عشق السلاطين {باللهجة العراقية}

الفصل الثاني بـ30

عشق _ السلاطين _ الفصل الثاني بـ 30
٠
٠ بقلمي ياسمين _ تصويت عمري انتم + تعليق عالفقرات + متابعة لحسابي اضافة لحساب التيك توك والانستا موجود عالبايو بصفحتي حتى تواكبون كل جديد 🌹🌹🌹
٠
٠
حال عماد توصفه هذي الابيات:
ما طبكن سره طبكن علي كلهن.
_ وكتلني وبعد ما اكدر اكتلهن.
_ اذا شدن جدامي وشدن الچفين.
_ وكعدن عٌـ الصدر چا بعد شيحلهن.
_ ويلتمن عليك مشتتات البال.
_ يا عريان كلي شلون تنفضهن.
٠
٠
سارة... اقتباس :
يحدث ان تشتاق ،
ليس لاحدهم بل لنفسك،
لنفسك القديمه قبل سنوات،
لنفسك التي لم تتوقع يوما،
بان تكون الشخص الذي
انت عليه الان . .
تشتاق لها رغم علمك التام
بانها لن تعود يوما لما كانت عليه ابدا.

لياان...
غلقته من عمتي وتخطيت للغرفة كلبي ناغزني من هدوء صوتها فجاة اختفى
انصدمت مرعوبة شلون تملخ بمعاصم ايدها والدم مفيض ملابسها صرخت وركضتلها بدون شعور لزمت
اديها اثنينهن اسيطر عالنزيف باوعتلي فاقدة وعيونها متبلدة عالفراغ

_ ليونة هو لزمني منهن كالي لاتتحركين وووو اعتدى علية الحقيير سكتت تجمع حروف فجاة كامت ترجع هوى من معدتها متهالكة

ماانتبهت لكلامها بكد ما ردت اوقف النزيف من الهبطة تركت ايدها وشلت المكص وركضت للصيدلية جبت شاش وكطن لزمت ايدها لفيتهن بشاش كتلها

ابجي على وضعها
_ شجاج حبي شصاير وياج هيج ادهورتي .. ترة عماد زين والله مابيه شي بعدني ماكملت حجايتي كامت تتقيئ رغوة بيضة ووجهها انكلب احمر تخبلت عليها شجاها وهيج صار بحالها

كومتها للحمام ردت انزعها ملابسها انكمشت حاضنة نفسها تباوعلي بخوف كعدت بمستواها زحت شعرها عن وجهها
_ شصاير وياج حبي من شنو خايفة

حجت بصوت واهن كوة افتهمت عليها
_ ماا..... ماهر....

_ شبيه ماهر..؟؟

صفنت شوية وحجت تبجي تطك سن بسن ترجف
_ اعتدى علية.. خدروني بالشقة هو ووحدة واعتدى علية الحقير ولج ليونة شكد اتوسلتله يعوفني ماتركني وشكد حاولت وياه ماخلاني اروح لعماد وعضت اصابعها بقهر كاتمة صرختها

لطمت على خدي مامستوعبة التحجيه
_ولجج سارة انتي شدتحجين ماهر ماهر نفسه النعرفه لو تقصدين غيره

نزلن دموعها على خدها منهارة وكامت تلطم فاقدة
_ايي هوة نفسه مااهر الكلب نفسه الحقير نفسه.. ولج لياااان اعتدى علية ماخلاني اروح لعماد اعتدى علية يكلي اني احبج اكثر منه اتركيه وتعاي وياي ومن رفضت اعتدى عليه... اغتصـ...بني

وكفت متخردلة ايدي ورجلي يرجفن مثل السعفة هية تحجي الصار واني كاتمة انفاسي ابجي مصدومة من الاسمعه

_ عزة بعيني عزة بعيني

كامت تلطم منهارة وتصرخ حاضنة نفسها من الخوف
_ ولككككك عماااد ضيعت كلبك وراح ماكدرت احافظ عليه.... ولككككك حبيبي تعااااال شوفني شصار بيه راح اموووت وكلبي يوجعنيي من الالم