عشق السلاطين {باللهجة العراقية}

بارت لـ مًلَکْهّ

عشق _ السلاطين _الفصل الثاني بـ5
٠
٠
بقلمي_ ياسمين
_________________________

واغار من ثغر ينادي باسمــــها
حتى وان قصد المنادي غيرها
واغار ممن يكتبون قصيـــــدة
فيها وصوف قد ابانت سرهـــا
واغار من اهل القبيلة كلهـــــم
كانوا لها عند الشدائد ظهرهـــا
واغار من مرآتها فهي التـــــــي
قد ابصرت كل الجمال فســرها
_________________________

حسناء....
رجعت وياه للشقة بعد ما عماد اتكفل بنفسه يوصلنا الها واخذوا الطريق كله يحجون بينهم هالشغل ماتطرقوا لموضوعنا بعد بدون كلمة نضيفها واحد للثاني خصم النقاش واني انصاعيت اله على اساس كلمة عماد وياي
ماانكر ابد ردة فعله صدمتني رغم صاحبه نوهلي عنه بس ابد ماتوقعت الكاه بهذا الشكل.. حسيته ماطايق حتى يباوع لوجهي، طولت خلكي وياه اشوف تاليها لوين وياه .. اول ماوصلت وفتح الباب انصدمت من شكل الشقة والمزبلة الصايرة بيها.. والريحة البيها يكول جثة متحللة ميت بيها حيوان ، بطالة الشرب تارسة الميز ومنهن واكع بالكاع متبدي منه
مامكلف نفسه حتى يشيلهن باوعتله رافعة حاجبي بدون مااكمل خطواتي للغرفة اكيد صايرة خرابة من ورة الفوضى مالته

ردت احجي خلى الجنطة بالكاع عينه بالموبايل مادايرلي بال حجى
_ عندي مشوار مهم اروحله يلة ادخلي سدي الباب وراي

خلى وطلع حتى مالحكت اساله وين تروح استغفرت ربي وعيني عالشقة شينظفها هسة الي الخمارة طاردته يروح يشرب بيها جاي للشقة معفنها الي

كام يتحرك الطفل ببطني مسحت عليها حتى يتوقف الظاهر ماراضي احجي على ابوه

دخلت لغرفة النوم لكيتها ارتب من توقعاتي الحمدلله
بدلت ملابسي وطلعت هويت الشقة فتحت الشبابيك جبت كيس حاوية وصرت اعبي بطالة الشرب بيها

خليتهن برة الشقة من يجي ياخذها مااكدر انزل بيها ورجعت للزولية غسلتها بمنظفات كوة راح اثر المشروب منها رتبت الصالة وباقي البيت صار المكان انظف رشيت معطر جو الها اتعدلت اجوائها

زفرت انفاسي مبتسمة ومرتاحة بقيت بس اني
دخلت غسلت خاف باقي بيه اثر من التنظيف وبدلت وطلعت عيني عالساعة صارله ساعتين من طلع شنو هالشغلة هاي المستعصية لسة طامس بيها

عدلت وجهي بمرطب وجسمي همين وكمت للجرباية اتمدد ظهري صار يوجعني كلش بقيت منتظرته
لـ12 بالليل وهو ماكو

حسيت نفسي بلشت اغلي وقنعتها كوة تنجب وتسكت اطول خلك وياه رفعت موبايلي اتصلت بيه
يرفض دكيت مرة ثانية يدك رنتين او تلاثة يفصله

خليته متراجعة اتصل بيه مرة ثالثة مبين قافل كلش
اتصفحت بالموبايل بين المواقع لورة نص ساعة الا
سمعت قفل الباب انفتح..اتحضرت اتعارك وياه دخل وجهه مايكصه السيف بدون هلا ومرحبا سحب منشفة ودخل للحمام يغسل.. عرفت حتى العركة وياه ماتجيب فايدة تغطيت ونمت عبالي يبدل ويجي ينام بصفي ورة دقايق ماسمعتله حس بعد اشتغل صوت التلفزيون