Ի՞նչ են ցանկանում կյանքից ճակատագրի բերումով իրականության և պատրանքի երկու տարբեր աշխարհներում հայտնված հերոսները...Ոքանո՞վ են նրանք համակերպվում իրենց բաժին հասած աշխարհներին...Ինչպիսի՞ն են նրանց պատկերացումները այդ աշխարհների մասին...
Oops! This image does not follow our content guidelines. To continue publishing, please remove it or upload a different image.
Կանաչաչյա կինը բարձրացնում է կոպերը: Այլևս հնարավոր չէ քնել , քանի որ պատերը , բաց պատուհանների շնորհիվ , արձագանքում է թռչունների դայլալը: Շրջվելով մահճակալի մյուս կողմը ՝ նկատում է փարթամ նարնջագույն կակաչներով ծաղկեփունջ:Թվում է , թե տեսիլք է , աչքերը փակում է և կրկին բացում , սակայն տեսարանը չի փոփոխվում:Նա ոտքի է կանգնում , կապում գիշերազգեստի գոտին և լքում ննջասենյակը ՝ իջնելով աստիճաններով ներքև:Հյուրասենյակը պատված է փոքր-ինչ նշմարվող ծխով , խոհանոցից փչում է վառված ուտելիքի տհաճ բույրը:Կինը կիտում է ունքերը , մատներով սեղմում քիթը և քայլում դեպի խոհանոց:
-Ի՞նչ ա կատարվում , Արսեն:
Շիկահերը , ով կանգնած է գազօջախի առաջ և փորձում է մաքրել այն , պտտվում է և անմեղ ժպիտով ժպտում:
-Բարի լույս:
Մայրն ուսումնասիրում է տարածքը , տեսնում հատակին թափված կաթը , ժանգագույն թավան , կոտրված ձուն...
-Լույսն էս դեպքում չի կարող բարի լինել:
Արսենը հոգոց է հանում , քանդում և հանում գոգնոցը , նետում աթոռին և ձեռքերը ծալում մկանոտ կրծքավանդակի առաջ ՝ ընդունելով դժգոհ դեմքի արտահայտություն:
-Որովհետև թավան կպնում ա , գազը լավ չի աշխատում...
-Ի՞նչ ես խոսում , Արսեն:
Լիլին մոտենում է գազօջախին , վառում այն , կապտանարնջագույն գազն արտացոլվում է շիկահերի բաց շագանակագույն աչքերում:
-Բայց թավան կպնում ա:
Շարունակում է արդարանալ , փոխարենը , մայրը բացում է դարակներից մեկը ՝ ցուցադրելով սպասքի տեսականու ընդամենը մեկ քարորդը:
-Հիմա ի՞նչ ես ասելու:
Տղան թոթվում է ուսերը , վայրկյաններ անց խորամանկորեն ժպտում:
-Ծաղիկները դուրդ էկա՞ն:
Լիլին ծիծաղում է , նստում սեղանի շուրջ:
-Հա , շատ սիրուն էին , բայց...
-Ուղղակի երկար մտածեցի ու հասկացա , որ համով նախաճաշ պատրաստելուց ու քո սիրած ծաղիկները նվիրելուց կկարողանամ որոշակի չափով ներում ստանալ:
