မူလကိုယ်ပိုင်ရှင်ဆုယောင်သည် အနုပညာလောကတွင် နာမည်ဆိုးနှင့် ကျော်ကြားသော မင်းသမီးတစ်ယောက်ဖြစ်လေသည်။ ဆင်းရဲသောမိသားစုတွင် မွေးဖွားလာသော်လည်း သူဌေးသမီးဟု နာမည်ခံကာ မိုးပေါ် မြေအောက် ပင်လယ်သမုဒ္ဒရာ နေရာတကာမှ ထွက်သမျှသော နာမည်ကြီးအစားအသောက်များကို စားပြကာ ပရိတ်သတ်များ၏ အာရုံကို ဖမ်းစားခဲ့လေသည်။ ပရိတ်သတ်များက အဖြစ်မှန်အား သိသွားသောအခါတွင်မူ လှောင်ရယ်ခြင်းနှင့် အပြင်းအထန်ဝေဖန်ခြင်းများကို ခံခဲ့ရလေသည်။
ထိုအချိန်မှာပင် ကားတိုက်မှုတစ်ခုအား ကြုံတွေ့ခဲ့ရပြီး ဆုယောင်သည် မူလကိုယ်၏ ခန္ဓာထဲသို့ ရောက်လာခဲ့လေသည်။ ဆုယောင်သည် အသက်သုံးနှစ်ကပင် အသီးအရွက်များကို လှီးချွတ်တတ်ကာ အသက်ခြောက်နှစ်တွင် မီးဖိုချောင်သို့ စဝင်နေပြီဖြစ်လေသည်မို့ သူမ၏ ဟင်းချက်စွမ်းရည်က စံတင်စရာပင်။
ဆုယောင်သည် ဤခန္ဓာကိုယ်ထဲသို့ ဝင်ရောက်လာချိန်တွင် သူမသည် " ချိုချို ငန်ငန် စပ်စပ်လေး " ရသစုံရှိုးတွင် ပါဝင်နေသည်ဖြစ်ပြီး ပြိုင်ပွဲဝင်တစ်ယောက်၏ ဟင်းပွဲကို ဝေဖန်ကာ သူမကိုယ်တိုင် ဟင်းချက်ပြခဲ့လေသည်။ မထင်မှတ်ဘဲ ရှိုးက အလွန်ပင်အောင်မြင်သွားခဲ့ပြီး " ငယ်ရွယ်မှု၏ လမ်း" ဟူသော ရှိုးတွင် ထပ်မံပါဝင်ခဲ့လေသည်။ ထိုရှိုးတွင် လူတစ်ယောက်၏ ဆင်းရဲချမ်းသာသံသရာကို ဖော်ထုတ်ပြသခဲ့ပြီး ပရိတ်သတ်များ၏ နှလုံးသားကို ပြန်လည်သိမ်းပိုက်ခဲ့လေသည်။
ထို့နောက်တွင်မူ " ကွာရှင်းဖို့အတွက် ရက်သုံးဆယ်" အိမ်ထောင်ရေး ရသစုံရှိုးတွင် ပါဝင်ခဲ့ပြီး ကြီးကြီးငယ်ငယ် အရွယ်သုံးပါးမရွေး ပရိတ်သတ်များကို သိမ်းပိုက်ခဲ့လေသည်။ ထို့နောက်တွင်မူ. များစွာသော အချက်အပြုတ် ရသစုံရှိုးများတွင် ပါဝင်ကာ ရွှေအဆင့် အနုပညာရှင်တစ်ယောက် ဖြစ်လာခဲ့လေသည်။ အချက်အပြုတ် ရုပ်ရှင်ပေါင်းများစွာကိုလည်း ရိုက်ကူးခဲ့ပြီး ပရိတ်သတ်များ၏ စားချင်စိတ်ကို အလှုံဆော်ပေးနိုင်ဆုံးသူ တစ်ယောက်ဖြစ်လာခဲ့လေသည် ။ အဆုံးသတ်တွင်မူ ချစ်သူတစ်ယောက်ရလာခဲ့ပြီး.....................................
