عشق _ السلاطين _ الفصل الثاني بـ12
٠
٠
بقلمي _ ياسمين
٠
٠
٠
اقتباس
كيمياء الحب..
* حينما تحب .. تعمى عيناك .. ويبصر قلبك ..
وتبدا الحرب بين عقلك وقلبك ..
حينما تحب .. تنتهي القرارات عند من تحب ..
وتبدا الحياه من خلاله وتنتهي عنده ..
٠
٠
٠
سارة...
جنت مسوية اتصال كاميرا وية ليان اشوف البنات
واضحك عليها شلون متبهذلة خطية
شعرها مكفوش وعيونها مقفلة من النعاس من وراهن
رضعت آيسن وخلتها كدامها تلعب وكملت تبديل ملابسهن ابتسمت على شكلهن شكد كيوت
طلعتني من صفنتي بسؤالها
_ ولج سارة لعد ماكتلج غير حسناء اتصلت بيه خطية اعتذرت كومة وغلطت عليج هم ههههه كالت عليج عوبة ليش ما متصلة بيها ومطيتها خبر عني
سحبت ظفيرتي لصدري العب بيها وكتلها
_ ايي خابرتني وغلطت علية حتى ماخلتني ابررلها
اكلتني بلسانها اكل اليكول رشاشة مو لسان
_ هههه اي جانت مستحية مني وكالت من تجي تزورني تشوف البنات
سكتت اباوعلها خلتلهن بودرة اطفال تناغيلهن ابتسمت بلا شعور لحركاتها كالتلي
_ ايي صدك يمته تجينا لو بعده حجز عماد عليج ماخلص كليله ترة راحوا الخطار صارلهم اربعة ايام تقريبا
سحبت نفس وزفرته ضايجة من ذكرتني بالصار
_ لسة ماحجيت وياه بعـ ... ماكملت حجايتي سمعت صوت الباب انفتح باوعت للمدخل دخل هو شكله مدخن وماله خلك
رفعت الموبايل وكتلها
_ اكلج ليونة بعدين اخابرج اجه عماد باي حبي
_بايات عيني
غلقته وكمت حظنته فرحانة
_ اليوم شعجب جاي من وقت فاجاتني بيك
ابتسم باس خدي وظفيرتي يتخطى للمكتب
_ راسي مصدع كلش احسه يريد ينفجر خلى جنطة اوراقه عالمكتب وطلع يصعد لفوك كتله امشي وياه
_ شجاك كلبي خاف ما شربت كهوة وكام يوجعك
_ لا شربت.. و3 فناجين هم بس اليوم من الصبح بلش الم خفيف و عالبشاير الحلوه الي اجتني كام ينهشني اكثر
ماركزت بحجايته عبالي من ورة الشغل دخل يغسل بدون مايطلب مني اشاركه الحمام هالمرة حضرتله ملابس مريحة بلوز قطني وردي باهت وبنطلون رمادي غامق وياه طلع لاف خصره بمنشفة بيضة وينشف بشعره المبلل بمنشفة اصغر .. ابتسمت اتامله
_ نعيما حبيبي
_ وينعم عليج ريحانتي
راد يدنك عالملابس ياخذهن رن موبايله تركهن وراح للميز جاوب كمال كاله
_ مالي خلك ورجعت... سكت لثواني وكاله.. راسي راح ينفجر وانت تريد تسولف لاتدوخني تعال وفضني.. يلة
سد الموبايل وسحب ملابسه يبلسهن ورة الملحق شكله موطبيعي ابد مبين ما مرتاح الضاهر ضغوطات شركاته متعبته كلش لكيت فكرة سريعة كلت اقترحها عليه
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
