Unicode
"ဒိုး....ဒိုးတို့သားအဖကို လင်းရိပ်ကမွေးစားထားတာဆို"
"ဗျာ...."
ပိုးသားရဲ့မေးခွန်းက ဒိုးကိုရုတ်တရက်လန့်သွားစေသည်။ ဟင်.....ဖြစ်ရပြန်ပြီ....သူကပဲ တို့သားအဖကိုမွေးစားထားပြန်တယ်တဲ့... လင်းရိပ်ထင်တစ်ယောက်ဘာတွေ ပြောထားပြန်တာတုန်း။
"ဟုတ်...ဟုတ်ပါတယ်..... ဒါပေမဲ့.... သူတစ်ယောက်ထဲတော့မဟုတ်ပါဘူး.... အန်တီရော ကြီးကြီးရာ ကိုလင်းထည်ရောနဲ့ဆိုင်ပါတယ်"
ဧည့်သည်ရှေ့မှာ သူပြောထားပြီးသားစကားကိုမဆန့်ကျင်ချင်ပါ.. ငြင်းလိုက်ပြန်ရင်လဲ သူ့သိက္ခာကရှိသေးတယ်လေ... ဒါကြောင့် စကားကိုအဆင်ပြေအောင်ပဲပြောရသည်။ ဒိုး ညာပြီးလဲမပြောချင်တာကြောင့်ပါ။
သူက ဘာသဘောနဲ့ ဒိုးတို့ သားအဖကို သူမွေးစားထားသည်ဟု ပြောတာပါလိမ့်။ သူ့ကိုယူရင် အပိုအဆစ်နှစ်ယောက်ပါတယ်လို့ ကြိုပြောထားတာလား.... ဘာလား... ပြီးတော့ ငြိမ်းက ဒယ်ဒီချင်းကိုထပ်လို့ပဲလေ။ ဒိုးကတော့ ငြိမ်းမျက်နှာကိုမြင်ယောင်မိပြီး ရှေ့ကမိန်းကလေးကိုလဲအားနာပါသည်။
.
.
.
"ဒိုးကပွင့်ပွင့်လင်းလင်းရှိလိုက်တာ.... စကားပြောတာလဲ ပြတ်ပြတ်သားသားပဲနော်....ပိုးသား အဲ့လိုမျိုးမှသဘောကျတာ"
ပိုးသားကတော့ အခြေအနေကိုတတ်နိုင်သမျှထိန်းရှာပါသည်။ လင်းရိပ်ထင်တစ်ယောက် ဘာတွေလှိမ့်ထားတယ်လို့များ ထင်သည်မသိ.... ဒိုးကို ပြောရင်း လင်းရိပ်ကို တစ်ချက်ကြည့်လိုက်သေးတာ။ တကယ့်ကို အသံမထွက်ဘဲ ဧည့်မွေးကြမ်းနေတာက ဘေးကတစ်ယောက်။ ပိုးသားနဲ့ဒိုးတို့သာ အလာပသလာပပြောနေကြတာ.... သူကဖြင့် ဝင်ကိုမပြော။
.
.
.
"ပိုးသား....ကိုယ် hotel ပြန်လိုက်ပို့ပေးရတော့မလား... ပိုးသား နားချင်ပြီလား"
တော်တော်လေးကြာမှ သူစကားထပြောတယ်။ ပြောတဲ့စကားကျတော့လဲ ပြန်တော့မလားဆိုတဲ့စကား။ ခက်တော့တာပါပဲနော်။
"အင်း..... ရပါတယ်... လင်းရိပ်သဘော"
ပိုးသားကတော့အေးအေးဆေးဆေးပဲဖြစ်သည်။
YOU ARE READING
ဒိုးကလေး
Romanceနာကျင်မှုတွေဆိုတာ လူသားတိုင်းကြုံတွေ့ကြရတာပါ။ ဘယ်လိုစိတ်ခွန်အားနဲ့ဖြတ်ကျော်ခဲ့တာလဲဆိုတဲ့အရာက...အဆုံးသတ်ကို အဆုံးအဖြတ်ပေးပါလိမ့်မယ်။
