عشق السلاطين {باللهجة العراقية}

البارت 31

༻وتريد نتراهن على الشوك༻
༺وتريد نتراهن على الشوك ༻
༺تعال اتراهن اني وياك يلة༺
༺اتحداك اذامن كدي مشتاك༻
༺لان مشتاكلك كد رحمة الله༻

سارة....
بذيج الليلة المشؤومة جان كلشي بداخلي يصرخ من الوجع وصوت جواي يكلي حضري نفسج للالم بعد اكثر لان راح يستقر بين اضلوعج لميعاد غير معلوم.. من لوعة كلبي طلعت كل صورنا بموبايلي من اول يوم تعارفنا بيه لحد هاللحظه اللي تفاركنا بيها خليتهن كدامي صوره صوره واحنا نضحك بيها فرحانين.. انهضمت لان ما دامت لي لا الفرحه ولا السعاده.. بقن مدفونات بين صورنا وجان نصيبنا بهاي القصه الفراك حظنت كل الصور بكسرة كلب وماعرف شلون خلصت ذيج الليله ولا شلون عبر الوقت وطلع الصبح بس الاتذكره ضلت عيني مشبوحة عالسكف صافنة ودموعي تنزل بسكوت استرجعت كلشي مريت بيه وياه ووية حسناء وكل ذكرى حلوة مطبوعة بعقلي جنت اظحك بيها فرحانة ...
بجيت عليها متحسرة مهضومة ...

بالاخير تعبت هلكانة معصورة عصر من جوة قفلت الموبايل خاتمة قصتي وياه وكتبت رسالتين الهم اتمنى شرحت بيها حجم حبي الهم واعتذاري لحق سلبته منهم بقرار سفري من دون مااكللهم... للصبح كعدت من فراشي تعبانة من البجي ماخذة هدنة منه لفترة متخدرة تماما لدرجة كمت مااحس باطرافي .. وحتى الوجع بصدري كمت مااحس بيه طلعت من غرفتي مخلية كلبي معلك بيها وبالمكان كله واختصرت يوم الفراك الاخير وية الكل بسلام بارد وجامد ..
خلصتها بيومها سرحانة لمن وصلنا للقرية وردت انام مثلي مثلهم بس ماكدرت اكو كلام جنت مخنوكة بيه ردت احجيه بس مالكيت المن اسولفه لمن لاحظتني ماما وكلتلي كلمة وحدة بجيت بيها مهضومة

_ ابجي ماما... ابجي لاتخليها محبوسة بصدرج لمن تختنكين

وية حجايتها بجيت مثل ماكالت ... بجيت كانما ماباجية من قبل واحجي لكلبي بسكتة اشكيله اني بديت اضيع.. ماما وحالتها وضعي مكركب اريد كلشي يرجع مثل قبل ...واتمنى كلشي يرجع مثل قبل ..اني موحمل على هاي المعاناة والمن التفت وبيمن افكر... ومن اصفن كل دقيقة بالي يروح عد عماد ويم حسناء اذا عرفوا سافرت شراح يصير بيهم ...

من ورة التفكير بلش وياي اول يومين صداع قوي وكدرت اقاومه علمود ماما الي تنتكس فجاة وبدون انذار تصحى مرة ثانية رجعت اتقويت علمودها ماريد ابجي كدامها واتعبها اكثر ماهي تعبانة وصرت الها صديقة واخت وحبيبة بس ماسيطرت على نفسي من شفت جسمها منتهي ومطعون ازرك وسامي ووليد عرفوني ماادبرها بعد من اختنك وابقى ابجي سكتة اضطروا يستنجدون بجارتهم مرة جبيرة بالستين كدرت تعاوني بماما بغسلها وتبديلها ومرات من ابجي حتى تطردني بلهجة امر وتصيحلي الفاهية .. وانصاعلها مابيدي شي... الا ان صارت تجي من كيفها وبكل وقت .. الولد مبين يمونون عليها لدرجة اسمع صوتها مرات حتى تفشر عليهم بلفظ ماسامعته قبل ومن ادخل المطبخ اجيب ماي لماما او حاجة الها اشوفهم يغمزولها تسكت وهي ماعاجبها عينها مني .. لمن اعبر اسمعها تكلهم عني