🦋جعلوني زوجة له 🦋 (مكتملة )

part 1

💎جعلوني زوجة له💎
بقلم✏️اميمية شكري❤️صفاء معيرق
جزء 1
****:اهااه وانا اش غاادي يبقى لي ملي غاادي نعطيك هاادشي كامل 🙄
اﻷم:لبوطة لكبيرة خوات،عاد ثلاجة حتى هي ولات كتصفر وخوك تقادا ليه ليكوش ولحليب وهدشي كولو وباقا كتهضري
****(شافت فيها بتعجب وحطات يدها بجوج علي خصرها) :يا اختي واناا مالي يتقادى ليكوش يتقادى لحليب انااا مالي،يكما والداه ومفراسيش كولي لراجلك يجيب ليكوش ولحليب لولدو ماشي (كتهضر وتشير بيديها) شي يتبومبا فوق فوق نموسية وشي يكبرو ويصرف عليه حادكين غار فلغوات من ليل اليل)(هزات تيليفونها كتلعب بيه) لولد شي خرا يقد بيه😤
اﻷم:لله يقلل حيااك ابنت لحرام وااش مكاتحشميش راني مك وهداك لكتدوي عليه راه باك
****(شناهوا) نوضي اختي على سلامتك لهلى يحييه حتى يكون با هههه كاليك با😑
اﻷم:هاي هاي على لهلا يحييه حتى يكون با بقا ليك غير تقولي لي با بزاف على جعفر فحال الى ماعارفاش باك شنو دار في ياك هرب وسمح فينا ونتي عندك عامين وجعفر هو للقينا هزنا ووصلك وقراك حتى وصلتي لهادشي لنتي فيه ودابا راه ولا واجب عليك تردي ليه هداكشي لدار على قبلك
****:نرد ليه هداكشي لدار على قبلي شنو ظهر ليك نرد ليه لعصا لكان كيعطيني حيث هادي هي لحاجة لوحيدة لعاقلة عليها جات منو لي(بستهزاء) ولا تحرش تاهو😏
اﻷم(سدات ليها فمها) :سكتي غتشوهينا ولاايني راك واحد بنت لحرام مقطرة كتعضي يد لتمدات ليك سنين هادي
تحل لباب وتما خارج واحد راجل غليظ وجهو خايب عريان من لفوق
جعفر:خلييها هادشي هو لكنستاهل انا،ولكن راه كيقولوها لدار لخير كيرجع ليه ببومزوي
****:الخير مادرتيه حتى فراسك بقا ديرو في غير انا 😏
اﻷم:بلا قوة لهضرة عطيني باش نعمر لبوطة وباش نشري لخوك ليكوش والحليب
****(هزات يدها السماء وغوتات) ماعنديش
اﻵم:كتكذبي علي؛ياك لبارح عاد تخلصتي ولا بلاتي ياكما عطيتيهم لهداك لبيطالي ديال منير
****:مااشي سووقك نعطيهم ليه نلوحهم فزبل ماشي سوقك هادو كيبقاو فلوسي نعطيهم لمن بغيت(حلات لباب تمات خارجة)
اﻷم:سييرري بغييت لييك مصيبة ياابنت لحرام ،طالعة لهداك لمجدام ديال باك فحالك فحالو لله يلكييها ليك
سمعت كلامها وكمدتو فقلبي وكملت طريقي لخدمة هادي هي حياتي تقريبا كل صباح كنخرج على نكير ودعوات مي لي بلمصايب وبلكسايد ،هادي انا سميتي فدوى فعمري 23 عام فرملية فواحد لكلينيك،مي سميتها رقية مرا صعيبة ومكاتفاهمش وبا 😕 مااعرفاش سميتو لكنعقل عليه هو انه من نهار حليت عيني فدنيا مي قالت لي بلي با هرب وخلانا وانا ماسولتهاش لا علاش ولا كيفاش وماسولتهاش حتى على سميتو وكملت حياتي عادي،مي تزوجت بجعفر وانا عندي تلت سنين نضرة لوحيدة لعندي عليه هو انه شرير وشمكار ومكانحملش فيه شعرة ملي كنت صغيرة وهو حاكر عل�
وصلت لكلينيك  فين خدامة لهو معروف فلبلاد و كبير وكيجيو ليه غير شكون وشكون وفيه اطباء ماهرين ومعروفين الزرجة الناس من برا كيجيو عندهم.... هتقولو كيفاش خدمت فيه صراحة حتى انا ماعرفتش حطيت سيفي ديالي غير بضحك وعيطو لي جيت خدمت وهادي تقريبا عام باش خدمت فيه ومرتاحة بزاف فخدمتي واخا تمارة ولاكين الحمد الله عمر طرف دلخبز كان ساهل
لماجورة:هييي اش هاد تعطيلة
فدوى:راك عارفة طريق وطوبيس ماجا غير بزز
زدت وخليتها دخلت لشومبر فين كنبدلو لبست حوايج ديال لخدمة وخرجت وهي تجي عندي واحد لبنت خدامة معايا جات لعندي فرملية:عرفتي اليومم شكون جاا هنا
فدوى:شكون???
فرملية:عائلة أرسلان
فدوى: شكوون هادو!
فرملية:اوويلي مكاتعرفيش عائلة ارسلان عائلة معروفة اصحبتي هنا كون شفتي اوطيلات لكاينين فانفا تقريبا كلهم ديالهم وهوما كيتعتابرو ثاني عائلة غنية فالمغرب
فدوى:اهااه 😕،ايوا شنو جاو كيديرو عندنا هنا
فرملية:ولدهم صغير فيه لكونسير ،لله يستر شحال هادي كان عندو فرجليه وقطعوهم ليه ودابا رجع ليه وجابوه ليه قطعو ليه طرف من فخاضو عوتاني
فدوي:مسكين بقا في وكيف بقا دابا
فرملية:ماعرفتش راه بااقي فلبلوك
لماجورة:(جات)نتووما باقين هناا وحدة فيكم تنزل لبلوك ،اطباء عندهم نقص فلفرمليات
فرملية:انا عفيني عييت
فدوي:هننزل انا
مشيت طلعت فاسانسور ونزلت غادة لبلوك وهوما يبانو لي تقريبا ربعة ناس واقفين باين على وجههم القلق والخوف وفنفس الوقت باين عليهم ثراء ملي دزت بقاو كيشوفو في وركت على لبوطونة ودخلت لبلوك كان اطباء واقفين كلهم دم والمريض متكي فوق لبايانص دايرين ليه اكسجين على نيفو ورجليه مقطعين
طبيب:يالاه طفات عليك شمعة حتى سالينا
فدوى:انا يالاه جيت ادكتور
طبيب:العملية سالات والمريض بدا كيفيق جمعي دنيا وبقاي هنا حتى يفيق المريض وانا هنسيفط ليك لفرمليات يعاونوك
فدوى:واخا ادكتور

خرج طبيب وبقيت انا بوحدي تما هزيت ادوات بديت كنمسح وكنعمق فيهم ودخلو لفرمليات لاخرين
لفرملية 1:شووفو راه بدا كيفيق بدا كيحل فعينيه
لفرملية 2:انا هنخرج نقولها ليهم باش يجيو يهزوه من هنا يطلعوه لشومبر ديالو (خرجات)
فرملية 1:وانا هنمشي ندي هادو لبلايصهم
فدوى:واخا
خرجو وانا درت شفت فلولد لمتكي فوق لبايانص زوين بزاف غير هو ضعيف باينة المرض ماخلا فيه والو حل عينيه مزيان وشاف فسقف ونزلات دمعة من عينو طاحت جنب قلبي تهز فديك لحظة بدون شعور مشيت شديت فيديه
فدوى(بدون شعور بتاسمات وعينيها مغرغرين) :كلشي هيفوت تيقني غار خلي ايمانك قوي ودي تيقتك فالله
بقا كيشوفيا وهو يبتاسم
فدوى:ضحكتك زوينة بزاف وحتى نتا زوين هه اكيد هتكون مطير عقل لبنات
ضحك ورجع غمض عينيه وانا طلقت من يديه
مع 6 ديال العشية
كملت خدمتي وخرجت وكيف العادة مشيت لجنب لبحر فين كان  منير جالس هو وصاحبتي انتيم غزلان
فدوى:عيييو
غزلان:على سلاامة مالك تعطلتي
فدوي:غير خلييها على لله لخدمة ليوم كانت كثيرة ؛حياتي
منير:(ناض باسني فحنكي)توحشتك بزاف
فدوى:حتى انا
جلسنا كناكلو فالخبز فيه طون بالحرور
فدوى:اش درتي ف les entretiens لعندك اليوم
منير:اش هندير فييهم حتى نتي كلهم كيقولو نفس لهضرة سير حتى نعيطو ليك
فدوي:دابا لله يفكها من عندو
غزلان:فهاد الوقت صعيب تلقى خدمة بلا معرفة راكم عارفين
فدوى:(بنفاد صبر) لا اختي زيدي زيدي كملي الباهية وقولي ليه راه ازمة ولخدمة ماكايناش وزيد وزيدي وركي على جرحة حنا عارفين بلي فهاد لوقت لخدمة بالمعرفة ولكن حنا فين هنلقاو هاد المعرفة ممكن تقولي لي،المعرفة لوحيدة لكانت عندنا هي نتي ولكن مابغيتيش
غزلان:ماشي مابغيتش غير هو بابا مابغاش يدخل فهاد الموضوع خاصة ان منير مكايجيه والو
فدوى:كتدوي فحال الى ماعارفاكش كون بغيتي تقنعي باباك يدوي مع هداك راجل لخدام عندو كون قنعتيه ولكن رجا فالله
غزلان:داابا مالنا على حشيان الهضرة زعما انا منسواش والا
فدوى:اناا ماقلتش هاادشي
غزلان:ولكن لمحتي لي عرفتي شنو انا هنوض نمشي فحالي اصلا زوج مصاحبين كيبغيو بعضياتهم انا شنوو كندير بيناتهم (ناضت مشات)
منير:هانتي قلقتيها
فدوي:ماتخافش انا عارفة كيفاش هنصالحها ودابا خلينا فينا حنا شفتك شحال هادي ماقلتي لي شي كلمة زوينة
منير:فدوى ماشي وقتو
فدوى:ماشي سوقي هتقوليا دابا هداك لكلام لمولف كتقولو لي
منير :وخا الالا
بدا منير كيقوليا شعر ولكلام ديال لغزل  ومن بعد درنا شي بيسات ماشي شي حاجة هه غير شي حاجة خفيفة وطلعنا لدرب اصلا حنا ولاد درب واحد وحتى غزلان بنت دربنا دار اونفاس مع دار دخلت لدارنا لقيت مي جالسة كيف عزرائيل
رقية:على سلاامة،شحاال ساعة دابا
فدوى:لله يسلمك،9.30 دابا
رقية:وكتقوليها بوجهك حمر ،فين كنتي، كنتي مع هداك لمسمقل ديال منير
فدوى:راسي ضارني واليوم ضليت نجري فالخدمة عيانة مافي ليتجابد معاك
رقية:هداك منير راه كيضحك عليك ماغاديش يتزوج بيك غادي غير يتفلى عليك ويلوحك عقلي على كلاامي مزيان