Unicode
မဖြစ်နိုင်တာ....
လုံးဝလက်မခံနိုင်ပါ။
"ရပြီ... ဒီလိုစကားပြောမယ်ဆိုတာသိတယ်... ကျွန်တော်လက်မခံနိုင်ဘူးဆိုတာလဲ ခင်ဗျားသိမှာပေါ့"
ဒိုးက ငြိမ်းကိုတင်းကျပ်စွာပွေ့ရင်း ခပ်ပြတ်ပြတ်ပင်ငြင်းသည်။
သူသည်လဲ လွယ်လွယ်လက်လျှော့မည့်ပုံတော့မပေါ်ပါ။
"ဒိုး... ဒိုးသမီးက အမြဲ ဒိုးရဲ့သမီးပါပဲ... ကိုယ်တို့က ဒိုးတို့သားအဖကို စောင့်ရှောက်ချင်တာပါ... ဒိုးကမသိစေချင်ရင် ကိုယ် ကာကွယ်ပေးလို့ရတယ်... ဘယ်သူမှမသိအောင် ဘာမှမပြောဘဲနေလို့ရတယ်... ဒီတိုင်းနေမဲ့အစားလေ ငြိမ်းအတွက်ရော... ဒိုးအတွက်ပါ..."
"ပြန်တော့ဆို ပြန်တော့နော်... ခင်ဗျားနဲ့ဆက်မပြောချင်တော့ဘူး"
"ဒိုး... ကိုယ်ကတောင်းပန်နေတာ...လင်းရိပ်သိရင် တီလေးသိရင် မင်းအတွက်မကောင်းနိုင်ဘူး... ခုကိုယ်ပြောတာကို ဒိုးစဥ်းစားပေး.. နောက်တစ်ပတ်ပိတ်ရက် ကိုယ်ပြန်လာခဲ့မယ်... နော် ဒိုး"
လင်းထည်ကို ဘာမှပြန်မပြောပါ။
ငြိမ်းကိုချီပွေ့ပြီး တစ်ချက်နမ်းတော့ပြန်ဆွဲယူသည်။
ငြိမ်းကိုဖက်ထားရခြင်းက လင်းထည်အတွက် ခံစားချက်တစ်မျိုးဖြစ်စေသည်။
လင်းရိပ်သာဆိုရင်.... လင်းထည်နေရာမှာ လင်းရိပ်ဆိုရင်ရော ဘယ်လိုဖြစ်သွားနိုင်မလဲ တွေးရုံနဲ့ပင်ရင်တွေတလှပ်လှပ်ဖြစ်ရသည်။
.
.
.
ဒိုးတို့သားအဖကို နှုတ်ဆက်ပြီး ပြန်ခဲ့ရသည်။
ဒေါ်ရွှေဆိုသော အဒေါ်ကြီးကိုလဲ ဒိုးတို့ကိုစောင့်ရှောက်တာကျေးဇူးတင်ကြောင်းနှင့် ထပ်ပြီးဂရုစိုက်ပေးဖို့မှာခဲ့ရသည်။ ဒိုးနဲ့ငြိမ်းအတွက်လုံခြုံသောပတ်ဝန်းကျင်ဖြစ်နေတာကိုသာ အထပ်ထပ်ကျေးဇူးတင်ရပါသည်။
.
.
.
.
ဒိုးကို ဖျောင်းဖျဖို့အတွက် ပိတ်ရက်တိုင်း ဒိုးနဲ့ငြိမ်းရှိရာ တီလေးနဲ့ လင်းထည်လာခဲ့ကြရသည်။
ဒီတစ်ခေါက်နှင့်ဆိုလျှင် ဒိုးတို့သားအဖဆီလာခဲ့ကြတာ... ငါးပတ်မြောက်ခဲ့ပြီ။
တီလေးရဲ့ ငြိမ်းအပေါ်ထားတဲ့ စိတ်တွေကလည်းထိန်းမရအောင်ဖြစ်နေပြီ။
ဒိုးကလဲ ခေါင်းမာဆဲ။
ငြိမ်းကတော့ ပိတ်ရက်တိုင်းရောက်လာတတ်သည့် လင်းထည်နဲ့ တီလေးကို တိတ်တိတ်လေးမျှော်တတ်နေပြီ။
ငြိမ်းအတွက် အရုပ် မုန့် မရိုးရအောင်တစ်ပတ်တစ်ပတ်စားမကုန်အောင်ဝယ်လာတတ်တာကြောင့် ငြိမ်းက ကလေးပီပီပင်ပျော်နေရှာသည်။
သူ့ပါပါးစိတ်ဆိုးမှာကိုလဲ ထိုကလေးကသိသေးသည်။ ဒါကြောင့် မျှော်သာမျှောတာ ထုတ်မပြောတတ်။
YOU ARE READING
ဒိုးကလေး
Romanceနာကျင်မှုတွေဆိုတာ လူသားတိုင်းကြုံတွေ့ကြရတာပါ။ ဘယ်လိုစိတ်ခွန်အားနဲ့ဖြတ်ကျော်ခဲ့တာလဲဆိုတဲ့အရာက...အဆုံးသတ်ကို အဆုံးအဖြတ်ပေးပါလိမ့်မယ်။
