Unicode
ခြံထဲကို မောင်းဝင်လာတဲ့သူ့ကားကိုတွေ့တယ်။
အချိန်မှန်ပဲ... နေ့လည်စာပြန်စားတာ။
အန်တီကလဲနော်.... ခိုင်းစရာကိုနေ့လည်စာလွတ်အောင်ခိုင်းပါတော့လား။ နေ့တိုင်း သူနေ့လည်စာပြန်စားတယ်။ ကြာပြီ...နှစ်ပတ်လား သုံးပတ်လားရှိနေပြီပေါ့... တစ်ရက်မှ မပျက်ဘူး။ အခုမှ အိမ်မှာနေ့လည်စာစားတာကိုသိပ်မက်မောပြနေတာ.... ကြည့်လို့ကိုမရဘူး။ တစ်ခါလေးသနားလို့အလိုလိုက်မိရင် တစ်သက်လုံးအလိုလိုက်ရတော့မဲ့ပုံနဲ့။
တစ်ခါတစ်လေ သူ့သူငယ်ချင်းတွေက ပါလာတတ်သေးတာ။
ဒီလိုဆို ဒိုးပိုပြီး အနေခက်ရတယ်။
သူတို့ ပြောပြောနေတဲ့ ငြိမ်းက လင်းရိပ်နဲ့တူတယ်ဆိုတဲ့စကားတွေကိုလဲလုံးဝနားမခံသာဘူး။
ပြီးတော့...သူနဲ့ ကိုလင်းထည် ငြိမ်းကိုချီတယ်ဆိုတာ သူ့သမီး သူ့တူမလေ။ ဘယ်လိုစိတ်နဲ့ချီတယ် ချစ်တယ်ဆိုတာ ဒိုးသိတာပေါ့။
လူစိမ်းကတော့ ချီတာပိုးတာ တကယ်မကြိုက်ဘူး။
ချစ်လို့ဆိုတာသိပေမဲ့ လက်မခံချင်ဘူး။
တစ်ခါ နှစ်ခါဆို ဒိုး မခံနိုင်တော့ဘူး။
ငြိမ်းကချစ်ဖို့ကောင်းတော့ သူ့သူငယ်ချင်းတွေလဲချစ်ကြတယ်။
လင်းရိပ်ထင်ကလေးထိန်းနေတာကိုလဲ သဘောကျနေကြသေးတာ။
ကဲသဲများပြရင် အားလုံးသဘောကျလို့တဟားဟား။
နောက်တော့ မပြောရင်ကြားကငါပဲရူးသွားမှာဆိုပြီး ပြောရတော့တာပေါ့။
မင်းစိတ်မချရင် မင်းလဲအနားမှာထိုင်နေပေါ့လို့ ဘုတောပြီးပြန်ပြောတယ်။
တော်တော်တရားကျဖို့ကောင်းတာပါဆို။ သူတို့ တဝေးဝေးတဟားဟား ပြောနေဆိုနေကြတဲ့အနား ကလေးချီပြီးထိုင်ပေးနေရမယ်တဲ့။ ဘာကြောင့်ပါလဲ.... ကဲ...ဝိုင်းတွေးပေးကြပါဦး။
အဲ့ကိစ္စလဲ အန်တီနဲ့ကိုလင်းထည်ကိုပြောပြီးပဲ တားခိုင်းရတယ်။
အဲ့တော့မှ ခေါ်မလာတော့ဘူး....သူ့သူငယ်ချင်းတွေကို... ဟုတ်တယ်... ထပ်ပြီးခေါ်လာရင်လဲ ဒိုး အိမ်ပေါ်ကဆင်းတော့မလို့။
.
.
.
"ဒိုး....ထမင်းစားကြမယ်လေ...ဒီနေ့စောပြီး ပြန်လာတာ...ငြိမ်းရေ....ဒယ်ဒီနဲ့ထမင်းစားရအောင်"
YOU ARE READING
ဒိုးကလေး
Romanceနာကျင်မှုတွေဆိုတာ လူသားတိုင်းကြုံတွေ့ကြရတာပါ။ ဘယ်လိုစိတ်ခွန်အားနဲ့ဖြတ်ကျော်ခဲ့တာလဲဆိုတဲ့အရာက...အဆုံးသတ်ကို အဆုံးအဖြတ်ပေးပါလိမ့်မယ်။
