🦋جعلوني زوجة له 🦋 (مكتملة )

part11

💎جعلوني زوجة له💎
جزء 11
جنان:داوية على ختك سوسن وراجلها كيديرو مافجهدهم باش يبانو مثاليين قدام باباك باش يعطيهم منصب رئيس مجلس ادارة وباش يسلمهم امور لعائلة ولكن هادشي عمرهم مهايحلمو بيه انا ماجريتش على لقمان من هنا باش ختك تاخود بلاصتو انا جريت عليه باش نتا تكون هو لول فلعائلة واش فهمتي
سليم:(الصمت)
جنان:اناا من نهاار دخلت لهاد لعائلة حلفت حتى نرد ليك اعتبارك لضايع منك وانا مستعدة نضحي بلغالي ونفيس باش نحقق هادشي
#عند_فدوى
كنت  متكية فوق ناموسيتي كندوي مع آدم
آدم:عجبووك لحوايج لصورت ليك
فدوى:ااه عجبوني ماكانش على ماماك تعدب راسها
ادم:ايناا عذاب شي لجابوه قليل فحقك انا كون جات علي نغطيك من راسك حتى لرجليك بدياموند حيث نتي دياموند
فدوى:هههه من دابا بدينا بهاد لهضرة
ادم:وبااقي ماشفتي والو
فدوى:ايووا ورييني شونتيوو دابا
ادم:دابا داابا
فدوى:اييه ولا ياكما حشمتي
ادم:ههه نحشم أخير وااحد نحشم منوو هو نتي
فدوى:يااك
ادم:اييهه ،فدوى قولي لي امتى بغيتي نديرو لاكط
فدوى:وقتماا بغيتي
ادم:غدا الخطبة بعد غدا وجدي وراقك
فدوى:وراق ديال واجدين
ادم:كيفااش واجدين
فدوى:واش ناسي بلي فأخير مرة انا كنت هنتزوج ووراق ديال زواج كاملين جمعتهم
ادم:امم فهمت ااا فدوى بغييت نسولك
فدوى:سول
ادم:كيفبقيتي من شي لوقع
فدوى:(تنهدت)بقييت عادي حتى حاجة ماتبدلات انا باقا هي هي
ادم:بصح باقا نتي هي نتي ولكن قلبك مكسور
فدوى:بصح مكسور وطامعة فييك نتا تصلحو وتردو كيف كان
ادم:انشاءلله
فدوى:انشاءلله ،يالاه ادم انا هننعس دابا حتى لغدا وندويو
ادم:وااخا احياتي رتاحي،كنبغيك بزاف
فدوى:تصبح على خير (قطعت)
قطعت وجريت علي لمانطا وجلست كنفكر فحياتي وفزواجي من ادم وفواش هاد القرار لخديت صحيح انا مكانبغيش ادم كيفاش هنعيش معاه وكيفاش هنتقرب منو بزاف ديال افكار وتساؤلات كيدورو فبالي ولكن ماقادراش نجاوب عليهم
يوم_غد
كنت فلحمام خارجة من سخون لابسة بينوار وفوطة شادة بيها شعر خدت صاك جبدت حوايجي وبديت كنشف فشعري وبصدفة تمات غزلان داخلة ماشفتهاش فاﻷول حتى سمعت لكسالة كترحب بيها درت شفت فيها لعافية شعلات في
لكسالة:مرحبا مرحبا بلعروسة ديالنا لالا غزلان
غزلان:ههه ترحب بيك جنة ،امضرا لحمام عامر ولا خاوي
لكسالة:ليووم لحد ومعلومك دنيا كتكون شوية عامرة
فدوى:مبرووك مادرتي اصحيبتي
غزلان:ااه نتتي هنا وانا كنقول مال لحمام ريحتو فشكل
فدوى:(كندهن فلكريم) هههه ريحتو فشكل كتقصدي فيه ريحة لورد ولعطور ياك خلينا من هادشي وقولي لي كيف جاك زواج انشاءلله كلشي داز بيخير
غزلان:كلشي بيخير الحمد لله انا وراجلي منير عايشين سعادة اه فراسك واحد الحاجة منير اليوم بدا الخدمة فواحد شركة
فدوى:مزيان مزيان لله يسهل عليه وعليك ولله يكمل عليكم بيخير
درت وكملت لبيس حوايجي ساليت وتميت خارجة
غزلان:بلااتي راك نسيتي قرعة شمبوان ديالك
فدوى:لا مابغيتوش راه غير شايط علي خوديه راك مولفة بشياطة ديالي
غزلان:(ضربات بشمبوان مع اﻷرض)قحبة
ماجاوبتهاش هزيت سطولتي وخرجت مشيت لعند لكوافورة كانت ساعة تقريبا شي 5
لكوافورة:اهلاا زيين غبورات هادي
فدوى:ااه غبورات كيفدايرة لباس
كوافورة:لباس
فدوى:جيت لعندك ليوم باش تصايبي لي شي مشيطة تكون خفيفة
كوافورة:ومابغيتيش ندير ليك ماكياج
فدوى:لماكياج؟هه حتى نكون ماعارفاش ماكياجك عاد نعطيك كمارتي تخربقي فيها أخير مرة جيت عندك باش ديري لي لماكياج درتي لي لخضر فوق عيني خرجت من هنا كيف جنية
لكوافورة؛لله يسمح ليك وخلاص ،فدوى بغيت نسولك
فدوى:سولي
لكوافورة:واش بصح عندك الخطبة ليووم
فدوى:ههه شكون قالها ليك
لكوافورة:سعدية طيابة ماخلات لمن قالتها وحتى واحد صراحة ماتيق
فدوى:لاا غير تيقو ليوم هتشوفو بعينيكم ناس لهيجيو يخطبو في وديك ساعة لسميتها مرا تحل علي فمها 😏
#عند_آدم
رجاء:آدم ولدي مالك
ادم:(كيتوجع)امم والو
سوسن:كيفاش والو ونتا وجهك حمر وكلك عرق
ادم:كيضرني ضهري
رجاء:وااش خديتي دواك
ادم:نسييتو
رجاء:وااش دوا كيتنسى ا ادم
سوسن:هنمشي نعيط لطبيب
رجاء:وااخا
ادم:ماكاين لاش واش ناسين بلي حنا مزال هنمشيو نخطبو فدوى
سوسن:هذا ماشي وقت لخطبة شوف حالتك راك مريض
ادم:ماما اناا بيخير ماكاين لاش لهاد المبالغة واخا نتوما هتمشيو تخطبو لي
رجاء:واخا اولدي ولكن عندي شرط
ادم:لهو
رجاء:ماكاين لاش تمشي معانا هنعيطو لطبيب يجي يشوفك ومن بعد خاصك ترتاح
ادم:صافي واخا انا هنعيط فدوى نقولها ليها
#عند فدوى
كانت  واقفة قدام لمرايا لابسة قميص بيض ديال جوهرة كتقاد فلماكياج صونا تيلي وهي تجاوب
فدوى:ويي ادم
ادم:حبيبة سمحيلي مهانقدرش نجي
فدوى:😲 شنو
ادم:فلحظة مرضت وضرني ضهري وجا لعندي طبيب
فدوى:وكييف بقيتي دابا
ادم:بيخير الحمد لله خاص غير نرتاح
فدوى:واش تبغيني نجي لعندك
ادم:لاا حيث عائلتي كيوجدو جايين لعندك
فدوى:واش هيجيو بلاا بيك
ادم:اه ياكما ماماك هيكون عندها شي مشكل الى ماجيتش
فدوى:لاا ايناا مشكل هيكون لمهم هو صحتك
ادم:تمنيت نكون معاك ففحال هاد نهار ولكن صحتي دارتها بي
فدوى:الى ماكنتش معايا اليوم هنكون معاك غدا
ادم:كنبغيك بزاف كثر من اي حاجة فدنيا
فدوى:(بدلات لموضوع)عائلتك معاش هيجيو
ادم:هاهوما خارجين دابا
فدوى:صافي انا هنكمل توجاد راسي
ادم:ممكن طلب
فدوى:طلب
ادم:صوري لي راسك وسيفطي لي
فدوى:ههه واخا يالاه انا هنقطع ماما داخلة
ادم:واخا حتى لمن بعد وندويو
فدوى:واخا
قطعت على ادم ودرت شفت فماما لكانت مخنزرة وطالع ليها دم
رقية:هادو شفتهم تعطلو فيين هوما
فدوى:هاهوما جايين فطريق، ادم ماجايش معاهم حيث مريض
رقية:باش تعرفي لله كيبغيك مهايجيش كنت واكلة لهم لايشوفوه جيران وتولي شفاية على لسان ليسوى وليمايسواش
فدوى:قلتي نولي شغاية انا راني شفاية بلا ادم اماما ونتي عارفة هادشي انا راه خاص نبوس يدي من لور ولقدام للقيت ادم قابل يتزوج بي اما كون راه مايشوفيا حتى شي حد
بقات كتشوفيا رقية وخرجات وانا درت شفت فلمرايا كملت ماكياجي وتصورت وسيفطت تصاور ادم.
دازت نص ساعة وهوما يجيو عائلة ادم نزلو من طوموبيل وانا طليت عليهم من شرجم بانو لي يديهم عامرين وكلشي كيطل عليهم من شراجم كيبرككو فيهم باينة عرفوهم لباس عليهم غير من  شكلهم ومن طوموبيلاتهم ،سليم كان فالمقدمة هاز لورد وكيبان فحال شي عريس وهيكونو قالو بلي هو لعريس بحكم انه شاب لوحيد لجا معاهم ،لمهم دخلو لدار رحبات بيهم رقية هي وجعفر ماقصروش معاهم عاد لماكلة لكانت واعرة لمهم ماخليتش ليهم فين يحلو فمهم
مسعود:سي جعفر بصفتك اﻷب ديال فدوى حنا جينا لعندكم طالبين راغبين فيد بنتك فدوى لولدنا آدم على سنة لله ورسوله
جعفر:اشش غادي نقوليكم فدوى انا ماشي باها ولكن ربيتها وكنعتابرها بنتي ،نتوما ناس معدنكم باين من وجهكم وانا مابغيتش نردها فوجهكم غير هو ففحال هادشي ضروري مانسولو لبنت واش قابلة ولا لا ،بنتي فدوى نتي اش كتقولي فهادشي لقالو ناس واش نتي قابلة تزوجي بولدهم
فدوى:(مسنطحة وبكل ثقة)ااه قابلة
مسعود:سي جعفر نقراو الفاتحة
جعفر:نقراو
هزو يديهم وبداو كيقراو لفاتحة وانا هزيت يدي لثقالو علي،حسيت بالخنقة يمكن حيث يالاه حسيت بخطورة القرار لخديت.
انسان واخا يكون كيتعاطف ويكون كيراعي لمشاعر لاخر خاصو يكون حاط نفسو فالمرتبة لولا يعني يتعاطف مع راسو هو اﻷول ويراعي لمشاعرو هو اﻷول عاد يشوف ناس ،فدوى فديك لحظة جات صورة ادم قدامها ماعندوش رجلين مريض وسرطان كياكل منو غير بشوية بشوية غدا ولا بعدو يموت شنو المصير ديالها؟شنو هيوقع؟ يمكن تقولو هادي يالاه بان ليها هادشي فين كان عقلها ملي قالت اه لادم قابلة نتزوج بيك ولكن عدروها هي انسانة مجروحة وضربات لتعرضات ليهم كانو قراب وأثرو عليها هي فحال هداك لبنادم لكان غادي فنفق وااحد وفجأة هداك نفق خرجها فبزاف ديال اتجاهات جرباتهم كاملين باش تخرج منهم وملي كتقول هنخرج من هنا كيضربها لحيط وكيرجعها بدات كتخنق من الجو ديال هداك نفق وبدا كيضلام عليها وفجأة بانت ليها حفرة صغيرة مشات كتجري ليها خرجات راسها ولكن جسدها بقا فداخل نفق واخا هي كانت عارفة بلي هاديك لحفرة مهاتخرجهاش وبلي غير راسها لهيخرج ويقدر كاع فمحاولتها باش تخرج من تما تموت ولكن ماكيهمش لمهم هو انها حاولات
لكبيرة:(شدات فيد فدوى)مرحبا بيك فعائلتنا انشاءلله هنحطوك فوق راسنا وهنتهلاو فيك
رقية:(تنهدات)انشاءلله انشاءلله
جنان:اا سمحولي نسولكم
رقية:سولي ابنتي
جنان:سي جعفر ماشي بات فدوى ايوا فين هو باها
فدوى:بابا مات ملي كانت عندي عام
جنان:اه ايواا لله يرحمو 😊
تعشاو وناضو مشاو بعدما قررو بلي ضريب صداق هيكون بعد غدا
رقية:(سدات لباب)نتمنى تكوني فرحانة دابا
فدوى:(شاداها لبكية)اه فرحانة حيث مهايبقاش ليسوى وليمايسواش يدوي علي
دورت وجهي عليها ومشيت سديت علي فلبيت ووقفات قدام لمرايا وهزيت كلينيكس بديت كنمسح فلماكياج وفنفس لوقت كندوي مع راس
فدوى:وصلتي لنهاية الالا فدوى شفتي تقتك فشمايت فين وصلاتك، هئ هئ علاش انا اسيدي ياربي علاش انا من بين كاع لبنات واش انا غلطت فحق شي حد هادشي علاش كتكتب علي هادشي ولا حيث غلطت فحق راسي،اشش هاادشي كنددير فيه انا ستغفرلاه (كنمسح دموعي)انا ختاريت هاد طريق ايوا خاص نتحملو
تيلي؛سررر سرر
#عند_غزلان
غزلان:خالتي فين هو منير
رشيدة؛هيكون طلع لسطح
غزلان:انا هنطلع نشوفو ومنها نيت نعيط ليه على قبل لعشا
مشات غزلان طلعات فدروج وهي تسمع
منير:مااتبقاايش ساكتة جاوبيني عفاك
فدوى:(الصمت)
منير:فدوى انا عيطت ليك باش نسمع صوتك على اﻷقل اﻵخر مرة فحياتي
فدوى:واخا هانتا سمعتييه ممكن تقطع ولا هنقطع انا
منير:سمحيلي على كلشي تيقيني انا عمري ما ضحكت عليك ولا كنت متخيل شي نهار اﻷمور هتقواد بيناتنا لهاد درجة
فدوى:ولكن قوادت ونتا لوصلتيها لهاد درجة
منير:ماشي انا نتي لوصلتيها كون ماقبلتيش تزوجي بسعيد كعما يوقع هادشي
فدوى:دابا انا لوليت سباب ماشي نتا ياك نتا لسبيتيني قدام ناس وقلتي، عرفتي شنو انا مافي ليتصادع معاك هاد نمرة نساها بلوكيها ماتبقاش تعيط لي
منير:فدوى بلاتي واش نتي بصح هتزوجي شكون هذا
فدوى:نتزوج نطلق سوقك؟؟
منير:بصح ماشي سوقي،غير هو انا وياك مادوزناش القليل ونتي عارفة بلي واخا يوقع ليوقع هنبقى نبغيك وخبار زواجك دابا راه كيحرقني من لداخل
فدوى:كتبغييني اهااه ومراتك
منير:(الصمت)
فدوى:جاوبني ومراتك شنو وضعها
منير:انا تزوجت بغزلان غير حيث باها هيوقف معايا وهيضبر لي على خدمة اما انا فراه مامتقبلهاش مكاتعجبني لا فشكلها و لا فحتى حاجة تيقيني ملي كنعس معاها كنتخيلك نتي قدامي شحال من مرة كنبغي نقول سميتك وانا معاها فلفراش غير كنتحكم فراسي
غزلان:😨😨😨
فدوى:داابا نتا علااش كتعاود لي هادشي
منير:ماتزوجيش
فدوى:شنوو زعما نستناك
منير:اه تسنايني انا غير هنترسم فهاد الخدمة وهندير لوراق وهنطلق غزلان وهنتزوج بيك
فدوى:بصحح داوي
منير:ااه بصح غير صبري
فدوى:مهانقدرش نصبر ا منير مهانقدرش نتحمل انك نتا تبقى قريب لغزلان وانا هنا
منير:انا كنواعدك مهانقربش ليها وغادي ن
فدوى:الله يلعن لمايحشم ليلعن ز**ل لحطك اشمااتة
منير:فدوى مالك
فدوى:يميلوو ليييك از**ل لله يعطيك العذاب ،لله يلعن نهار لتصاحبت معاك فيه وبغيتك اشماتة ماعرفتش فاش كنت كنشوف لله يعطيك العذاب ضيعتيني انا وباغي ضيع حتى غزلان
منير:داابا اش وصلنا لهاد لكلام
فدوى"سيير ت**د ومااتبقااش تعيط لي اجيفة ومن اليوم نساني رااني مرات راجل سمعتي مرات راجل (قطعات)
منير:فدووى فدووى تفوو على زهر
بقات كتشوفيه غزلان من لور ونزلات فدروج كتبكي دخلات لبيتها سدات عليها او بدات كتشهق وهنا فهمات بلي لحاجة لماشي ديالك وخديتيها صحة عمرها مهاتولي ديالك واخا تنطابق سما مع اﻷرض
يوم_غد
بصوت فدوى
تمبت خارجة من دار لابسة سروال جينز وتيشورت فلبيض وفيدي قميجة جينز حل لي شيفور لباب يالاه هنطلع وهي تبان لي غزلان جاية وجارة باليزتها تصدمت
فدوى:لااا ماايمكنش 😮😮
وانا واقفة مصدومة كنشوفيها شافتني غزلان وهي تحط لباليزا وجات عندي
غزلان:مالك كتشوفي في
فدوى:و واش رجعتي
غزلان:هههه نرجع واش من نيتك ياكما بنت ليك هبيلة باش نرجع من سيمانة لولا الى كنتي شايفاني جارة لباليزة فراه غير جايباها لختي غادة مسافرة
غدوى:ايوا مزيان لله يجعل سفرها راحة(بغيت نطلع طوموبيل)
غزلان:(شداتني من دراعي)امتى هتمشي من هنا بمرة
فدوى:نمشي نبقى نتي ماالك
غزلان:لبارح سمعت كلام منير معاك
فدوى:اوووه هي عرفتي راجلك شنو ناوي ليك
غزلان:اه عرفت غير هو كيبقى راجل ونتي كتبقاي لفعى دايرة بيه واكلة ليه دماغو
فدوى:سؤال ،هادشي لقلتيه واش نتي مقتانعة بيه
غزلان:شنوو واش باغا ترديني مسطية دابا
فدوى:مامقتانعاش بيه نتي اكثر وحدة عارفة منير شحال كيبغيني واكبر دليل على هادشي هو انه كان غادي يقتل سعيد حيث كنت هنتزوج بيه ماقدرش يتحمل وجا خشا فيه موس
غزلان:فدوى سيري من هنا خليني نعيش انا وراجلي مرتاحين
فدوى:هنمشي غدا ضريب صداق ديالي ومهاتبقايش تلمحي وجهي هنا غير هو خاصك تعرفي بلي واخا نمشي من هنا ماغاديش ترتاحي مع منير حيث عقلو وقلبو هيبقى معايا حتى اﻷخير نهار فحياتو عمرو مهايبغيك ولا غادي يتقبلك
غزلان:(هزات يديها باغا تصرفقني)😡😡
فدوى:(شديت ليها يديها)صرفقتيني مرة اصاحبتي ملي تزوجتي بمنير ودابا مستحيل نخليك تعاودي ديريها(دفعتها)سيري من هنا وماتبقايش توقفي مرة اخرى قدامي
طلعت لطوموبيل وشيفور كسيرا وهي بقات واقفة كتشوف في
من بعد نص ساعة ديال طريق وصلت لقصر دخلت وانا نلقى ام ادم وعمتو وختو جالسين
فدوى:سلاام
رجاء:مرحبا بيك احبيبة مالك تعطلتي صحابيناك مهاتجيش
فدوى:معقول مانجيش وانا قايلة لادم بلي هنجي
جيهان:مرات خويا لغزالة صباح الخير
فدوى:ههه صبااح نور،اناا هنمشي نشوف ادم
لكبيرة:هتلقايه كيتسناك
مشيت لعند ادم دقيت فلباب ودخلت
فدوى:حبببي صبااح الخير
ادم:هههه صبااح نور
فدوى:(قربت حداه)شنوو واقع لبيت علاش محيدين لخامية ولفراش ديال ناموسية
ادم:انا لقلت ليهم يحيدوهم باش تفرشيه على دوقك(باس يدي)
فدوى:نفرشو على دوقي مي راه مابقاش الوقت غدا هنديرو لاكط
ادم:ماتخافيش انا دويت مع واحد من معارفنا حنا ماعلينا غير نختارو من سيت ومن هنا لساعة هيكون كلشي هنا
فدوى:ايواا الى كان هاكا صافي واخا
ادم:هززي طابليط شوفي لبغيتي ختاري
فدوى:وااخا مي هتختار معايا
لباب:دقق دقق
ادم:دخل
سليم:سلاام
ادم:وااقعة شي حاجة
سليم:جيت باش نشوف واش خطيبتك جابت معاها وراق زواج 
فدوى:اه هاهوما فصاكي (جبدت لوراق من صاك)
سليم؛كاملين يااك
فدوى:ااه
سليم:عندي لييك واحد سؤال
فدوى:سول
ادم:سليييم 😡😡😡
سليم:عادي نسولها ماافيها والو نتي كيفاش قدرتي توجدي لوراق بهاد سرعة ولا ياكما كنتي مخططة لزواج من شحال هادي هداكشي علاش عندك لوراق موجودين
ادم:(غوت)سلييم لززم حددك
فدوى:اددم تهددن
ادم:وااش ماسمعتيهش شنوو قاال
سليم:مااقلت حتى شي كلمة ديال العيب هذا غير مجرد سؤال
فدوى:ماباغاش نخرج معااك العيب الووسي هادشي علاش نتا مضطر تلزم حدك معايا
رجاء:(دخلات)ماالكم