_ عشق _ السلاطين _ بارت 40
٠
٠
بقلمي _ ياسمين _تعليق وتصويت من اناملجن الحلوة كليباتي مااوصيجن 😍😍
__________________________
خاطرة مغزولة لاحد مخطوطات سامي لسارة
« هذه آخر رسائلي اليكِ»
ولم اكن اتوقع ان أجلس يوماً لاكتب لكِ رسالة اخيرة لقد اردتك العمر كله ولكنها الحياة ياحلوة .
قاتلت بشرف لتكوني لي ولكن الشرفاء أيضا يخسرون معاركهم
اتركك الان وامضي كجيش مهزوم لم يعد لديه شيء يقاتل من أجله ،،
____________________________
عماد ...
بالنص ساعة صافن عليها شلون غاطة بنومها مثل الطفلة نايمة على بطنها وشعرها منثور نثر، عالمخدة محتار شكللها.. اليوم اول صبح هية بيه مرتي علنا الليلة الفاتت نامت بحظني بدون دعوة مني وعزيمة ونمنا متاخر من كد مامرتاحة وتحجيلي خطتها شلون نخلص اليومين هنا
كمت عنها للحمام غسلت وطلعت بمنشفتي ناوي اتصل بكمال انطيه خبر عالسفر
رنيت عليه من اول دكة جاوب يظحك الساقط
_ بشر حمامة .. لو بعدها غراب
_ اني هم صوجي حجيتلك. عالاقل جنت كاسب برودة راسي ولا ملحتك هاي
_ هههههه شتريد تحجي احجي المهم وراك وراك لمن تفضها
طلعت من الغرفة عيني عليها لا تفز سديت الباب وكتله
_ والله لو علية افضها من اول لحظة بس حالتها مخليتني اراعيها شوية بس اشوف دموعها ابرد
اكلك عوف هاي السالفة مو موضوعنا وتعال انطيني حل لهاي المشكلة
_ خيرك شصاير..؟؟
_ ابن عمها انطاك عمره
_ لاتكولها.. استغفر الله .. شلون قصدي يمته هالحجي
_ اليوم الصبح متوفي ووصيته تحضر تشييعه وحاير شكللها
_ اممم وانت شتحس هسة من رايح تاخذها تنفيذ لوصيته
سحبت نفس وزفرته
_ الحجي بيناتنا لو ماعرف دموعها الراح تنزل ببرائة مامقصودة منها.. فلا اخذها لو رب الوصية
بس المرحوم خلصني من هم شكبره من ما مصارحها
وهية باقية على عماها
_ وهسة شسوي
_ كواد خابرتك تساعدني بحل...اشوفك تسالني
سكت ثواني وحجى
_مبدأيا انصح لاتكللها هنا تشلع كلبك بالسفر والدرب طويل ... انطيها اي عذر وقريب وصولكم كللها عليه
_ هو هم هيج ماعندي افضل من هالحل
سديته منه ورحتلها شميتها من شعرها اكعدها
_ حبيبي اكعدي يلة تاخرنا ... تمغطت خفيف ودارت راسها للجهة الثانية لميت شعرها لجهتي وبستها
بو....سات خفيفة بسلاسل عامودها الفقري لركبتها لابسة ثوب ابيض ململ عريض ودلع .. جبرتها الليلة تلبسه رادت تختار غيره تدور وياي كشخات ورفضت انكمش جسمها من بو....ساتي .. ابتسمت لحد الان ترتعش من لمساتي مسحت على شعرها اضوجرها حتى تكعد
_كعدي كلبي كافي نوم يلة
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
