🦋جعلوني زوجة له 🦋 (طور التنزيل )

part79

💎جعلوني زوجة له💎
جزء79
حط لقمان يديه على الحيط مغمض عينيه قلبو كيضرب بشوية ونفسو بدات كتقطع وجسمو نمل عليه
لبيرو:سي لقمان شنوو هنديرو
ماجاوبوش لقمان خرج برا وقف وهو يبدا يتقيى بسباب صدمة
لقمان:م م ماايمكنش فدوى (كيغوت)فددددوى اااااااااااااه
جا لبيرو مد ليه قرعة الما دفعها لقمان ومشا طلع فطوموبيل كسيرا على جهدو غادي فطريق وكيغوت غير بوحدو فحال شي مسطي
لقمان:هنقتتلك ا زروال هنقتلك وهنقتل أي واحد عندوو علااقة بيك،فدوى مايمكنش
بقا لقمان غادي بلا عقل فجأة مابقاش قادر يتحكم ففولو ديال طوموبيل وهو يدخل فواحد الحيط دار كسيدا

#عند_الياس
كان الياس ناعس كيحلم حتى صونا عليه تيليفون،فاق جاوب كان باه
الياس:وي اشش كاين
زروال:حناا مشيناا فيها صاافي،لقمان عرف بلي حناا قتلنا مراتو
الياس:(وسع عينيه)كييفاش عرف
زروال:هجم علي فلفيلا وانا ملي كنت هربان طاح مني تيليفون اكيد هيكون لقاه وشاف لفيديو ديال مراتو وهي فالقبر
الياس:تيليفون طاح ليك يعني صافي هيشوف نمرة زهرة وجنان وهيعرف كلشي
زروال:لااا ماشي هداك تيليفون لطاح،طاح لي تيليفون لفيه غير نوامر مك وخوتك وفيه فيديو ديال مراتو فلقبر
الياس:صاافي فهمت،تهدن رااه مااعندو مايدير
زروال:كيفااش مااعندو ماايدير اناا كنقوليك عرف مراتو مقتولة ونتا كتقوليا مااعندو مايدير فييق ا الياس معايا هذا راه لقمان لقمان مااشي اي واحد انا داابا وليت خايف غير على خوتك لبرا يقدر يوصليهم فاي لحظة وينتاقم مني بيهم
الياس:لواليد تهدن واخا انا هندوي معاهم دابا هنقوليهم يمشيو لشي بلاصة يتخباو فيها بينما حلينا هاد المشكل
زروال:هادي أول مرة ا الياس هنحس بالخوف
الياس:مااعندك مناش تخاف،قوا من لقمان ونزلنا ليهم راسهم الأرض ماتخافش،يالاه الواليد انا هنقطع هندوي مع خوتي
زروال:صاافي واخا
قطع الياس ومشا وقف قدام شرجم حلو وبدا كيشم فلهوا
الياس:سمحلي الواليد ولكن فهاد لحظة انا أهم من خوتي ،خلي لقمان يتلاهى بيهم بينما انا وفدوى هربنا من هنا (شاف فتيليفون وصانا على شي حد)الووو هذا اناا الياس لباسبورات واش وجدو
.......بااقي خاص واحد يومين اخرة
الياس:وااخا من بعد يومين هنعيط ليك وديك ساعة الى مالقيتش لباسبورات واجدين عتابر راسك ميت (قطع)خاصنا نمشيو من هنا فاقرب وقت قبل ما لقضية تزيد تحماض

يوم_غد_صباحا
صبح صباح وصبح معاه صداع العائلة يالاه ساقو لخبار لكسيدا لدار لقمان
رجاء:اشش وااقفين كتسناو تحركوو خلينا نمشيو عند خووكم
سوسن:تهدني اماما راه بيخير ماوقع ليه والو،يالاه عيطت ليه قاليا بلي راه جاي فطريق
رجاء:(جلسات)اويلي على ولدي مسكين دار كسيدا بليل وحنا يالاه سايقين لخبار مامشا عندو حد مالحق عليه حد تقول مقطوع من شجرة
زهرة:(من وراهم)شنوو واقع ،فينااهو لقمان
لكبيرة:نتتي علااش خرجتي من بيتك،اش كديري هنا
زهرة:لخدامة قالت لي بلي لقمان دار كسيدا واش بصح
رجاء:بصح ولاا مااشي بصح اش دخلك نتي
زهرة:اناا
جيهان:خوويا جاا
داارو كاملين وهو يبان ليهم لقمان جاي وجهو حالتو مافيه مايتشاف وباينة فيه واصلة بيه العظم
رجاء:(عنقاتو)ولدي على سلامتك ،خيير شنو وقع معاك
لقمان:(الصمت)
زهرة:مالك فيديك واش كتوعت فيها (حطات يديها على يديه)
لقمان:(بعد)اناا هنطلع نرتاح
تما لقمان طالع وهو يوقفو صوت جيهان
جيهان:خوويا واش كاينة شي خبار على فدوى
لقمان:(تنهد)ماعندي عليها حتى خبار
لكبيرة:داابا تلقاها،هاتدور حتى تعيى وهترجع
دار لقمان شافيه ودار كمل طريقو
لكبيرة:شي حاجة فيه ماشي حتى لهيه
رجاء:من نهار مشات مانعسات ماشافو
زهرة:ايواا صافي حتى هاديك ماينعسوش على قبلها ناس
رجاء:(دارت عندها)نتي شفتك مزاال واقفة هنا تحركي دخلي لحبس لمن لمفروض ماتخرجيش منو (غوتات)تحرككي
حدرات زهرة راسها ومشات دخلات لبيتها اما لقمان فدخل لبيت سد عليه جلس فوق ناموسية وهو يبان ليه تيليفون ديال فدوى محلول هزو كيقلب فيه دخل لتصاور لقا تصاورو كاينين وحتى شي تصاور واخداهم ليه هي بلا مايحس ملي كيكون ناعس وملي كانو مع بعضياتهم فدار لهيه واخدة ليه تصاور وهو حداه
لقمان:كلشي مني انااا سباب،بسبابي زروال قتلها هندفعك ثمن غالي ازروال هنخليك تمنى لموت وماتلقاهاش كيفما خليتي قلبي محروق على مراتي حتى انا هنحرقك (هز تيليفون)الووو
.......الوو موسيو لقمان كيفداير لباس
لقمان:لباس تاصلت بيك على قبل شي حاجة
.......لهي
لقمان:وااحد خاينة بيني وبينوو حساب كبير سميتو زروال اسماعيلي،عندو ولادو فاسبانيا
......اه عرفتو راه معروف فالمغرب بتجارة فالحشيش
لقمان:من هنا العشية نبغي خبار موت ولادو كاملين تجيني
......غاالي وطلب رخيص ،عتابر شي لطلبتيه تنفد
لقمان:هنتسنى خبار منك
لاح لقمان تيلي وطلع فوق ناموسية حيد تيشورت وتكا غمض عينيه وبسباب لعيا وصدمة نعس ولكن نعاسو ماكانش نعاس مريح حيث هداك لفيديو لشاف بقا كيتعاود ليه فالمنا
#عند_فدوى
فاقت فدوى على صوت دجاج كيغوت ،وقفات حلات شرجم كتشم فلهوا ديال تاونات وهو يبان ليها الياس واقف برا غادي جاي كيغوت فتيليفون
فدوى:هذاا مالو ،وانا مالي يغوت ولا يكعد
سدات شرجم ودخلات لدوش لكان بلدي دارت صابون لبلدي حكات شوية سلتات شعرها ودارت صابون وخرجات لابسة بينوار حيداتو لبسات سورفيط كانت محطوطة فلبلاكار لبساتها ونشفات شعرها وهبطات لقات لمرا لسميتها زاينة واقفة
زاينة:صباح الخير ابنتي
فدوى:صباح نور
زاينة:لفطور محطوط برا الى بغيتي تفطري
فدوى:اه شكرا
مشات فدوى جلسات راسها كتفطر وهي توقف عليها واحد لبنت من شكلها كتبان ماشي طبيعية
فدوى:نعاام واش بغيتي شي حاجة
لبنت:(طولات شوفة ففدوى)كيقلب عليك
فدوى:نعاام مافهمتكش
لبنت:كيفتش عليك وهيلقاك
فدوى:(تفكرات لقمان)شكوون كتقصدي
لبنت:هداك لساكن هنا (شارت لجهة قلبها)
زاينة:عيشة اششش كتعمل هنا ،لالا فدوى سمح لينا هادي راها بنت ولدي مريضة مسكينة مشيرة (كتجر فيها)
لبنت:توحشك بزاف وراه كيبغيك كيفما نتي كتبغيه،غير هو مهايسمحش ليك على هادشي لعملتي حطيتي يديك فيد شيطان مهايسمحش ليك
جرات زاينة بنت ولدها مشاو وفدوى لفطور وحل ليها خاصة ملي قالت ليها حطيتي يديك فيد شيطان مهايسمحش ليك
فدوى:يااربي تخرج هادشي لدرت على خير
الياس:(جلس اونفاس معاها)صبااح الخير
فدوى:صباح الخير اا الياس شوف انا بغيت نرجع لكازا
الياس:(هز حاجبو)ياك دوينا فهادشي لبارح
فدوى:ااه دوينا ولكن
الياس:مااكاين ما ولكن تافقنا باش ترتاحي مزال شي ايام هنا خليك على اتفاق لدرنا
فدوى:اتفاق لدرنا؟؟؟انااا قلت لييك بغيت نرجع هي هنرجع سالينا
الياس:فدوى ما ت
قاطع صوت الياس صوت غليظ مبحبح
زروال:(غوت)اليااااااس
الياس:(تلفت)😰😰😰😰بااباا
زروال:(قرب كيشوف ففدوى مخرج عينيه)كنت عاارف بلي كااينة شي حاجة ماشي حتى لهيه
فدوى:(وقفات)🙄🙄
الياس:فدوى دخلي
فدوى:وااخا
دخلات فدوى وزروال شنق على الياس
زروال:شرررح ليي هاادي اشش كديير هنا،يااك قلتي لي بلي قتلتيها
الياس:لواليد خلييني نشرح ليك
زروال:(كيغوت فوجهو)اشش هتشرح لي ،ضحكتي علي مسيفط لي فيديو على اساس قتلتيها ودابا ملي جيت نلقاك جالس كترومانسا معاها
الياس:ااناا كنبغييها
زروال:(جمعها معاه بصلية)حمااار وهتبقى ديما حمار على قبل خانزة ديال لخلا هتضيع كلشي (تما غادي جاي)اناا هنعيط دابا للقمان نقوليه مراتو باقة حية
الياس:واااياك ديرها
زروال:انااا مشكلتي مع الحاج ماشي معاه ،من نهار خرجت من الحبس وانا كنحاول نبعد لقمان من قدامي ونبقى مني لحاج،حطيت زهرة فللقصر باش تلهيه وقلت لجنان تلاقي سلوكا وسط عائلة باش مايبقاش مسوق لحاج هادشي كامل درتو حيث مابغيتش لقمان يحقد علي ولا يكون بيني وبينو شي مشكل شخصي حيث مهايرحمنيش ومهايرحمش خوتك ودابا ملي شاف مراتو مليوحة فلقبر برأيك هيرحمنا هااا خاص نقوليه بلي مراتو باقا حية باش على اقل لعافية لفيه تخف من جهتنا قبل ماتحرقنا
الياس:(قرب ليه وحط عينو بعين باه)اناا كنبغييها ومامستعدش نسمح فيها واخا تنطابق سما مع الأرض ونزيدك الى كانت شي حاجة هتفرقني على هاد لبنت فهي لموت لا لقمان لاا نتا لا ولادك مكاتهموني فهاد الوقت ،انا قلت ليهم يوجدو لينا لباسبورات باش نسافرو وديك ساعة لقمان الى بغا يحرق دنيا يحرقها
زروال:شنوو دابا واش كتحداني انا باك
الياس:عتاابرها كيفما بغيتي،فدوى لي وهتبقى لي واخا نعرف نشق الأرض باش تبقى معايا نشقها دير هادي فبالك
زروال:هتندم على هادشي بزاف،هاد لبنت هتديك غير لجهنم لقمان راك ماتقدش عليه
الياس:لقمان الى كان كيخلعك نتا اناا لاا ماكيخلعنيش ديرها فبالك

#تتمة
#عند_جنان
جنان:كيف جااتكم دار
مينة:كبيرة تباركلاه زوينة بزاف
جنان:ونتا كيف جاتك دار ابا
حمد:لحراام عمروو مايحلى فعيني
جنان:(نزلات شدات فيديه)كنقسم ليك بالقرآن الكريم بلي ماشارية هاد دار بلحرام،لفلوس عطاهم لي راجلي بخاطرو يعني حلال علي
حمد:(الصمت)
تيلي:سرررر سررررر
جنان:(شافت فتيلي)وااحد دقيقة راجلي كيعيط لي
خرجات لبالكو خادت نفس عميق وجاوبات
جنان:الووو سليم
سليم:جنان
جنان:وي كنسمعك
سليم:من بعد شي لقلتيه لبارح فكرت مزيان واخا غادي نرجعك لقصر
جنان:كنت عاارفة افف واخييرا
سليم:ولكن ماشي دابا
جنان:وااش كتضحك علي ولاا شنوو
سليم:مكانضحكش عليك ،مي فهميني انا محتاج لراحة عطيني مدة فين نرتاح ونحاول نهضم هادشي لدرتيه معايا الى رجعتك داابا غادي غير نزيد نحقد عليك كثر
جنان:(الصمت)
سليم:اشش قلتي ا جنان
جنان:(شافت فوالديها)صاافي واخا هنعطيك زوج سيمانات ومن بعد هترجعني القصر
سليم:صافي وااخا (قطع )
جنان:نيت حتى انا محتاجة لراحة ومنها نيت نبرك مع والديا ونعاود نقاد حساباتي

#عند_سليم
حط سليم تيليفون وهي تدخل لعندو سوسن
سوسن:سليم صحاب شركة إيناس جاو خاصنا نستقبلوهم
سليم:وااخا
خرج سليم وقف هو ومروان وحداهم سوسن تحل اسانسور خرجو منو زوج رجال ومن وراهم واحد لبنت زعرة وجهها بيض حاطة على شفايفها عكر حمر ماط وفوق عينيها مكتافية بخط ديال ايلاينر شعرها زعر وطويل لابسة كسوة فلغوج حد ركبة لاصقة عليها وسباط نواغ
سوسن:اينااس مرحبا بيك
ايناس:(بتاسمات)شكرا اسوسن،سنين هادي ماشفتك
سوسن:غير للوقت وصافي،خليني نعرفك على خويا سليم ارسلان رئيس مجلس ادارة مجموعة شركات اسلان،سليم نعرفك على ايناس شرايبي وحتى هي رئيسة مجلس ادارة شركة ايناس للإنشاءات
سليم:(سلم عليها)تشرفت بمعرفتك
ايناس:(كتشوف فعينيه)شرف لي موسيو سليم
سوسن:تفضلو لقاعة ديال اجتماع مانبقاوش واقفين
دخلو لقاعة ديال اجتماعات كيدويو على لخدمة،ايناس كانت كدير شوفات غراب فسليم وهو لاحظ هادشي ولكن ماعطاهاش اهتمام حيث بالو مشوش ولمشاكل فوق راسو ضاغطين عليه