Unicode
ဒိုးတို့အိမ်ကိုပြန်ရောက်တော့.... ညနေ ခြောက်နာရီလောက်ရှိပြီ။
ဒိုးရဲ့ ဆေးစစ်တဲ့အဖြေတွေကို သိချင်နေတဲ့အန်တီ့ကိုလဲရှင်းပြရသေးတာ။
ခဏနားပြီး ညစာစားကြတယ်။
သူ.... မလာသေးဘူး။
ခြံထဲမှာလဲ သူ့ကားကိုမတွေ့ဘူး။
ပြန်မလာသေးတာပေါ့။
"တီလေး... လင်းရိပ်ပြန်မလာသေးဘူးလား"
"ပြန်မလာသေးဘူး သားငယ်... နောက်ကျမယ်လို့တော့ပြောတာပဲ"
အော်.... သူကဖြင့်အားတာမဟုတ်ဘဲနဲ့ ဆေးခန်းလိုက်မှာလေးဘာလေးလုပ်နေသေးတာ...အပိုတွေပေါ့။ ဒိုး တို့က နည်းနည်းမှောင်မှ ပြန်ရောက်လာကြတာဆိုတော့ သူ့ကိုအိမ်မှာရောက်နေပြီပဲထင်နေမိတာ။
ထမင်းစား...စကားလေးဘာလေး ပြောကြနဲ့ ဧည့်ခန်းမှာထိုင်ကြသေးတယ်။
မိသားစုဆုံချိန်ဆိုတာကလဲ ဒီအချိန်ပဲရှိတာကိုး။ အန်တီတို့က မိသားစုဆုံချိန်လေးတွေကိုတန်ဖိုးထားပြီး စကားပြောတာကိုအလေးထားကြတယ်။ ဒိုးလဲအတူနေထိုင်ရင်းသိလာရတာတွေပေါ့။ ဆိုင်အကြောင်း ကျောက်အကြောင်း ကမ္ဘာ့ရွှေစျေးတွေကအစ ကိုလင်းထည်ရဲ့ဆေးရုံကအကြောင်းတွေအဆုံးပေါ့... မရိုးအောင်ပြောကြတယ်။
ဒီအကျင့်လေးကလဲကောင်းတာပါပဲ။ မိသားစုတွေကချမ်းသာပြီး ကိုယ်စီအလုပ်များတာကြောင့် မိသားစုစကားဝိုင်းလေးသာမရှိရင် ကိုယ့်ကိစ္စကိုယ်လုပ်ရင်းစိမ်းသက်သွားကြမှာပေါ့။ နေ့တိုင်းမျှဝေစရာအကြောင်းတွေရှိရင် ရင်းနှီးနွေးထွေးတယ်လေ။ ဒါတောင် ဒီနေ့ သူမရှိဘူး။
အန်တီကတော့ ဒိုးကိုသိပ်ပြီးပင်ပန်းတာမလုပ်ဖို့နဲ့ စိတ်ကိုလဲပေါ့ပေါ့ပါးပါးထားဖို့ပဲပြောတယ်။ တကယ် ကျေးဇူးတင်ရပါတယ်။ လုံခြုံပြီး နွေးထွေးတဲ့မိသားစုပါ။ ဟန်ဆောင်တာမျိုးမရှိဘူး။ ဟိတ်ဟန်မရှိဘူး။ချမ်းသာတဲ့မိသားစုတွေကို အလိုလိုကြောက်တတ်တဲ့ ဒိုးတောင် ဒီအိမ်မှာနေသားကျပြီးပျော်နေပြီ။
.
.
.
ငြိမ်းနဲ့တူတူ အပေါ်ကိုတက်လာတော့ ရှစ်နာရီကျော်နေပြီ.... သူ ပြန်လာတာ မကြားရသေးဘူး။
ငြိမ်းအိပ်ပျော်ပြီး မကြာဘူး.... သူ ဒိုး အခန်းထဲကိုဝင်လာတယ်။ ရေချိုးပြီးနေတဲ့ပုံပါပဲ။
YOU ARE READING
ဒိုးကလေး
Romanceနာကျင်မှုတွေဆိုတာ လူသားတိုင်းကြုံတွေ့ကြရတာပါ။ ဘယ်လိုစိတ်ခွန်အားနဲ့ဖြတ်ကျော်ခဲ့တာလဲဆိုတဲ့အရာက...အဆုံးသတ်ကို အဆုံးအဖြတ်ပေးပါလိမ့်မယ်။
