عشق السلاطين {باللهجة العراقية}
جدول المحتويات

    أنت تقرأ

    عشق السلاطين {باللهجة العراقية}

    ChickLit

    همسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...

    #حب #سلاطين #عشق #قدر

    البارت 25

    13.2K 911 120 
                                        
    
                                              
    هي... 
    موكد كلمة اعوفك حتى نرتاح واسوء يوم ذاك البي تركتك .. عندك فرصة وحده وبس خيارين لوتكسرني لو تكسر كلمتك
    هو... 
    شسويلك بعد..؟ وعيونك امليها .. انة سويت حتى الما مسويها والله لخاطرك قررت احب اشياء عشت طول العمر مامقتنع بيها 
    سارة....
    ثاني يوم كعدت من النوم على صوت رنة التلفون لكيت الاف الرسائل منه وكدهن مكالمات 
    الرقم الخيالي الشفته خلاني اكتشف اني جنت مانايمة وانما مغيبة عن الدنيا بكبرها 
    رغبتي طافية ارد عليه وابرد كلبه .. العد التنازلي للحفل بدة يقترب .. والحلو بالموظوع ماجاب سيرة عنها البارحة حتى لو بجذبة عابرة .. 
    انتهت الرنة وراها كتب 
    _ سارة لا تختبرين صبري وجاوبي 
    انتظر دقيقة من شاف مالي نية كتب 
    _ هاي هية لا تجاوبين اني جايج .. واعلمج
    قررت اجاوبه بعد مادفعني كلبي اشوفه شيريد 
    من اول رنة فتحت السماعة وسكتت 
    هالمرة انصاب كلبي بعلة البرود وياه خلاه يشيل روحه ويركعها لان هيج اتصرف وياه 
    احتمال جنت اتصرف بهذا الاسلوب لان طاقتي صرفتها لكدام ... او هذا الي تخيلي 
    _ بس اريد افتهم ليش هيج تتصرفين صاير شي سامعة شي 
    شحذت صوتي وجاوبته بهدوء
    _ لا ماكو شي بس تعبانة على ماما ومالي خلك بسبب الوضع كله 
    _ ليش ادك عليج ماتجاوبين شفتي المكالمات شكد لو ماشفتيها 
    _ شفتها .. جنت نايمة مادري بيك متصل 
    _ احلف يمين عظيم انتي موطبيعية .. وصبر ماعندي هواي وياج .. بس خلي اخلص شغلي واعرف شبيج متغيرة 
    سكتت بدون رد عيني عالحايط صافنة 
    سكت لثواني من شاف الكلام ضايع وياي راد يحجي شي قاطعته مامتقصدة
    _ تجي تمر علية اليوم لو مشغول هالفترة 
    جاوب وية نهاية سؤالي بعد ماسمعته جر حسرة 
    _تريدين اجيج..؟؟ اذاتريدين اجي افرغ نفسي ماعندي مشكلة بس ما اريد اجي والكى ملامحج نفسها مالت البارحة 
    _ ملامحي نفسها ماتغيرت .. احتمال انت متغير وتشوفني بنظرك هيج 
    ظحك متعصب
    _ تريدين اثبتلج انتي متغيرة .. ولهجتج هاي الباردة وياي اكبر اثبات على كلامي
    _ ماعندي شي بالعكس بس كتلك وضع ماما متعبني احس طاقتي مصفرة فتشوفني باردة بالرد
    مارد علية حسيته مامقتنع 
    _ عالعموم مو مشكلة مصيري اعرف شبيج وشغيرج
    اني هاليومين عندي زخم بالشغل اذا كدرت افرغ نفسي اجيج واذا ماكدرت نبقى على اتصال خلي موبايلج بيدج مااريد اتصل وماتجاوبين 
    ماكدرت اجاوبه بس تمنيت بداخلي يجي واشوفه اشبع منه اريد انسخ لملامحه صورة اخيرة بعقلي ردت احتفظ بتقاسيم وجهه وتفاصيله بمخيلتي ماردت اللقاء الاخير ينتهي بهاي الصورة 
    بس فاجئني لساني من جاوبه بلا اهتمام
    عشق السلاطين {باللهجة العراقية} حيث تعيش القصص. اكتشف الآن