🦋جعلوني زوجة له 🦋 (مكتملة )

part63

💎جعلوني زوجة له💎
جزء63
بلسان فدوى
لحت ليها هاد زوج كلمات ونضت خليتها كتشوى غير بوحدها باش لمرة جاية قبل ماتبغي دير معايا بلانات تفكر بلي راني ماساهلاش ليها ،ملي دكرت ليها ليلة لضربها فيها لقمان وجهها تخطف باينة واقعة شي حاجة كبيرة بيناتهم وانا خاصني نعرفها.... وصلت البيت ديال جيهان جيت باش نشوفها حيث غبرات هتكون مسكينة باقا متأثرة بشي لوقع مع باباها
دقيت فلبيت ماجاوبتنيش وانا نحل لباب ودخلت اول ماسمعت هو صوت جيهان كتقيى فلحمام يالاه بغيت نمشي عندها وانا نقشع بعيني واحد لحاجة بيضة فوق ناموسية مشيت هزيتها بزربة وانا نلقى تيست ديال لحمل طالعين فيه زوج شرطات حمرين
جيهان:(خرجات من لحمام) مرات خويا
فدوى:(مصدومة) ه هذاا د ديالك نتي  حاملة 😳
جيهان:(عينيها عمرو دموع)نتتي شكوون عطاك الحق تقربي لحوايجي
فدوى:دااابا جااوبيني وااش هذاا دياالك
جيهان:اه ديااالي ديالي
فدوى:(حطات يديها على فمها)نتتي اشش درتي وااش عارفة اش درتي فرااسك ولا لا
جيهان:(الصمت)
فدوى:(كترعد)امتتى عرفتي بالحمل،شحاال عندك من شهر
جيهان:هئ هئ عرفت نهار درت لكسيدا ونهار لبابا طاح فيه
فدوى:ب بلااتي بلااتي اجيهان و وااش عمي  طاح ووقع معاه لوقع حيث عرفك حاملة ،عفاك قولي لي ماطاحش بسباب هادشي
جيهان:اهئ اهئ ااه طاح بسبابي

بقيت كنشوفيها وبدون شعور جمعت يدي  وصرفقتها على حر جهدي، طاحت جيهان اﻷرض كتبكي وتحنيت عندها وقفتها
فدوى:(كتفوت) ياااااك كنت كنوصيك اجيهااان يااااك وصيتك وقلت ليك ماتعطيهش راسك علاش علاش درتي هاكا فراسك، عرفتي لامشا لقمان حتى عرف بحملك غادي ينحرك وينحرو وهينحرني معاك حيت عارفة
جيهان:اهئ اهئ عفااااك افدوى(كتبغي تبوس ليها يدها)ماتقولي لخويا والو غادي يذبحني  ماتقولي ليه والو عفاك اهئ اهئ
فدوى:ماتخافيش ماشي انا لهنتسبب فموتك حيث كنعرف خوك كثر منك مهايرحمكش

بقيت كنشوفيها جلستها فوق ناموسية وهي كتنخصص وانا وقفت بديت كنمشي ونجي عليها كنفكر فحل لهاد المصيبة
فدوى:مخاصش لقمان يعرف لامشا حتى ساق لخبار غادي يريب القصر فوقنا كامليييين(دارت بزربة) بوحدك لعارفة ياااك
جهان:اه حتى يوسف ماعارفش
فدوى(غوتات) واش حمقة
جيهان:عفاك ماتغوتيش غادي يسمعوك
فدوى:عندك صح كلشي خرج بقات غير جنان وديما يا لاطيف ودنيها على لبيبان سمعي هتعيطي لداك زام** ديالك دابا وهتقولي ليه بلي حاملة و خاصو يسترك ويتزوج بيك
جيهان:واخا هاهو سترني وتزوج بي وخويا اش هندير معاه
فدوى:ديك ساعة مهايدير ليك والو ياك حتى سووسن حملات مع راجلها قبل زواج ايوا صاافي دابا غدي تعيطي ليه يجي ونحلو لمشكل
جيهان(كتقلب على تيليفون) وخا انا هنعيطليه (دوزات الخط)
فدوى:ديري مكبر صوت باااش نسمع كلشي
يوسف:الووو
جيهان:يوسف خاصني نهضر معاك ضروري
يوسف:نعام
جيهان(خدات نفس عميق) انا حاملة
يوسف:(بسخرية) سخرية مزيان الله يسخر ليك ولاكين من من انسة جيهان واش تزوجتي
جيهان:اهئ اهئ واش كتحماق عليا راه ولدك ايوسف واش نسياي
يوسف:من نيتك ههههههه
جيهان:(كترعد)يووسف هذاا ماشي وقت ضحك انا رااني وااحلة واحلة خويا الى ساق لي لخباار غاادي يقتلني
يوسف:يقتلك ولا مايقتلكش اناا مالي
جيهان:(غوتات)كيفااش ماالك؟؟نتااا باات هادشي لفكرشي وااش بااغي تنكرني ايووسف
يوسف:ماعنديش علاش نكرك حيث انا وياك اصلا ماكان بيني وبينك والو ،سمحيلي ا انسة ارسلان ولكن لعلاقة لوحيدة لكانت كتجمعنا انا وياااك هي لخدمة
جيهان:كيفااش لخدمة ؛يووسف فييق هاادي اناا جيهان حبيبتك لمرا لكتبغي يااك نتا كنتي كتقوليا بلي يوقع ليوقع مهاتخلااش علي ودابا شنوو واش صافي نكرتيني
يوسف:سمحيلي مضطر نقطع (قطع)طيط طيط طيط
جيهان:(كتغوت بهسترية) الو يووسف الوووو يوووسف يووسف اهئ اهئ