HER SECRET

CHAPTER 87

𝐒𝐮𝐧 𝐚𝐧𝐝 𝐌𝐨𝐨𝐧

AIRAH'S POV

"Dandere wait, galit ka ba?"

Ginuyod niya ang braso ko at pinaharap niya ako. Pinag kunutan ko siya ng noo.

"Ha? Anong sinasabi mo? Hindi ako galit sa'yo. At bakit naman ako magagalit?"

Nailuwag niya ang pagkakahawak sa braso ko hanggang sa bitawan niya iyon.

"I thought you're mad." he bowed down. "I thought you would ignore me because of what I said and did earlier in the cine room, iniwan mo kasi ako eh."

Napangisi naman ako. "Tch, kaya kita iniwan doon dahil iniwan na tayo ng mga kasama natin. Napakabagal mo kasing kumilos."

Nagsimula na akong maglakad. "Sorryyy, napagod lang." makabuluhan niyang sabi at binigyan niya ako ng ngisi.

Naglakad lang kami ng sabay hanggang sa makababa ulit kami sa living room.

"Sino gustong mag stay sa inyo dito, pwede kayo dito matulog?" rinig kong tanong ni Austin, halos nakaharap siya sa aming lahat.

"Uuwi na kami ni Archer, Austin. Salamat pala sa pagkain and sa movie marathon, nag enjoy ako sobra, sa susunod ulit kung may susunod pa." natatawang pagpapasalamat ni Gex dahil sa sinabi niya sa huli. "Sige alis na kami. Congratulations ulit sa ating lahat." ika niya at niyakap kami isa-isa bago sila umalis ni Archer.

"Mag ingat kayo." bilin ni Austin na ikinatango lang ng dalawa.

"Kayo?" maya-maya'y baling ni Austin sa amin.

"I'm going home, Austin." si Winter. "Don't worry ihahatid ako ni Primus."

Wow ah, taray!

"Sige, mag iingat kayo." ani Austin at tinignan si Primus. "Uuwi kana rin ba after mo siyang maihatid?" Tumango lang si Primus. "Sige, take care kayo."

Kaya naman nag ayos na ang dalawa. Bumaling naman si Austin sa amin nina Innah. "Kayo uuwi din?"

"Yes, pero sa hotel kami matutulog ni Innah." agad na sagot ni Seb.

"Ha hotel pa talaga ah. Pwede naman dito nalang eh."

"Syempre bunsoy gusto namin ni Innah yung malayo sa inyo, para di kami maistorbo." makabuluhang ani Seb. Napailing-iling nalang si Austin habang may ngiti sa mga labi.

"Sige na nga, basta ingat din kayong dalawa."

"Hmm."

Bumaling siya sa amin ni Katsuki pagkatapos. "Kayo naman Airah, uuwi din ba kayo?"

Nagkatinginan pa kami ni Katsuki dahil hindi kami sigurado sa tanong niya.

"You sleep here ba?" ulit niya ng hindi kami nakasagot agad.

"Uhm, hindi siguro Austin, next time nalang." sabi ko.

"Sige." tumango nalang siya at ngumiti.

"Ikaw Jiro uuwi ka ba?" baling niya kay Jiro na nakaupo ngayon sa sofa, may ka-text sa phone.

"Huh?"

Nag loading yata siya kasi hindi niya nagets, hanggang sa napagtanto niya ang gustong sabihin ni Austin. Tumango siya.

"O-oo. Dito ako matutulog."