Unicode
ခေါက်ဆွဲကို ပြုတ်ပြီးအပေါ်တက်သွားတော့... အခန်းထဲမှာ ငြိမ်းကိုပုခုံးပေါ်ထမ်းပြီးချော့သိပ်နေတဲ့ သူ။
သူကလေ.... သူဘယ်လောက်အလုပ်များနေပါစေ... ငြိမ်းကိုလုပ်ပေးရမဲ့တာဝန်ကို မပျက်ကွက်ဘူး။
ပန်းကန်လေးကိုခုံပေါ်တင်ပြီး ငြိမ်းကိုကုတင်ပေါ်တင်ဖို့အဆင်သင့်လုပ်ပေးရသည်။
ထူးထူးဆန်းဆန်း ဒီညတော့ ငြိမ်း အေးအေးဆေးဆေးအိပ်သွားပြီပဲ။ ဒိုးနဲ့ဆို တစ်ခါမှ ပွေ့သိပ် ချီသိပ်လို့မရပါ။ ဖက်ပြီးသိပ်ပေးရတာ... ပြီးရင် နို့ကတောင်းစို့သေးတာ။ ငြိမ်းကသုံးနှစ်ကျော်ဆိုပေမဲ့ နို့မပြတ်သေးဘူး။ နို့မှုန့်တော့ မသောက်တော့တာကြာြပြီ။
ညဆို ပါပါးနို့.... ဒါကိုတော့ ဂါထာရွတ်သလိုရွတ်ပြီးမှ အိပ်တာ။ အင်း...ဒီညတော့သက်သာပြီ။
တွေးလို့မှ မဆုံးသေး... ကုတင်ပေါ်ချပေးတာနဲ့...ပါးစပ်ကနို့ကိုလိုက်ရှာနေသည်။ လက်တွေက လိုက်စမ်းသည်။
ဟယ်....ဒုက္ခပါပဲ...
ငြိမ်းဘေးမှာ လှဲချလိုက်ပြီး ဒိုး ဘာဆက်လုပ်ရမယ်မသိတော့... သူကလဲ ခုထိရပ်ကြည့်နေဆဲ။
.
.
.
"ဟို...ဟိုမှာ ခေါက်ဆွဲလေ...ယူပြီး စားလိုက်တော့နော်...ကျွန်တော် ငြိမ်းကို သိပ်ရမယ်...ဟို.. ကိုလင်းရိပ်အခန်းကို ပြန်တော့"
"အင်....အင်း..အင်း...ပြီးမှစားမယ်...သိပ်လေ...သိပ်ပါ...ကိုယ် ရေချိုးလိုက်ဦးမယ်"
ပြောပြီး ငြိမ်းကို စိတ်မချသလိုကြည့်နေသေးတာ။
တကယ်ပါဟယ်...အကြောရှည်တယ်... ငြိမ်းလက်တွေက ဒိုးရင်ဘက်တွေကိုစမ်းမိနေပြီ...စမ်းမိတာနဲ့ အင်္ကျီစကိုအတင်းဆွဲတော့သည်။
ကဲ...ကြွပါတော့...ငြိမ်းကတစ်မျိုး... ငြိမ်းရဲ့ မွေးသဖခင်ကျေးဇူးရှင်ကတစ်မျိုး... ဒိုးက..ဖရိုဖရဲနဲ့ ကုတင်ပေါ်မှာ ...ငြိမ်းက ဖမ်းဆွဲလို့မရတော့အသံထွက်လာတယ်။
"ပါပါး....နို့..နို့...ပါပါး...နို့... နို့...ပြွတ်"
ပါးစပ်ကစို့ပါစို့နေပြီ။
ဒိုး တစ်ကိုယ်လုံးရှက်ပြီး ပူထူနေတော့သည်။ အခု.... ဘာဆက်လုပ်ရမှာလဲ။
.
.
.
လင်းရိပ် နားမလည်နိုင်ခြင်းများစွာနဲ့ ကြောင်ကြည့်နေမိတာ...ကုတင်ပေါ်ကသားအဖကိုလေ။
အိပ်ပျော်နေတဲ့ ငြိမ်းက ဒိုးကိုအတင်းဖက်ပြီး နို့ တဲ့။
ဒိုးက နို့တိုက်လို့ရတယ်ပေါ့လေ။
ဒိုးက ယောကျားလေးမဟုတ်ဘူးလား။
သူ့သမီးကို ဒိုး နို့တိိုက်သလား။
နို့.... နို့ရော... ထွက်သလား....ဟာ့။
လင်းရိပ်တွေးရင်း ဒိန်းခနဲရင်ခုန်ကာလူကပူထူလာတော့သည်။
ဟုတ်တယ်... ကျုပ်လူပျိုဗျ။
.
.
.
YOU ARE READING
ဒိုးကလေး
Romanceနာကျင်မှုတွေဆိုတာ လူသားတိုင်းကြုံတွေ့ကြရတာပါ။ ဘယ်လိုစိတ်ခွန်အားနဲ့ဖြတ်ကျော်ခဲ့တာလဲဆိုတဲ့အရာက...အဆုံးသတ်ကို အဆုံးအဖြတ်ပေးပါလိမ့်မယ်။
