ကောင်းကင်ဘုံသို့ စစ်ပြိုင်ခြင်း

Chapter 28 လေဟာနယ်လက်ဝါးကို အဆင့်မြှင့်ခြင်း

ကောင်းကင်ဘုံသို့ စစ်ပြိုင်ခြင်း
Battle Through The Heavens
by Heavenly Silkworm Potato
——————————————
Chapter 28. လေဟာနယ်လက်ဝါးကို အဆင့်မြှင့်ခြင်း

သစ်သားစည်ပိုင်းထဲမှာ ထိုင်လျက် သူ့ခန္ဓာကိုယ်လည်း
အေးစက်စက် ဆေးရည်ထဲမှာ နစ်မြုပ်လျက် ရှိသည်။
တည်ငြိမ်တဲ့ ဆေးစွမ်းအင်ကို လည်း လေ့ကျင့်ခြင်းနှင့်
အတူ စုပ်ယူလျက်ရှိသည်။ ပုံမှန်နည်းလမ်းအရ အဆင့်
၇ သို့ ရောက်ပြီလျှင် အနားယူပြီး ပြန်လည်ပြင်ဆင်ရသေး
သည်။ သို့ပေမဲ့ ရှောင်ယွင်အတွက် အခြေခံဆေးရည်ရှိ
သည့်အတွက် အနားယူဖို့ မလိုအပ်ချေ။ သူ့၏အနေအထား
မှာ အမြင့်ဆုံး အခြေအနေမှာ ရှိနေသည်။

သစ်သားစည်ပိုင်းထဲမှာ အတန်ကြာထိုင်နေပြီး စိတ်လှုပ်
ရှားနေမှုတွေ တည်ငြိမ်သွားပြီးနောက် နောက်ဆုံး ပျင်းရိ
လေးတွဲ့စွာ ထလိုက်သည်။ ခန္ဓာကိုယ်မှာ ကပ်ကျံနေတဲ့
ဆေးရည်စက်တွေက ယိုစီးလာရာ နေအလင်းရောင်
ကြောင့် တလက်လက် တောက်ပနေသည်ဟု ထင်မှတ်ရ
သည်။

ပျင်းရိစွာ အကြောဆန့်လိုက်ရာ ခန္ဓာကိုယ်က အရိုးအဆစ်
များက အသုံးမပြုရသေးတဲ့ အရိုးအဆစ်အသစ်များအလား
ကြွပ်ဆတ်ဆတ်အသံများ ထွက်ကုန်သည်။

ခေါင်းကို အသာအယာပဲ လှည့်လိုက်ရင်း ကုတင်ပေါ်ကို
ညာလက်ထောက်လိုက်ပြီး အဝတ်တစ်စုံ ဆွဲယူလိုက်သည်။

အဝတ်အစားကို ဝတ်ဆင်နေရင်း လေသံတိုးတိုးဖြင့်
" ခံစားရတာ အရမ်းကောင်းတာပဲ... ငါ့ရဲ့ ဒိုစွမ်းအင်က
နည်းနည်းတိုးလာပြီး... ဒါဆိုရင် တစ်စုံတစ်ယောက်ရဲ့
လုပ်ရပ်တွေကို ဟန့်တားလို့ရနိုင်ပြီးပေါ့ "

" ကံဆိုးတာက လေဟာနယ်လက်ဝါးသိုင်းက တိုက်ခိုက်
တဲ့နေရာမှာ စွမ်းအားမရှိတာက ခက်တယ်.. ရန်သူဆီကနေ
သွေးတွေ စုပ်လို့ရတယ် ဆိုတာကလည်း ငါ့ထက် ဒိုချီစွမ်း
အင် နိမ့်တဲ့ လူတွေအပေါ်ပဲ သက်ရောက်မှုရှိတာ.. ငါ့ထက်
အဆင့်မြင့်တဲ့သူနဲ့ တွေ့ရင် ကံဆိုးမှာပဲ.. "

လေဟာနယ်လက်ဝါးသိုင်းရဲ့ အားနည်းချက်ကို စဉ်းစား
ရင်း ရှောင်ယွင် စိတ်ပျက်မိသည်။ ဒီသိုင်းက သိပ်မကောင်း
ပေမဲ့လည်း ဒါဟာ သူ ပထမဆုံး ပိုင်ဆိုင်ဖူးတဲ့ ဒိုစွမ်းအင်
ကျင့်စဉ်ပဲ မဟုတ်လား...