عشق السلاطين _ بقلمي ياسمين _ تابعوا حساباتي عمري + صوتوا وعلقوا عالفقرات ممنونة منكم 🤕
٠
٠
سارة... اقتباس...
"وإنَي أَراكَ لعَُمري عَمرً ولقَلبي حُباً ..
ولروحي شَيئاً يُغنيها عن كُل الاٌَشياء ❤️❤️
شهر كامل مر على علاقتي بيه .. يعني ثلاثين يوم يعني 720ساعة مرت مثل الطيف علية بلحظة ادخل مكتبه واشوفه كدامي انسى كلشي ويضيع علية الوقت يمه
حبيته وتغلغل عشقه بكلبي وتجانس وية الروح .. حبيته لأول مرة وجنت اشوف الداير مدايري يحس بالاستغراب ...
حبيته بكل لحظة ارتبك بيها واني اتأمل عيونه ..
ادمنته واني جاهلة عن اي شي يخصه
'عطره تفاصيله ظاهره وبواطنه '
حبيته فكرة .. وحبيته من الداخل .. حبيته بدون ماحسب لشي واني اضرب بكل قوانين طبيعتي عرض الحايط .. احساس الامان والراحة بوجوده وحتى تصرفاته وياي جانت تدغدغ كلبي وتنعشه
سلب مني تفكيري واني اشوفه ينتبه لكل تفاصيلي الصغيرة الي ماادير الها بال .
وكفت عاجزة كدامه وهو يعتني بية واشوفه محتوي كل شاردة وواردة تخصني
صرت احب احجي وياه وآخذ وانطي بالكلام وشكد ماجنت احس نفسي منطوية وية الناس الغرب ومعروف عني قليلة كلام .. بس يمه اختلف كلشي
ابتسامته حنيته علية احسها تكلي .. اذا اكدر اقدملج اكثر من هالشي بحياتي جان انطيتج شي يخليج تشوفين نفسج بعيني .. وقتها راح تحسين انتي الانسانة الاستثنائية بحياتي وبس ..
كل تصرفاته تكول يحبني بس مانطقها لسة
وعيونه كلما المحها تراقبني احسها تجاوبني ببيت شعر غزلي مثل ما اتعودت اسمع منه وهو يغازلني باشعار نزار قباني بس هالمرة عيونه نطقتهن قبل شفايفه وكأنما يجاوب سؤال كلبي وعقلي عنه
( وتراهُ يصمتُ كي يواريِ حبهُ
وبقدرَ ماتخفي المحبةُ تعلــمُ
عبثاً يخبئ سرهُ في صمتــــهُ
من قال إن الصمتُ لايتــــكلمُ)
كاعدة كبال شباج مكتبه الضخم بمسافة امتار ارسم لوحة عن البنايات الكدامي بالوان زيتية احاول ادمج بين الألوان الغامقة والفاتحة حتى يبرز شكل الشجر العالي بصورة حلوة وهو مغطيه الثلج .
احسه من يباوعلي وبديت آخذ على جوه وطبعه بس لمساته العابرة وهو مرات يحضني لصدره لو يتعمد يوكف بصفي ويلزمني من خصري لحد الان توترني .. صحيح مايطول بلمساته من يشوفني اختض فيختمها ببوسة على شعري ويرجع لشغله
كدرت بهذا الشهر اخلص لوحتين لان زخم الدراسة والفحوص مايخليني الحك وهو شدد علية دراستي ثم الرسم بدون نقاش وهالشي صار حاله حال غيره من الفرضيات الي يفرضها علية واني لازم اطبق واسكت .
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
