🦋جعلوني زوجة له 🦋 (مكتملة )

part61

💎جعلوني زوجة له💎
جزء 61
🎀عند ابطال ديالنا 🎀
طااااح ضلام ووصل لقمان الدار.... حط
طونوبيل فلباب ودخل كيسرح فعينيه بانو ليه اجواء هادئة وصقيل فدار.... ضرب على كوزينة مالقاش فدوى كيف عادتها موجدة ليه الماكلة ماتسوقش طلع البيت مابانتش ليه فدوى ستغرب حيد جاكيط معجب كيفاش وهي مولفا ليها مكتغبرش ومعندها فين تمشي قلب دوش وداز حتى لدريسينغ بانو ليها حوايجها مكينينش هنا صعر وطلع حاجبو وهبط كيعيط بلغوات فدروج حتى وصل البيت لتحت تسمع صوت الموسقى خافت وهو يزيد يصعر حل الباب بجهد حتى تزدح مع الحيط... كانت فدوى لابسة ومشيكة وصابغة ضفران ديال يديها
وجالسة كتصبغ فرجليها غير شافتو ناضت قافزة وتكبات ليها صباغة فوق الفراش
لقمان:(كيغوت) اش كديري نتي هنا
فدوى:(كتشوف فضفارها لمصبوغين وكتسوط عليهم)كيفاش اش كندير هنا جالسة فبيتي ناشطة مع راساتي ولبغا يربح العام الطويل
لقمان:سولتك جاوبيني على قد سؤال ،لاش هبطتي هنا بيتك لفوق وبلاصتك حدايا
فدوى:(طلعات حاجبها)صباح كنضن كلامي كان واضح ليك قلت ليك بلي انا مابقيتش مزال هنخليك تقرب لي ولا تنعس حدايا صافي سالينا

دار خطوة وحدة وهو يوقف حداها نار كتخرج من عينيه وكيسوط
.... جرها من كتفها قربها لعندو ونفسو كتضرب سخونة فيها..... ستنشق ريحة العطر ديالها لغراتو وباخص انها كانت مقادة ومشيكة والمفاتن وانوثة ديالها باينين ماقدرش يقاومها تهدن وهو كيشوف فلمعة لفعينيها وحتى هي فلحظة دابت فلون عينيه ولكن دغيا هاد لحظة تلاشات ملي تفكرات لكلام لقالو ليها واشنو دار فيها
قرب يبوسها وهي ترجع راسها لور
لقمان:ماالك
فدوى:راك عارف مالي قلت ليك ماتقربش لي يعني ماتقربش
لقمان:(كنزز على سنانو)ماتنسايش راك مرتي وبلاصتك حدايا ففراشي
فدوى:(كتشوف ليه فعينيه بتحدي) انا ماشي مونيكة ديالك هتخوي فيها لكبث ديالك وقت لبغيتي وتمشي، سير لعب ليك مع دوك لمدلولات لتابعينيك اما انا فراه بزاف عليك وعليهم
لقمان:(كيتجنب هضرتها ومركز فشفايفها) متبقايش تحدايني وتجنبي لعب معايا افدوى ماتقصحيش راسك(بغا يبوسها)
فدوى:(دفعاتو)رااه دويت ماتبقاش تقرب لي(كتغوت وكتشوف فيه باشمئزاز) مابقيتش قاردة نتخيل راسي مع واحد قتال ،كرهت راسي ودنيا حيت خليتك تقيصني واحد نهار
لقمان:(شدها من شعرها) سمعي مزيااااان اش هنقوليك انا صبرت ليك بزاف ولكن نتي عاد مازدتي فيه ،عنداك يصحاب ليك واكل راسي باش نقرب ليك ولا باش نشوف لحمك انا الى كنت باغي ننعس معاك فراه غير على قبل حاجتي لهوما لولاد
فدوى:(كتنهج) عمرك تحمل تجيب مني لولاد حيت مستحيل نقبل اب فحالك ليهم ،انا غادي نتحرر منك غير تسنى طال زمان ولاقصار غادي نتهنى منك وهنرتاح
لقمان:(طلقها وطول فيها شوفة)بعد لمرات كنقول هاد لبنت واخا مبرهشة ولكن عندها العقل باش تفكر ولكن من بعد دغيا كنكتاشف بلي فهداك العقل عندك خرية حيث كون كان عندك العقل ماكنتيش هتقولي هاد لهضرة فوجهي (بتاسم)واش نتي باغا تشوفي وجهي لاخور اليوم
فدوي:ااه باغا نشوفو يالاه ورييني اش هدير في باغي ضربني يالاه ضربني وريني حنة يديك (دفلات عليه) تفووووو كنكرهك المجرم كنكرهك نتا حمق وقتال وانا حمقة كثر منك حيث درت فيك راسي وبغييتك
مسح وجهو وهز عينيه فيها وجمعها معاها بتصرفيقة هبط شوية ديال دم من فمها وترسمات يدووو فحنكها
لقمان:انا غادي نوريك هاد لحمق ولمسطي  القحبة اش كيسوى
جرها من شعرها وزير عليها وتما جارهااا وهي كتداافع معاه وشادة فليد لفشعرها كتحاول تفك منو ... شدات فلباب باش ماتمشيش معاه ووالو حاكم فيها جرها على حر جهدو وتما غادي بيها شوية عينيها لمحات فاز حداها هزاتو وعطاتو ليه لراس وطلعات كتجري البيت لفوق سورتات لباب وبدات كتقلب على شي حاجة تفكها منو وهو طلع من وراها كيجري بان ليه باب مسدود ركلة وحدة فركعو وهي تبان ليه فدوى هازة فردي ديالو حاطاه على راسها كلها كترعد وكتبكي تكوانسا فبلاصتو ومقدش يزيد مزال عندها
فدوى:اهئ اهئ صااافي عيييت منك ومن مشاكيلك ومن لحكرة ديالك لي صاافي باراكا انا عيييت اهئ اهئ(بغا يقرب ليها) حدك تماك تزيد خطوة وحدة غادي نقتل راسي
لقمان:حطي هداكشي من يديك راك ماشي قدو،وزيدون نتي راك عارفة مصير كل واحد كينتاحر عند ربي
فدوى:كيف ماكان ربي هيرحمني ماشي فحالك نتا مافقلبك لا رحمة لا شفقة، انا صاافي عييت منك، عمري مهانسمح ليك دنوبي ديما هيبقاو تابعينك هاانتا هتشوف سيدي ربي مكيعطلش ظالم لفحالك
لقمان:(ميل راسو)عرفتوو شنوو
فدوى:😭😭
لقمان:قتلي راسك وهنيني حيث كيبان لي الى ماقتلتيش راسك هنق  تلك انا
اصبحنا واصبح الملك الله🌥️
طرن طرن طرن طرن📱
َكان ناعس على كرشو وخاشي راسو مابين خدادي..... سمع تيليفون مد يدو هزو وشاف شكون وهو حال عين واخرى سادها وعاقد غوباشتو
لقمان:اش كاين
لينا:هتعرف منين هتشجعل ديك تلفازة وتشوف كاع قنوات اش كيقولو
قطع بلا ما يجاوبها وناض كيتكسل ويتفوه بشوية عليه.... هز ريموت وشعل تلفازة دار اخبااار📺