عشق السلاطين {باللهجة العراقية}

الفصل الثاني ب، 23

عشق _السلاطين _الفصل الثاني بـ23

بقلمي _ ياسمين
كليباتي تصويت+ تعليق عالفقرات+ متابعة لحسابي
وحساباتي الباقية الانستا والتيك توك راح انزلهن باخير البارت الكم تابعوا تغشيشات قادمة جديدة للابطال
٠
٠
بعيدا عن ظروفي وعن ظروفك
انتهت بيناتنا بس ارد اشوفــــك
شغليها المشاعر بالقــــــــــــرارت
انه العايفك وانطر حروفـــــــــك
مجربهن واتعس شي بالفــــــراك
من ماريد اعوفك بس اعوفـــــك
٠
٠
حسناء اقتباس.... وقت الانسحاب
ان الشجاعة لا تكمن في الاستمرار في الاشياء،
بل في الانسحاب منها وتركها عندما تشعر بانك تعطيها اكثر مما يجب، وهي تعطيك اكثر مما تستحق ، فتتآكل روحك ويتحول الحماس الى هم تحمله على قلبك، فلا انت تشعر بالسعاده، ولا انت تملك القوه التي تجعلك تنسحب من كل شيء لا تحبه ، ولكن كيف تعرف انه حان وقت الانسحاب؟ ومتى هي اللحظه المناسبة؟ قد تتساءل كثيرا وتنتظر ما يشجعك على هذه الخطوة، ولهذا هناك بعض الاشارات التي تلمح لك انه حان الوقت المناسب للانسحاب......
٠
٠
لحظة ادراك اني فشلت بالانسحاب فلم اكن شجاعة كما اتصور،

كان ياماكان في قديم الزمان وسالف العصر والاوان
بليلة من ليالي شتاء ديسمبر الباردة شاء القدر وطلكت امج بيج بوقتها جانت الدنيا نص الليل كعدتني تصرخ وتسحب النفس كوة من الوجع تريد تجيب وكفت حاير بامري شسوي ووين اروح هسة رغم تدريبي عالوضع من شهر تقريبا بس بلحظتها كلشي تبخر من دماغي،

بعدني مسطور ومتخردل من حالة امج واكف مثل الحجر حاير بامري رجعت صرخت بيه اطلع اجيبلها سيارة ننقلها للمستشفى لحظتها الا تفطنت لهاي الخطوة كد ما مرعوب عليها وعليج

ابتسم لصفنتي بعالم الملكوت ومسح على شعري يكمل قصة ولادتي للالف مرة شلون اجيت للدنيا

المهم لبست قمصلتي ولفيت اللفاف على وجهي وطلعت اركض لنهاية الشارع بوقتها ماجان اكو سيارات خصوصية عد الجوارين الناس يادوب مدبرة لكمة تسد جوعها ذاك من ذاك العنده سيارة

المهم وصلت للشارع اني متجمد من البرد ساعة انفخ ايدي حرارة وساعة احظن جسمي بلكت ادفى منتظر واحد يمر منا واتوسله ياخذنا بطريقه للمستشفى

والمصيبة تعدت النص ساعة ومحد بين والشارع يصفن من البشرية من ايست مالكى احد رجعتلها لكيتها واكفة بسد الحايط وتمشي عالبطيء عاظة شفتها من الالم بلحظتها خفت لا تجيب وحدها واني مابيدي شي وماكدرت اتجرئ اكلها مالكيت سيارة تاخذنا المهم بقت المسكينة بالساعتين تعاني ساعة يخف الوجع وساعة يقوى عدها واني يارايح يااراجع من الشارع وهم بوقتها خلفلة عالجوارين من عرفوا بيها اجن جاراتها كعدن يمها وركضوا وياي اهل المنطقة يدورون سيارة بنصاص الليالي تاخذنا بعد صبر كولي لكينا واحد بغير منطقة واجانا رجال الله يذكره بالخير اخذنا للمستشفى عااد من وصلنا اخذوها مستلمين حالتها بنص الممر واكف منتظر البشارة وسمعت صوت بجيج ترس اذني ترس قبل لاتملينه بالممر كله
زاح خصلات نازلة على عيني وكمل بحماس مبتسم
_ تدرين عقلي رفض اتوهم بالصوت لان كلبي كلي هذا صوت بتك مو طفلة ثانية غيرها