عشق السلاطين {باللهجة العراقية}

البارت 15

عشق السلاطين _ بقلمي ياسمين _ تابعوا حساباتي عمري + صوتوا وعلقوا عالفقرات ممنونة منكم

(أّشُـتٌـهّـيِّکْ وٌطِنِأّ کْلَمًأّ ضًـأّقُتٌـ بًيِّ أّلَأّرضًـ وٌأّرحًلَ أّلَيِّکْ

أّشُـتٌـهّـيِّکْ روٌحًأّ لَتٌـکْوٌنِ مًعٌيِّ دٍأّئمًأّ فُـيِّ ذلَکْ أّلَوٌطِنِ

أّشُـتٌـهّـيِّکْ قُلَبًأّ لَنِمًوٌتٌـ مًعٌأّ أّشُـتٌـهّـيِّکْ کْلَ شُـيِّء

لَتٌـکْنِ مًعٌيِّ فُـيِّ کْلَ شُـيِّء)

سارة....

كعدت الصبح متاخرة صادفت بيومها عطلة للقسم متفقين محد يداوم اني وحسناء فزيت لكيت مكانها لماما فارغ عرفتها راحت تلتقي بيه كمت للمطبخ لكيتها محضرة ريوكي ومغلفته تخاف عليه من النار لا اشغل الطباخ واحترك فهية تختصر الموضوع من الاساس وياي

كعدت تريكت راسلته مارد ولا جاوب عرفته عنده اجتماع بقيت افكر بينهم شراح يصير ساعة اكول هو متكلم مضبوط يكدر يقنعها وساعة اخاف لا تفشله وتبقى مصرة مانكمل بعلاقتنا بالاخير صعد القلق لراسي ركضت للتلفون الارضي واتصلت بحسناء تهديني اعرف روحي اذا طولت بالتفكير شوية اتخبل من ورة افكاري

من جاوبتني حجيتلها كل الصار من البارحة واليوم
صارت تسالني وتناقشني عالوضع بعدين كدرت تطمني من جهة ماما كالتلي

_مستحيل تعاند وعماد واثقة منه راح يكدر يقنعها باسلوبه ولسانه

سديته منها ورة نص ساعة بعد ما اخذت مني وعد بس ترجع ماما واشوف ردها اخبرها مستجدات وضعنا

كمت لغرفتي ادرس الهي نفسي علما ترجع بس حسيت بيها دخلت من الباب طفرت يمها متوترة نزعت سترتها وعلكتها بهدوء وعيني منها تروح وترجع كعدت عالكرويتة تسخب النفس كوة شكلها كلش تعبانة ركضت اجيبلها ماي تشرب

اخذته مني تشرب وراها حجت
_ اكعدي كدامي خلي احجي وياج وافتهمي عليه زين

سويت مثل ماكالت والخوف عالتوتر اشتغل عندي الف بية عادة من تجيني هيج حالة اعصر باصابعي حيل واضغط عليهن بدون ماحس او اكل اظافري

_ اني البارحة الليل كله مانمته من كتيلي انتي تحبيه لان الانسان السلمتيه كلبج وروحج مو شخص بسيط من العوائل البسيطة.. الرجال صاحب حال وجاه حمايات رنانة تمشي وراه مثل السرب

لازم تعرفين الحبيتيه يختلف عنج بكل صفة انتي شايلتها ماكو شي اليجمعكم غير المشاعر

من اكول كلشي ... يعني كلشي تبقى جفة ميزان الوقت تحكم بينكم منو يتحمل اللاخ

اني شما اشوف هاي العلاقة مو متكاافئة ابد لا هو من ثوبج ولا انتي من ثوبه

وكلها وانتي ماداخلة بعد لمحيطهم وشفتي اسلوب حياتهم شنو