Chapter 128
"အင်း ဆိုင်သွားကြည့်မလို့"
ချန်းဟွမ်က သူမ၏ပိုက်ဆံအိတ်ကို ကိုင်ထားရင်းမေးလာပြန်သည်။
" ဘယ်နှနာရီရှိပြီလဲ "
"၃ နာရီလောက်ပေါ့ ဘာလို့လဲ "
"ဒါဆို ကျွန်မအစား ရှင်းရှင်းကို စောင့်ကြည့်ပေးနိုင်မလား...အပြင်မှာ အရမ်းအေးနေလို့ ကလေးကို ခေါ်မသွားချင်ဘူး"
" ရပါတယ် ထားခဲ့လိုက် " ကျန်းမင်ယွမ်က ရှင်းရှင်း၏လက်ကိုဆုပ်ကိုင်ပြီး တံခါးဘေးသို့အနည်းငယ်နေရာဖယ်ပေးလိုက်သည်။
“အပြင်မှာ လေအရမ်းတိုက်တယ်... ငါနဲ့ပါလာတဲ့ ဒရိုင်ဘာကိုခေါ်သွားလေ "
ကျန်းမင်ယွမ်၏ဒရိုင်ဘာနှင့်သွားရခြင်းက
ကိုယ်တိုင် တက္ကစီငှားရခြင်းထက် အဆများစွာသက်သာသည်။အလွန်အေးသောဆောင်းရာသီ၌ မည်သည့်တက္ကစီဆရာကမှ ကားထဲတွင် ထိုင်စောင့်ချင်ကြမည်မဟုတ်ပေ။
ချန်းဟွမ်သည် ထိုအကြံကို သဘောကျသော်လည်း လူကြားကောင်းအောင် ဟန်လုပ်လိုက်သေး၏။
" ဒုက္ခများနေပါဦးမယ် "
"မများပါဘူး ဒရိုင်ဘာက အောက်ထပ်မှာ "
ကျန်းမင်ယွမ် ရှင်းရှင်း၏လက်ကို လွှတ်လိုက်သည်။
ကလေးကို အိမ်ထဲ၌ ခဏထားခဲ့ပြီး သူက အပြင်ထွက်သွား၏။
ထို့နောက်ဓာတ်လှေကားခလုတ်ကို နှိပ်ကာ ချန်းဟွမ်နှင့်အတူ အောက်ထပ်သို့ ဆင်းလာခဲ့သည်။
"သွားတော့မယ်"
" ကောင်းကောင်းသွား "
ကားအတွင်းနှင့် အပြင်၌ အသီးသီးရှိနေကြသော နှစ်ယောက်သားက အချင်းချင်း လက်ဝှေ့ယမ်းပြကြ၏။ ကားသည် မြေအောက်ကားပါကင်မှ ထွက်ခွာလာခဲ့သည်။
ကျန်းမင်ယွမ်က ဓာတ်လှေကားဆီသို့ပြန်မသွားမီတွင် ထွက်ခွာသွားသောကားကို တစ်ခဏမျှ စိုက်ကြည့်နေသေး၏။
တိုက်ခန်းရှေ့သို့ရောက်သည်နှင့် ကျန်းမင်ယွမ်က သော့တံကိုထုတ်ပြီး တံခါးဖွင့်လိုက်သည်။
YOU ARE READING
ဇာတ်လိုက်၏ဗီလိန်ဇနီးသည်
RomanceThe Villainess Female Supporting Character raising her bun