_عشق _ السلاطين _بارت 36
بقلمي _ ياسمين
كليباتي لاتنسن التعليق والتصويت من اناملجن الحلوة😍
~~~~~~~~~~~~~~~~~~~~~~~~
كوني واثقة .. سيدتي
سيحبك .. الاف غيري
وستستلمين بريد الشوق
لكنك .. لن تجدي بعدي
رجلا يهواك بهذا الصدق
لن تجدي ابدا
لا في الشرق
ولا في الغرب
______________________________
سارة....
طلعت ريم من غرفتي ضليت مصفصفة ودور من طلعت من غرفتي بثقة كانما عادي تدخل وتطلع غرف غيرها وختمتها ضربتني بجتفي ومشت
هسة استلمها منين منها من اخوها واسلوبه الجاف وياي والبارد قهرني يعني كدام اهله يلزم ايدي ويحظن ومن نصير وحدنا يتجاهلني ضليت الوب اريد اشوفه شيريد كالتلي هنادي تسال
_ انسة سارة تصرف الانسة ريم مو مقبول لازم تخليلها حد والا تتمادى اكثر
ماحجيت يعني شون اخليلها حد مثلا واني اول يوم الي هنا يجوز رادت شي من غرفتي محتاجته .. بس ليش ماسالتني جان كتلها عندي لو ماعندي رحت ورة الحاجز ابدل الفستان ضايقني خليتها تطلعلي تراك مريح علكته الي لبسته وطلعت سالتني عن غراضي
_ انسة سارة اكو جنط بيها غراض الج وكتب همين وين اخليهن الج
_ الكتب خليهن اني ارتبهن واللوح والالوان شوفي بخزانة الملابس اذا اكو مجال خليهن بيه
عفتها طلعتهن واني رحت لكتبي طلعتهن ورتبتهن على مكتبتي تصير بصف تسريحة مرايتي بيها رفوف علوية ومجرات رغم صغير بس مرتب وتفصاله هندسي وخدمي خليتهن بيه ورجعت عالبلكونة اتفرج عالحديقة علما خلصت اجت هنادي وراي
_ انسة سارة تنامين لو بعدج تطولين
_ لا بعدني شوية انتظر عماد يصعد اشوفه الا انام
المشكلة ماانطيته خبر انتظره ما انام وصعدت ضايجة منه واخاف يتاخر جوة
حجت مبتسمة وخدودها وردت من الاحراج
_ انستي السيد عماد مايتاخر جوة الا اذا موضوع مهم يجتمعون عليه .. لاتقلقين شوية ويصعد
باوعتلها شلون منحرجة.. بس لافهمت كلامي غلط عبالها نيتي لاعبة...
كتلها ابرر
_ترة اني من سالت عنه مو النية الي بالج بس عندي موضوع كلش مهم اريد احجي بيه وياه
هزت راسها ووجهها انطعن ازيد
_هههه عادي انستي لاتبررين هي حياتكم الشخصيه وانتم مخطوبين قابل شيحجون المخطوبين بينهم
هاي شلون ورطة شلون افهمها اني موهاي نيتي
سكتت عنها اذا بررت موقفي اكثر ازيد الطين بلة والله فضحت روحي بدون فهم
عافتني وطلعت افتريت بغرفتي شوية فتحت الكنتور شفت الملابس البيها مو ستايلي بس حلوات اغلبهن فساتين ضيكة وبناطيل وقمصان بتصاميم مختلفة وتنانير جم موديل مختلف على احذية وجنط اقل ...يمته اشترى ذني لا وضابط قياسي بيهن همين طلعت منها وسديتها.. الكنتور بالضبط نفس تصميم غرفة ملابسة بس على اصغر والظاهر كل الغرف هيج مصمميها بهذا الديكور
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
