عشق السلاطين {باللهجة العراقية}

بارت هدية اضافي

عشق السلاطين _ بقلمي ياسمين _ بارت اضافي
تصويتاتكم بنات + تعليقات عالفقرات اشوف تفاعلكم عليها + ومتابعة لحسابي حتى يوصلكم اعلان روايتي الجديدة •
٠
٠
جبار رشيد يكول:
شوكت يندك علينا ويضحك الباب
ويترس بيتنه وصوتـــــــك يسرنه
وترد انته ويجني الراحن ويـــــاك
وتجيبه وياك يالـــــــــماخذ عمرنه

سارة...
دخلت وركعت الباب بقوة متنرفزة منه دمعتي بطرف عيني تريدلها حجة وتنزل اسمع صوته يلعلع علية ومرته تحاول تهديه حتى يسكت وهو يصيح بعلو صوته من وراي
_ وخري عني نهى وخررري طفحتت مرارتي منها خلي اشوفها شتريد بلة اسمعهم اقتربوا من باب غرفتي تحاول تمنعه يدخل وهو مصر يتعارك وياي

كالتله بصوت ناصي
_ فدوة اهدى واسكت عنها قابل ماتعرفها لو غشيم عنها خليها واهدى تعال احجي وياك بغرفتنا

عاط بيها منفعل
_ لااا ماروح لغرفتنا وزيحي عن دربي خلي تفتح الباب احجي وياها...... افتحيه ولج افتحيه اتفاهم وياج، على شنو خابرتيه يجيج هااا.. هسة طلعت موخوش ادمي وجلب حيواانة عبالج ماسمعتج تخاابريه بالختلة... ولج اربع سنين اركض بيج من طبيب لطبيب واخصائي لاخصائي ماغزرن بيج جلببببة ركع الباب كمت اتعارك وياه من ورة الباب مثبته ليدخل علية ويهجم كتله حاقدة عليه

_ اييي جلب وجلب مثل هذا مالتك المربيه وكتلك الف مرة اريد اخابره ماخليتني تكلي انفصلي عنه خبييث واني ماريد انفصل منه كتلكياها وارجع اعيدها مليار مرة مااااااارررررريد انفصل عنه

اسمع نهى وية حجايتي تهديه لينفعل وينسمع صوتنا للجيران تالي يشتكون علينا
_ اسكت عنها الله يخليك موقصدها........ دفعها وركع الباب رجعت لورة مختضة منه
_ جلبة عاجبتج روحج وواثقة هم..... ولج اجيتيني بس اسمج تعرفيه زمااله مامخلي بيج عافية تنذكر على شنو مجلبة بيه وكاتله روحج...... اشوو حتى زواج اتزوج عليج غبية

كتله ادافعله
_ لا ماتزوج علية وحسناء كالتلي بس توقيع على ورقة مابيها شي قانوني ولا معنوي راد يخلصها من مشكلة وفضت وانفصل عنها بدون مايطخ ايدها بلمسة

زمخ بيه منفعل
_ وانتي صدكتي كلامها بكل سهولة وجذبتيني موو
_ ايي اصدكها لان اتذكر شفتها الورقة بعيني مابيها شي رسمي وهمينة حلفتلي بغلاتي عدها هذا الصدك وكالتلي اسالي منو تردين وهم راح يجاوبوج بنفس كلامي وسالت امه شفق خانم وعموو فؤاد من زاروني قبل فترة هو وياها هم مايجذب علية ويحبني كالولي
مثل كلامها بهاي الحالة اصدكهم لو اختار اصدكك الك ياا نحييس

سكت ثواني احسه دخن مني حجى ببرود
_ تمام سارة افندي اني اعلمج كاتلة روحج تردين تتركينا وتروحيله بسهولة بسيطة منا وهيج اشيل كل تلفونات البيت واني هسة راح اخابره اكسر رجله اذا وصل لهناا واريد اشوف اني لو انتي..