🦋جعلوني زوجة له 🦋 (مكتملة )

part28

💎جعلوني زوجة له💎
جزء 28
تمات زهرة غادة مع جنان حتى قربو جهة لعائلة وووقفو،لعائلة غير شافوها صدمة تعالات على وجوههم كلشي وقف مصدووم ماعرفو باش تبلاو،قربات زهرة حداهم بكل جرأة ووقفات قبالتهم هنا رجاء ملامحها تبدلو كيعبرو على الغضب لكتحس بيه ندافعات اتجاهها و شداتها من دراعها
رجاء:نتي اش كديري هنا ،بأي حق داخلة لداري شكون دخلك
زهرة:اول حاجة ناس كيقولو سلام،كيسولو على اﻷحوال ديال ناس لداخلين لديورهم ماشي كيتعاملو معاهم هاكا
لكبيرة:نتتتي اش جابك شنوو باغا،ولا ياكما جابوك صحابك لفلوس
هنا تنترات زهرة من رجاء بكل هدوء وقالت بكل خبث
زهرة:انا ماجياش على قبل الفلوس جيت باغا نشوف ولدي
مسعود:ولدك؟نتي ماعندك ولد فهاد دار، نهار سمحتي فلقمان على قبل الفلووس مابقا عندك ولد (شاف فجنان) نتي علاش دخلتيها
جنان:انا اعمي لقيتها فلباب كتغوت دخلتها خفت لاتكون صحافة برا يمشيو يصوروها  ونصدقو ففضيحة
رجاء:(كتشوف فيها مصغرة عينيها)ماعرفتش علاش مقديتش نثيقك
جنان:هادي هي صراحة مابغيتيش تيقيني شوفي كاميرات برا راه كانت دايرة سكوندار
لكبيرة:ماشي وقت هاد الهضرة، لمهم دابا هو  شنو بغات قبل مايجي لقمان ويدير لينا فضيحة هنا
حطات رجاء يديها على فمها وهي مخلوعة
رجاء:ولدي(كتدفع فيها باغا تخرجها) خرجي سيري فحالك،ولدي لاشافك هنا هيمشي تاني ويخليني، انا ماقلت رجعلي مرة اخرى تجي نتي دابا ضربي لي كلشي فزيرو خرجي سيري فحالك بلاصتك ماشي هنا
مسعود:سيري رجعي فين كنتي فالمستنقع ديالك، فلوسك كيوصلوك كل شهر اش باغا مزال
زهرة:(دفعاتها)باغا ولدي باغا نشوفو ونهضر معاه
رجعات رجاء كدفع فيها وكتغوت
رجاء:خرجي عليا براا(كدفع فيها)مهانخليكش تفرقي بيناتنا تاني خرجي
فديك اللحظة وصلات طوموبيل فدوى و ولقمان القصر نزلو ولقمان جالس كينكر عليها
لقمان:فاش ندوي معاك ونقوليك جلسي هي جلسي لاش تبعاني
لقمان:ونتا مادام عارف راسك هتعطل وصلني دار وسير قضي شغلك ماتخلينيش تما بحال شي كلبة بوحدي
ماجاوبهاش لقمان ضرب فيها وتما داخل وفدوى من وراه كتعيب مشيتو
وصلو لداخل تسمع صوت لغوات ،ملي قربو شافو مرا كانت رجاء كتدفع فيها مافهمو والو
قرب لقمان جهة لمرا كانت عاطياه بضهرها شدها من دراعها ودورها لعندو هنا لقمان تشوكا فبلاصتو،كانو ملامحو مامفهومنيش جمعو مابين الخوف الغضب صدمة هادو كلهم بانو عليه فدوى بقات كتشوفيه وفنفس لوقت كتشوف فزهرة
#بلسان_فدوى
وانا واقفة كنتفرج فهادشي لواقع قدامي قربات لمرا لقمان حطات يديها على وجهو وبدات كتبكي
زهرة:اهئ اهئ ولدي (كتشوف فعينيه) كبرتي اولدي ووليتي راجل شوف قداش وليتي تبارك الله غير لبارح ولدتك وكنتي قد كميشة شوف تبارك الله دابا
خنزار فيها لقمان بواحد طريقة زعزعاتني من بلاصتي وهز يديه دفعها وهي طاحت اﻷرض
لقمان:(غوت على حر جهدو)اخييير مرررة انااا شنووو قلت لييييك
زهرة:هئ هئ ولدددي
لقمان:(لعروق طراساو ليه فعنقو)قلت لييك مانششوفكش قدامي،قلتت لييك نسااايني عليك
زهرة:هئ هئ كيف نديير ننساك ونتا ولدي كبدتي
لقمان:(كيترعد)اخييرر مرة نسمعك كتقولي لي ولدي (غوت)اناا ماااشي ولدك وعمرري مااكنت ولدك ،وداابا سمعي الى مرة اخرى شفتك  قدامي هننسى بلي دمك فعروقي وهنقتلك ودبا خرجي ماتبقايش تباني قدامي