عشق _ السلاطين _ الفصل الثاني بـ31
بقلمي _ ياسمين _ كلبي وغراضه لتنسون تصويت +تعليق عالفقرات + ومتابعة لحسابي وحساب الانستا والتيك توك موجودات عالبايو 🌹🌹🌹
٠
٠
دللتك طفل تتامر وتختار
ومن تعطش عيوني تصير
الك جرة
تذكر من رسمت الضحكة
عالشفتين
انطيتك فرح .. تنطيني
بس حسرة
٠
٠
سارة... اقتباس..
قرات يوما ما عبارة كتبها
احدهم نفت الكلام السابق تقول:
( في دين العشق لايجوز الفراق )
صدقت وايقنت وجربت هذا العشق
ولكن حدث ما لم يكن بالحسبان ...
صفنت عليه متخشبة ملامحي وعيوني ضاعت المن التفت الكل مدنك راسه ماكو تعليق
يعني شنو ننفصل.؟! بعدني بطور الصدمة كمل كلامه
_ وتسافرين برة تركيا للابد ماترجعين لهنا بعد
او تختارين تعيشين هنا بدون انفصال بس بقوانين جديدة وشروط جديدة تختلف نهائيا عن حياتج السابقة وياي
بلعت ريكي وعقلي وكف عد كلمة انفصال استيعابي اتشنج عدها .. شدت حسناء على ايدي عيونها مليانة دمع كلتله سابقتني بالجواب
_ لااا هية راح تختار تنفصل..هو هذا افضل حل الكم
انداريتلها مبهوتة وكلبي كام نبضه يوجعني كلش ابتسمتلي تترجاني اوافق على كلامها.. كللها خاصم النقاش
_ هية تقرر وهية تجاوب حتى على اساسها اتصرف
بعدني اريد اساله ليش ننفصل؟؟؟
سحبتني من ايدي لبرة الحديقة اخذتني بزاوية طرف وكفتني كدامها بثبات وهملت عينها دمع تقنعني
_ ديري بالج توافقين تبقين ديري بالج افتهمتي علية لولا...
ترة عماد واصل مرحلة جزع لا راح يفوتها الج ولا يفوتها لغيرج تسمعيني لولا
كتلها وعقلي متشوش
_ ليش ننفصل؟؟ هو يحبني واني هم احبه
قاطعتني روحهاا طالعة
_ سااارة... ساارة افتهمي علية الله يخليج عماد مو نفسه القديم الي تعرفيه ابد مونفسه تغير كلش تغير وصارله بالشهرين مانطق كلمة وحدة عقله داخل بموجة حرب راح يصفي المذنب والمو مذنب وشوفة عينج اول طلب اله من رخصه الطبيب ينتقل ورة عمليته للقصر وبغرفة جده حتى مو بغرفتكم القديمة ورفض تشوفيه او حتى تتواجدين قريب منه طول هالمدة
حضنت وجهي باثنين اديها تحاول تخليني مركزة وياها
_ احسللكم تنفصلون حبي والله ماتتحملين اذيته ولا راح تتحمليها.... نزلت دموعها على خدها وكملت
راح يدمرج لان استغفلتيه من البداية لحد ما اعتدى عليج ذاك الكلب راح يحاسبج مثلج مثلهم.. والطامة الاكبر مخوفتنا منه ما انطى اي رد فعل من عرف ماهر متبرع بكلبه اله ولحد هاللحظة هو بمرحلة هدوء مخليتنا نضرب اخماس باسداس عليه...
اتقرب منا كمال يسمع نقاشنا عقب على كلامها بتاييد صريح ومباشر يقنعوني واني ضايعة حرفيا وخوف تغلغل بروحي شلون انفصل عنه.. اصلا هو الخيط المتعلكة بيه بعد ماما من دونه هو شبقى اليه واعيش علموده.. وصل صوت كمال لمسامعي انداريت بعيوني اله كالي
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
