🦋جعلوني زوجة له 🦋 (مكتملة )

part156

💎جعلوني زوجة له💎
جزء 156

لحاج:(فاق من نعاس)الووو

لقمان:الحاج كتسمعني

لحاج:اييه كنسمعك مااالك وااش وااقعة شي حاجة

لقمان:عقلتي على لبلان ديال الورد لكتلقى فدوى فدار كنت قلت ليك بلي انا غير كنحاول نتلف فدوى ونبين ليها بلي الموضوع عادي واخا انا حاس بشي إن تما

لحاج:اشش وقع

لقمان:اليوم فدوى رجعات لدار لقات لورد حمر فوق ناموسية وخرج شي حد من الحمام خلعها هادشي على جاها الوجع

الحاج:اشش كتقوول

لقمان:كيفماا سمعتي ،الحاج واش نتا باقي عندك مشكل مع شي حد

الحاج:مااعندي مشكل مع حتى شي وااحد

لقمان:وهاادوك لعلى برا زعما مايكونوش هوما

الحاج:ماايديروهاش كيخافو منك،بلاتي بلاتي الياس ولد زروال مات ياك

لقمان:اشش فكرك في

الحاج:جااوبني وااش مات

لقمان:ماات وانا لدفنتو بيدي

الحاج:متأكد؟؟؟؟

لقمان:الحاج لله يرحم باك ماتشككنيش فراسي واش انا شديتو طويتو على زوج وكتسولني واش مات

الحاج:الى ماااكانش هو إذا شكوون

لقمان:ماا

سكت لقمان حيث شاف لفرمليات غادين كيجريو جهة لقسم لكيحطو فيه ليبيبي ينعسو داز من حدا لقمان واحد سيكيريتي وهو يشدو

لقمان:اشش وااقع

رجل:شي واحد من لبيبي لكاانو فشومبر تهز

لقمان:(قلبو كيضرب) شكوون ولد من واش ولدي؟؟

ماجاوبوش راجل مشا لقمان كيجري دخل لشومبر لقا لفرمليات واقفين ولكونة ديال واحد من لبيبي خاوية قرب لقمان للكونة بانت ليه سمية ولدو معلقة فجنب لكونة قلبو تهز من بلاصتو

لقمان:و وااش ولدي

لفرملية:لااا اسيدي مااشي ولدك ،ولدك هااهو (شارت لواحد لكونة)

مشا لقمان بزربة طل على لبيبي لقاه ولدو وهو يهزو حطو على صدرو

لقمان:اففف الحمد لله

فرملية:انا بالغلط بدلت بين لكونة ديال ولدك ولكونة ديال لولد لتهز

سكت لقمان وطول فيها شوفة وفهم بلي هاد المرة غير القدر لعب لعبتو اما ولدو لكان مقصود يتهز خرج لقمان وجاو عائلة لبيبي لتهز بدات الأم كتغوت وتبكي وكاع امهات لكانو ناعسين فاقو
حل لقمان لباب ودخل لعند فدوى لفايقة مخلوعة

فدوى:لقماان،اشش واقع!!!! وعلاااش جبتي ولدي لهنا ياك لفرملية داتو ينعس

لقمان:(مد ليها لولد) واااياك تحطيه من يديك وااياك