ثاني يوم بعد ماشاف ماكو اي نتيجة او مساعدة يكدر يقدمها غير المادة خلاه هالطاولة قبل ليسافر ونبقى على اتصال بينا على اي مستجد يصير بوضعي

التهيت بعدها بمشروع بيع اكل البيت بعد ماتعاملت وية اكثر من محل للمنتجات كدرت امشي اموري شوية متناسية راتب سارة من شغلها بالشهرين الفاتت واحنا داخلين بالثالث