_ عشق_ السلاطين_ بارت 61
٠
٠
بقلمي _ ياسمين-
_______________________
خسران اليعيش وماحجه وياي...!
وربحان الكعد يمي دقيقــــــــة...!
اليعاشرني يحبني بلا نقاشــات...!
وهنياله الصرت خله ورفيجــــه...؛
________________________
جياد...
نزلت اسحب النفس كوة كد مامتوتر خفت لاصايرة مذبحة كدامي اسمعه هوة ونعمان واحد يشمر تهديد عالثاني والاستعداد للرمي واكف بينهم على خيط ارفع من الشعرة منو بيهم يبلش الاول وكلمن ازلامه وراه شاهرين سلاح خفيفة وثقيلة
وكفت بنصهم واشرت لنعمان ايدي على صدري ينزل سلاحه اني احلها ماهتم حسيته متشنج قافل مايريد وكفت كدام كمال اقنعه
كمال نزل اسلاحك.. انت متوهم وخلينا ارجع واني افهمك.. ماخلاني اكمل زمخ بيه
_ وكلام الله ومن نزله اليوم مااتحرك منا اذا مااصفي حسابي وياه
ولكك غببي شتصفي ودفعته مشتط شتصفي الرجال مابايعه الف مرة كتلك مابايعه
رفع سلاحه بوجهي شرايين ايده نطت لبرة
_زيح من كدااامي جياااد.. زييح خلي اشوف شغلي وياهم الخونة.. شهور نايم بالسجن محد بيهم اهتز وطلعه من الحبس، ورطوه الافندية وهو وكع بيها
وحده وهم يتفرجون
باوعتله بعتب شلون رفعه بوجهي.. ماهتم كد مايغلي
ماتحركت ونعمان اغتاظ منه على حجايته
_احترم نفسك كمال واحجي عدل اذا تقصدنا بالخونة فاحنا ماتركناه لوحده.. وبيدي وعلى مسؤولية الباشا هيئناله اموره بالسجن اتحدى واحد بالسجن تعرضله بكلمة
صاح بيه
_ بيكم الخير والله ماقصرتوا مجملينه بتفاليس دفعتوها بس حتى مايجيبكم بالطاري وتنسحلون بعدين شنو الهيئتوه اله هاااا... ترة بفلوسه حبيبي بفلوسه مو بمنية احد واتحداك تنكر هالشي.. وكافي لغوة مابيها نفع ويلة صيحلي جبيركم خلي اتفاصل وياه
تقربت منه سلاحه صار على صدري ضغطت على اعصابي احجي وياه
كماال نزل سلاحك لاتصير غبي ولك وراك حمايات بركبتها عوائل ليش تجرهم لمذبحة بسبب طيشك، نزل سلاحك واني افهمك كلشي
باوعلي من نظراته رافض يتنازل.. تقربت منه بصوت ناصي كتله ترة المقارنة خسرانة احنا بمنطقتهم ورجالهم ضعف رجالنا راد يحجي ماخليته
ثق بالله العلي العظيم مانطلع منها ربحانين وتالي نفجع عوائلنا بلا سبب وعماد يبقى بالسجن ماسوينا حل.. خليها وراي ومالك غير الكلام اليرضيك ويطيب خاطرك واخذ الكلمة من هالشارب
بقيت احجي وياه ونهرت الحماية الوراه ينزلون سلاحهم كال
_ ماعندي مشكلة اني ماراح اخلي طلقة تثور بس بشرط اكعد اتفاصل وية الباشا اشوف حلوله شنو اذا عجبني نتفق ماعجبني وماصار اليرضيني وداعة امي وغلاة عماد الا اخلي الدم للركب
انداريت احجي وية نعمان بنفس اللحظة طلع واحد من الحرس شاوره هو باوعله مستغرب رجع حجى وياه كلمتين وعافه ودخل جوة ماتاخر دقيقة
أنت تقرأ
عشق السلاطين {باللهجة العراقية}
ChickLitهمسلها قريب شحمة اذنها _ احبج وصرت مهووس بكل تفصيلة بيج وتخصج كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى...
