عشق السلاطين {باللهجة العراقية}

بارت 23

بنات البارت بدون تدقيق كتبته ونشرته الي تشوف سحكة منا منا غلسن والي عدها استفسار تعلق 😜

( لَقُدٍ آحًبًبًتٌکْ حًتٌﮯ رآوٌکْ———
فُيَ عٌيَنِيَ وٌسِمًعٌوٌکْ فُيَ—--—---
ظُحًکْتٌيَ وٌشُعٌروٌآ بًکْ فُيَ حًدٍيَثًيَ)

عماد  ...

الحياة..... هي عبارة عن غمار مجبورين نخوض بيه وبكل انواع التجارب المطروحة كدامك  ...

وبكل تجربة تختم غمارك بيه راح توكف عد مرحلة اشبه ماتكون بمرحلة "التطهير"  والي بدوره ياخذك للتلاشي اذا رفضت تتجاوز المرحلة وتتعافى منها

يبدي عقلك يتخدر من خلال كلمات يحاول يقنعك بيها.. ويصير يحاول يزرع آلية السماح بالرحيل بدماغك  .. وينذرك اذا قاومت هالشعور راح يتفاقم عليك الوضع للاسوء وتمتلي سوداوية تنتشر بكل خلاياك  كلما سمحت لهذا الحزن يتغلغل بروحك اكثر

ويبقى مستمر بتحذيره الك مجرد يحس بمقاومتك وتجاهلك للفكرة  .. وكلما ركزت عالشعور راح تتوجه لطرق ثانية مختلفة ومنحى اخر

بالنهاية راح تتاكد  انت مو الالم ولا الحزن وانما ضحية لمشاعر جازفت بنفسك عليها بعد ماتركتلها مكان فارغ بكلبك 

الى ان توصل للحظة الحاسمة وتصدمك وهي رايحة بدون مقاومة تذكر  .. البرمجات الي يشتغل عليها العقل راح يحلل ويفكر وانت بنص صدمتك وحزنك متورط تجلد روحك باللوم والعتب..

وراها تبدي تستسلم لهذا الشعور وتبلش بعدين تحاسب ذاتك وتدينها  .. وانت تلاحظ ان الي اخذت روحك اختارت سهولة الوداع  .. لدرجة جان اسهل من سكب الماي بالارض

بعد ست شهور....

جان يمشي بين الممرات التابعة للشركة وتفكيره عد اخر لقاء جمعه بالسيد امجد شخصيا وتبعها مكالمات منه وهو يخلي على عاتقه مسؤولية الصلح وتطييب الخواطر بين الطرفين انجبر يوافق وهو يعرف عقلية صديقه من شنو مصنوعة واتكفل بالموظوع بالرغم مايس يقنعه ويلين كلبه عليهم والي خلاه يوافق هو حالة جده التعبانة بسبب حفيده... وكلماته الراضخة من دون العادة خلته تحت صدمة مؤقتة وهو يشوف السيد امجد ذاك الانسان  الصلب  والمهيمن بشخصيته يختاره وسيط بينه وبين حفيدة بعد ماجزع من حفيده ومقاطعته الهم

دك الباب جم مرة ودخل بعد ما ايس من جواب صاحبه شافه مثل العادة واكف عد نافذة المكتب متسلط عالدنيا كلها بس عيونه سرحانه بغير دنيا وعالم  .. وكف بصفه لدقايق وجر نفس وزفره بقلة صبر

_ يااخي الى متى تبقى هيج...  بس كلي الى متى يستمر هذا وضعكم انت وحسناء

راح تبقون هيج بنفس هاي الروح الخلصانة عايشين على اطلالها  .. لو تعتبروها ذكرى مرت وانتهت

باوعله لكاه بنفس الصفنة والشرود كانما جان يحجي وية حايط

_ عماد ترة اني مليت قسما بالله روحي طفحت منك ومن حسناء  .. كافي يااخي ماتعبتوا مامليتوا